Lúkas 22:43 - Nomaande

⁴³ [Elilé yɛ́ bɔsɔ́ma yɛ́ Bandɔ́mɛsɛ́ nyihúle eényí ɔ Ɔmuaná o okoó wuúci kíndísi.

Lúkas 22:43 Iomraidhean Croise

Matío 26:53

O ti ŋóo menyi anyía ya mɛ́ŋa wu ɔbáŋgɛna ciamɛ Síkíne, yɔ́ mɛ tɔ́mɛ́na ɔ ɔtɔ́mɛ́na ɛlɔŋɔ ciéŋí ci *bililé bɛ́ masɔ́ma bí biité bɛ́ hɔ́laka tɔ́sɛ́na cíɔ́hátá ne ífendí e ?

Matío 4:11

Musɔ́mɛ́na ŋé wuúci nyɛána. Bililé bɛ́ masɔ́ma bɛ́ Bandɔ́mɛsɛ́ nyɛfaakɔna eényí a maabána me Yésus o o wuúci sókóbi.

Matío 4:6

mbá ɔsɛ nááyá : « Mbɔ́kɔ asɛ ɔ ɔ́ŋa Ɔɔ́nɔ́ u Bandɔ́mɛsɛ́, cimé ɔ ɔmɛsɛ́, anyía Ciɔɔ́ŋɛ́ cɛ́ Bandɔ́mɛsɛ́ ŋa kɔ́ɔna cɛ́sɛ : “Bandɔ́mɛsɛ́ kéé yíínjíékíne bíáyɛ́ *bililé bɛ́ masɔ́ma makɛ́nda a yɔ́ɔ́wɔ asana, bɛ́ɔ́ kuɔŋɔ́ bɛ́túáhákɛ́na a cáábɔ́ aabá anyía úúwu ɔkɔlɔ́ ti kúféténe a nyɛndányɛ́.” »

Lúkas 22:32

Mbá ɛ ŋa mɛ́ bɛ́cɔ́kɔ́lɔ́kɛ́na Bandɔ́mɛsɛ́ ɔɔ́wɔ eé buúse anyía uúwú olumitinine tɛ ɔ waáŋɛ́na ; mbá kuɔŋɔ́, ekúlú eyí uúwe ɔtɛ́má ká ka hálɔ́mɔ́na náámɛ, kíndísíki bɔlɔ́ɔwɔ. »

Buólí 14:22

Bá ŋa bɔ́ bá bébú kíndísíki ɛtɛ́má cí belumitinine, bé beébe lébéke anyía bá bɛ́kɛ́ndɛ́na o olumitinine noómi, bá kɔ́ɔnaka báyɛ : « Basɔ́ belumitinine, tu ŋá sɔ́ nyɛ́mána tú ɔ cáŋa lɔ́kɔ́máka muuyé muéŋí, mbá tu síké óofine e *Butéŋí bɔ́ Bandɔ́mɛsɛ́ noómi. »

Buólí 18:23

Ayɛ́ u ŋeé límékíne hɔ́á ɔmbana ú mɔɔ́sɛ́, u ŋá háná hátɔ́na, u ŋé súéte. U ŋá sɔ́mbɔ́tɔ́nɛ́na i iisí cɛ Kalasi, yɔ́ hɔ́lɛ́na i iisí ci Filiki, u húlé kíndísíki belumitinine bekime o olumitinine noómi.

1 Timoté 3:16

Asana eéyé ayɛ́ Bandɔ́mɛsɛ́ ŋa námbɔ́nɛ́na baacɔ áŋa yaandándá yɛ́ asana, isuŋí tɛ á kɛla. Yááŋa asana yí Ooci awɔ́ ú ŋaá bɛ́cáŋa ɔɔcɔ, Elilé yó tóŋínyi anyía wáŋa ɔtálɛ́mánánɔ́, bililé bɛ́ masɔ́ma bɛ́ Bandɔ́mɛsɛ́ bíó wuúci lɛcaka, baacɔ bó húlíkínyi baacɔ abá bá tɛ ábɔ́ bá Besuif yááyɛ́ asana, biliminyi bɛ́ ɔmɛsɛ́ okime bá ɔhákɛ́na mɔŋɔlɛ́ nááyá, Bandɔ́mɛsɛ́ nyi wuúci bééti eényí ɔ Ɔmuaná aá haála hé nuúmi.

Ebélé 1:14

Bililé bɛ́ masɔ́ma bɛ́ Bandɔ́mɛsɛ́ áŋa aátɛ́ e ? Bɛ́áŋa hú bililé a bɛ́ ŋɔ nyiɔnɔ Bandɔ́mɛsɛ́ buólí, biíbi eébí Bandɔ́mɛsɛ́ ŋa tɔ́má ɔ ɔkɔwɔ́ɔ́lɔ baacɔ ebé u kéé nóhiki.

Ebélé 1:6

Ekúlú ayɛ́ Bandɔ́mɛsɛ́ ŋaá tɔ́má uuyé Ɔɔ́nɔ́, Mutéŋínyi bɛnyɛ́ma bikime na bɛ́ ɔmɛsɛ́ na bɛ́ ɔmuaná, u ŋaá kɔ́ɔ́na ɔsɛ : « Bililé bɛ́ masɔ́ma bɛ́ Bandɔ́mɛsɛ́ ŋaá nyɛmána bí onyemi Ɔɔ́nɔ́. »

Ebélé 2:17

Buátɛ́ bɔkɔ Yésus ŋá nyɛmána wu ɔhɔ́áka bááyɛ́ benyíinyí a bɔkɔ bukime, anyía wá bɛ́cáŋa *mutéŋínyi beluli nyiínjie a muáŋá a mú me bíínjie ɔ ɔnyiɔnɔ Bandɔ́mɛsɛ́ buólí. U ŋa bɛ́cáma baacɔ mahana buéŋí, u beébe nyɛanakɛnɛna maabɔ́ maabɛ́, u kɛlaka anyía bábɔ́ lɔ́kɔ́mákána na Bandɔ́mɛsɛ́.