Lúkas 21:36 - Nomaande

³⁶ Nɔtɛ hɛ́táka hiiné, ánɔ bɛ́cɔ́kɔ́lɔ́kɛ́na Bandɔ́mɛsɛ́ bikúlú bikime, aáná nu ká nɔ́ bá na makɛ́nda me oweéhínyínyi bɛsana eébí bikime a bɛ́ á nyɛmána bɛ́ ɔbɛ́kɛ́láka, mbá nu bá bɛtálɛ́mánánɔ́ bɛ́ baacɔ eé buúse bɔ́ Ɔɔ́nɔ́ u ɔɔcɔ. »

Lúkas 21:36 Iomraidhean Croise

Matío 24:42

Nɔtɛ hɛ́táka hiiné aná, anyía nu ti ŋé nú menyi buɔ́sɛ́ ebú uunú Otéŋí a Waáŋá ká ka hálɔ́mɔ́na.

Matío 24:43

Énu menyí bɔmbányɛ anyía mbɔ́kɔ muútí ooki é menyúkúne ekúlú eyí weébi áŋa wu ɔfaaya nebutúé, keyé u naŋa wɔɔ́ lɔ́bɔ wɔɔ́sɔ anyía u ti wuúci katɛ́na.

Matío 24:44

Yaátɛ́ asana, énu limíne babɛ́tábɔ́nákánɔ́ bikúlú bikime, anyía Ɔɔ́nɔ́ u ɔɔcɔ ká ka hálɔ́mɔ́na o onjéŋí awɔ́ nu tɛ ŋá nɔ́ bɛ́táá anyía u káá fáaya. »

Matío 25:13

Yésus ŋo sólínyi ɔsɛ : « Ɛ́ɛhɛ́ nɔtɛ hɛ́táka hiiné, anyía nu ti ŋé nú ményi te ekúlú, te onjéŋí ú nyiámɛ nyɛkahálɔ́mɔ́na. »

Matío 26:41

Énu limíne bɔɔ́sɔ, ánɔ bɛ́cɔ́kɔ́lɔ́kɛ́na Bandɔ́mɛsɛ́ anyía muɔ́kɛ́tánana tɛ banɔ́ hámɛ́na. Ɔɔcɔ áŋa na ɔtɛ́má ɛ ɛcálɛ cɛ ɔkɛlaka bɔmbányɛ, mbá yuúhé tɛ́ka. »

Matío 8:20

Mbá ɔsɛ : « Bibúéme ŋe límine e bihíke, tunonyí límekine a aana, mbá *Ɔɔ́nɔ́ u ɔɔcɔ tɛ á bá na haála há ɔfianɛna. »

Malɛ́kus 13:33

Énu bíkékényíki, nɔtɛ hɛ́táka hiiné, anyía nu ti ŋé nú menyi ekúlú ayɛ́ bɛsana eébí káá bɛ́kɛ́láka.

Malɛ́kus 13:37

Asana eeye ayɛ́ ɛ́ ŋa mɛ́ banɔ́ láana ŋa lɛ́ca baacɔ bekime : Nɔtɛ hɛ́táka hiiné. »

Lúkas 1:19

Mbá elilé yɛ́ bɔsɔ́ma yɛ́sɛ : « Ya mɛ́ŋa Kabiliyɛl, ɛ náŋa yámɛ tálɛ́mákɛ́na eé buúse bɔ́ Bandɔ́mɛsɛ́ o o wuúci kɛlɛna masɔ́ma ; wuúci wá mɛ tɔ́ma nɔ́ɔ́wɔ anyía yámɛ ɔ laána ambányɛ yɛ́ ɛsɔ́ma eéyé.

Lúkas 18:1

Yésus ŋeé beébe túmíne ɛnjaba eeci anyía weé beébe tóŋínyi anyía bá ŋá bɔ nyɛmána bé o búle bɛ́cɔ́kɔ́lɛ́na Bandɔ́mɛsɛ́ bikúlú bikime, bá tɛ́ kasa ta buɔ́sɛ́,

Lúkas 20:35

mbá na banɔ́mɔcɔ́ ne beénjú abá Bandɔ́mɛsɛ́ káá lɛ́caka anyía bá ŋá bɔ́ nyɛmána bá ɔbá na nuafa na a hɛɛya a hɛ́ ŋa fáakɔna na a nyɛhaanyua nyí biwéewé, bó ko límekine a búáyɛ́ Bunɔŋɔ, bá tɛ ká bɔ́ bátɛ́na, bá tɛ́ tɔnɔ.

Lúkas 21:35

Yááŋa anyía buɔ́sɛ́ eébú kéé bíhúéne biliminyi bikime bɛ́ ɔmɛsɛ́ okime háyɛ mɔhɔ́tɔ́.

Buólí 10:2

Ɔɔcɔ oócí ŋaá bá atálɛ́mánánɔ́ yɛ́ ɔɔcɔ, u kékéke Bandɔ́mɛsɛ́ buéŋí, ne wuúci na ciayɛ́ ciíbe cɛ baacɔ ikime. U ŋaá bá wɔ yɔ́ɔ́lɔ́kɔ basɔ́kásɔ́ka bé *Besuif buéŋí ; u bɛ́cɔ́kɔ́lɔ́kɛ́na Bandɔ́mɛsɛ́ bikúlú bikime.

1 Kɔlɛ́ɛntɛ 16:13

Ánɔ bámɔ́kɔ́na bɔɔ́sɔ, banɔ́ bɔɔ́nɛ́nánɔ́ o olumitinine noómi. Ánɔ bámɔ́kɔ́na na bɔnɔ́mɔcɔ́, nu kɛ́ndáka.

2 Kɔlɛ́ɛntɛ 4:14

Tu ŋe sú menyi anyía Bandɔ́mɛsɛ́ ewú u ŋeé héényi Otéŋí a Waáŋá Yésus o owé, wuúci tɔ́na ú káá basɔ́ héenyiki tɔ́na o owé anyía tua sɔ́ŋa ɔlɔŋɔ ne Yésus ; yɔ́ kɛ́la anyía tú ka sɔ́ háma nááyá ɔlɔŋɔ na banɔ́.

Kolóso 4:2

Ánɔ bɛ́cɔ́kɔ́lɛ́na Bandɔ́mɛsɛ́ bikúlú bikime, ánɔ háya ɔtɛ́má ɔ ɔbɛ́cɔ́kɔ́lɛ́na, nu wuúci íínjíékíne tɔ́na bitéŋíti.

1 Tɛsaloníke 5:17

nu bɛ́cɔ́kɔ́lɔ́kɛ́na Bandɔ́mɛsɛ́ nɔtɛ tɔmbɔ,

2 Timoté 4:5

Mbá kuɔŋɔ́, cɔbá ne buúse a ambányɛ yɛ́ nyɛbɛ́kɛ́lɛ́na a bɔkɔ bukime, lumitine ɔlɔ́kɔ́ma muuyé, hulíkínyi baacɔ Ambányɛ yɛ́ Ɛsɔ́ma, mbá e nyióyísínyi ɔ ɔnyiɔ buɔ́wɔ buólí bɔmbányɛ bɔmbányɛ.

1 Bíel 4:7

Nyɛmana nyɛ́ ɔmɛsɛ́ a yáaŋa hoóhi. Ánɔ bámɔ́kɔ́na aná ne injiŋé a bɛɛtɔ́, nɔtɛ hɛ́táka hiiné ananyía nu ŋa nɔ́ nyɛ́mána nu o búle bɛ́cɔ́kɔ́lɛ́na Bandɔ́mɛsɛ́.

1 Bíel 5:8

Cíínú injiŋé tɛ banɔ́ nyímúkúne a bɛɛtɔ́ ; nɔtɛ hɛ́táka hiiné anyía muanɔ́ munuusi, ɛ́cɛ Musɔ́mɛ́na baacɔ, ŋe húlé á naŋála, u banɔ́ tékítéki háyɛ iŋgoyó e cí ŋé húme cɛ aambaka bɔkɔ bɔ́ ɔlahɔnaka.

1 Sáaŋ 2:28

Yaátɛ́ asana aná, banɔ́ báámɛ baáná, énu limíne e nyimónjóló ne *Kilís, ananyía ekúlú ayɛ́ u ká ka hálɔ́mɔ́na, tu ká sɔ́ bámɔ́kɔ́na o moyóyónó, tu tɛ lɔ́kɔ́ma aatɔ́ ɔlama eeyé eé buúse.

Súute 1:24

Túé nyemíki Ooci a wáŋa na makɛ́nda ma ɔ banɔ́ tétényíki anyía nu ti kúféténe buúse bukime, wuúci wáŋa wu ɔkɔɔ́ banɔ́ hámánána ne obíléne a núáyɛ́ nuúmi noómi tɛ́ka na hɛkɔma.

Nyɛnambɔnɛna nyɛ́ bɛsana 11:4

Bambasɔ́mbásɔ béfendí eébé á bɔ́ŋa háyɛ molifié méfendí, beébe tɔ́na háyɛ bɛtálɛ́ná bɛ́ *lámba bífendí ; bá ŋa bɔ́ tálɛ́mákɛ́na eé buúse bɔ́ Bandɔ́mɛsɛ́, Mutéŋínyi ɔmɛsɛ́.

Nyɛnambɔnɛna nyɛ́ bɛsana 6:17

Yááŋa anyía, aabɛ́ yɛ́ buɔ́sɛ́ yí hííbú hilóbi ma nyɛmana ; ta ɔɔcɔ ti kéé yiíyi céényi. »

Nyɛnambɔnɛna nyɛ́ bɛsana 7:9

E elime eécí, ɛ ŋa háná ámɛ́ lɛca yaandándá yɛ́ bɔnɔnja bɔ́ baacɔ, baacɔ beéŋí a nyɛnamá anyɛ́ ta ɔɔcɔ tɛ ɔ́mɔɔ́ bá na makɛ́nda ma ɔfanaka. Bé ŋe bú húlúkúne na ɔ mɔnɔŋɔ mekime, na a tɔnyɛ́nɔ́ tukime, ne e ekúli ekime, na ɛ ɛtáŋa ikime. Bá ŋa bɔ́ tálɛ́mákɛ́na eé buúse na bɔ́ nɔkɔná na bɔ́ Ɔɔ́nɔ́ u Ɛtɔ́mbá. Bekime ŋa bɔ́ bá balaŋábákánɔ́ kaba e cifúlúndúndúé, bekime meé tímbíéke bɛcala a aabá bí o wuúci nyemikinyi.

Nyɛnambɔnɛna nyɛ́ bɛsana 8:2

E elime, ɛ ŋá lɛcá *bililé bɛ́ masɔ́ma bɛ́ Bandɔ́mɛsɛ́ bítíndétú nɔ́mɔ ; biíbi eébí bɛ́ náŋa bɛ́á talɛ́mákɛ́na eé buúse bɔ́ Bandɔ́mɛsɛ́. Bé ŋeé biíbi iínjíékine ɛsɛ́bɛ́ ítíndétú nɔ́mɔ.