Lúkas 22:42 - Nomaande

⁴² ɔsɛ : « Taatá, mbɔ́kɔ o ŋoó léne, cɔ́kɔ́lɛ mɛ ááŋɛ́na hindeŋé hí muuyé eehi. Ta híáná, tɛ́ cáŋa háyɛ i ŋeé mi léne, mbá háyɛ o ŋoó léne. »

Lúkas 22:42 Iomraidhean Croise

Matío 11:25

Hí e ekúlú etéeyé, Yésus ɔsɛ : « Ééʼ, Taatá, kuɔŋɔ́ ó ŋoó téŋínyi na Ɔmuaná na ɔmɛsɛ́. I ŋe mí o wiínjie bitéŋíti anyía ɔ́ ŋɔ́ɔ nambɛ́na ne bemenyi bɛsana ne benjiŋénjíŋe bɛsana eébí, wó biíbi tóŋgínyi né iŋéné.

Matío 11:26

Ɛ́ɛ, Taatá, aáná bú ŋo yóo bílénékíné.

Matío 20:22

Mbá Yésus ɔsɛ náábɔ́ : « Nu ti ŋé nú menyi asana ayɛ́ nu ŋa nɔ́ mɛ bata. Mbá nua nɔ́ŋa nu ɔnɔ́mátána ɔmúána nyɛnamá nyí hindeŋé hí indekese ahɛ́ míɔ cɔba ɔ ɔmúána e ? » Mbá báyɛ : « Ɛ́ɛ, tua sɔ́ŋa tu ɔnɔ́mátána ! »

Matío 26:39

Ɛ́makɛ́la wé beébe laána aáná, u ŋá cɔbɛ́ta ne buúse, u ŋé bísúbúlíéne ɔ ɔmɛsɛ́, u ŋé túme ɔbɛ́cɔ́kɔ́lɛ́na Bandɔ́mɛsɛ́ ɔsɛ : « Ééʼ, Taatá, mbɔ́kɔ búáŋa bɔ́ ɔbɛ́kɛ́láka, cɔ́kɔ́lɛ mɛ ááŋɛ́na hindeŋé hí muuyé eehi eé buúse. Mbá ta híáná, atɛ kɛla háyɛ i ŋe mí léne, mbá kɛláka háyɛ o ŋoó léne. »

Matío 26:42

U ŋé túné beébe bɛ́álɔ́na e bikúlú bífendí ɔkɔbɛ́cɔ́kɔ́lɛ́na Bandɔ́mɛsɛ́, ɔsɛ : « Ééʼ, Taatá, mbɔ́kɔ ɔ tɛ ɔ́ bá wu ɔwaáŋia hindeŋé hí muuyé eehi eémi eé buúse, yaŋɔ́ tɛ́ka o o hiíhi múá, bú a bɛ́kɛ́láka háyɛ o ŋoó léne. »

Matío 26:44

Aáná u ŋeé beébe bɛ́álɔ́na, u ŋá cɔba, u ŋé túmé ɔbɛ́cɔ́kɔ́lɛ́na e bikúlú bɛ́tátɔ́, u kɔɔnaka hú bɛsana abɛ́ u ŋa cáŋa ɔ bɛ́cɔ́kɔ́lɛ́na Bandɔ́mɛsɛ́ eé biíbi.

Matío 6:10

búɔ́wɔ Butéŋí á faáya, bɛsana ebí o ŋoó léne á bɛ́kɛ́láka aaha ɔ ɔmɛsɛ́ háyɛ ɔ Ɔmuaná.

Malɛ́kus 14:36

U kɔɔ́naka ɔsɛ : « Ééʼ, Ába, Taatá, ɔ ɔ́ŋa wu ɔkɛlaka bɔkɔ bukime. Cɔ́kɔ́lɛ mɛ ááŋɛ́na hindeŋé hí muuyé eehi eémi eé buúse. Mbá ta híáná, atɛ kɛla háyɛ i ŋe mí léne, mbá háyɛ o ŋoó léne. »

Lúkas 23:34

[Yésus ɔsɛ : « Taatá, beébe nyɛánɛ́nɛ́na anyía bé ti ŋé bú ményi bɔkɔ abɔ́ bá ŋa bɔ́ kɛla. »] Bá ŋá aáfákána bíáyɛ́ bɛlaŋa, ɛ́cɛ bá ma bɔ́ ááhakɛna ɔndɔŋɔ o omenyi bɔlaka abɔ́ ɔɔcɔ okime eé beébe áŋa wu ohiite.

Sáaŋ 18:11

Yésus yɔ́ láana Bíel ɔsɛ : « Hélúmúnyi núɔ́wɔ nɔsala nɔ́ ɔhána a abákála. O ŋoó keti anyía i ŋe mí kine ɔmúá indekese acɛ́ ciamɛ Síkíne ŋeé mi iínjíé e ? »

Sáaŋ 4:34

Mbá Yésus ɔsɛ náábɔ́ : « Ekúlú ayɛ́ yámɛ kɛlaka bɔkɔ abɔ́ Mu-mɛ-tɔ́ma ŋá yáamba anyía yámɛ kɛláka, mío nyíoyísínyi búáyɛ́ buólí tɔ́na, yááŋa háyɛ anyía ɛ́ maá mɛ nyíáka.

Sáaŋ 5:30

Ɛ tɛ ámɛ bá wu ɔkɛlaka bɔkɔ aá ciamɛciamɛ. I ŋeé mi kélísi hú háyɛ Bandɔ́mɛsɛ́ ŋaa mɛ́ laána. Nyiámɛ nyɛsɔ́mbɔ́tɔ́na áŋa nyɛtálɛ́mánánɔ́ anyía ɛ tɛ ŋá mɛ aamba ɔkɛla bɔkɔ a bú ŋaa mɛ́ hɛkɛna hú wáámɛ. Ɛ ŋa mɛ́ aamba ɔkɛla eebu a bú ŋaa hɛ́kɛna Mu-mɛ-tɔ́ma.

Sáaŋ 6:38

anyía i ŋeé mi húlé ɔ Ɔmuaná ɔ ɔkɔkɛ́la háyɛ Mu-mɛ-tɔ́ma ŋá yáamba, tɛ́ cáŋa háyɛ ɛ́ ŋa mɛ́ aamba.

Buólí 21:14

Ahɛ́ u ŋaá yákáná aáná, tu ŋé wuúci nyɛána, tɔsɛ : « Bɛsana á bɛ́kɛ́láka háyɛ Otéŋí a Waáŋá ŋeé léne. »