Lúkas 21:19 - Nomaande

¹⁹ énu eéhínyínyi mbá nu nohiki cíínú ilíhe. »

Lúkas 21:19 Iomraidhean Croise

Matío 10:22

Baacɔ bekime ká bɔ́ banɔ́ líŋekine a asana na nyiámɛ nyiínyi. Mbá asana ɔ́mɔtɛ́, ɔɔcɔ ewú u kéé yééhíkínyínyi muuyé ɔ ɔkɔɔ́háma a nyɛmana nyí úúyé olíhe, wuúci u kɔ́ɔ́ nɔ́hɔ.

Matío 24:13

Mbá ɔɔcɔ ewú u kéé yeéhíkínyínyi muuyé ɔ ɔkɔɔ́háma a nyɛmana, Bandɔ́mɛsɛ́ kéé wuúci nohi.

Lúkas 8:15

Eeme tɔ́na a má ŋa kuakɔ́na a ambányɛ yɛ́ ɔmɛsɛ́ áŋa háyɛ baacɔ a bá ŋa bɔ́ lɔ́kɔ́máka Bɛsana bɛ́ Bandɔ́mɛsɛ́ na atálɛ́mánánɔ́ yɛ́ ɔtɛ́má, bé biíbi tétényíki bɔmbányɛ e cííbú ɛtɛ́má, bé ti biíbi bɛ́hɔ́ya, bá hááka ne oweéhínyínyi bɛtámá háyɛ bɛnyɛ́ma a bɛ́ ŋaá háá. »

Lóom 15:4

Yiíye anyía bɛsana bikime abɛ́ bɔ́ ŋɔ yɔ́ɔ́ŋɔ́kɔ feeké a Ciɔɔ́ŋɛ́ cɛ́ Bandɔ́mɛsɛ́ ŋaá bá hú anyía bɛ́ á basɔ́ iínjíékíne injiŋé ɔ ɔkɛla anyía ne oweéhínyínyi ne okíndísínyi e bí ŋeé húle a Ambányɛ yɛ́ Ɛsɔ́ma á basɔ́ hákɛ́na mɔŋɔlɛ́ ɛ ɛtɛ́má noómi.

Lóom 2:7

Aáná, a aháŋá na baacɔ e bé ŋe bú bíínjie ɔ ɔkɛla bɛmbányɛ bɛ́ bɛsana, bá aambaka anyía Bandɔ́mɛsɛ́ é beébe iínjie nuúmi, wé beébe bɛ́sɔ́mɔ́kɔ, wé beébe iínjíékíne ɛndɛfɔnɔ́ cɛ cɛɛ́tɔ : Beébe eébé u káá kɛla anyía bébú líhéke yɔɔ́sɔɔ́sɔ yí olíhe yí ekúlú ekime.

Lóom 5:3

Ɔ ɔhɔla aáná, tu ŋe sú bíléne buéŋí tɔ́na ekúlú ayɛ́ tu ŋa sɔ́ lɔ́kɔ́ma muuyé, anyía ekúlú ayɛ́ tu ŋa sɔ́ lɔ́kɔ́ma muuyé, mu ŋaá basɔ́ ɔɔ́lɔ o oweéhínyínyi.

Lóom 5:4

Oweéhínyínyi ŋɔ yɔ́ɔlɔ anyía ɔɔcɔ á yákána a mɔkɔkɔnana. Nyɛyákána a mɔkɔkɔnana ŋe yiínjie mɔŋɔlɛ́ ɔ ɔtɛ́má noómi.

Lóom 8:25

Mbá tua suánáŋa na mɔŋɔlɛ́ a bɔkɔ abɔ́ tu tɛ ŋá sɔ́ lɛca ; aáná tú me sú eéhínyínyi o buúbu tátá.

1 Tɛsaloníke 1:3

Yááŋa anyía tu ŋa sɔ́ bɛ́táá búánɔ́ buólí ekúlú ekime ayɛ́ tu ŋa sɔ́ bɛ́cɔ́kɔ́lɛ́na ciasɔ́ Síkíne Bandɔ́mɛsɛ́, anyía nu ŋe nú lumitinine, nu lɛcaka muuyé o o wuúci léne ; tu ŋa sɔ́ bɛ́táá tɔ́na háyɛ nú me nú óónyísínyi maanɔ́ mɔŋɔlɛ́ né Otéŋí a Waáŋá Yésus *Kilís.

2 Tɛsaloníke 3:5

Otéŋí a Waáŋá é kendíki cíínú ɛtɛ́má ɔ ɔlɔ́kɔ́ma bɔmbányɛ na anyána Bandɔ́mɛsɛ́ ŋaá basɔ́ léne na anyána nua nɔ́ŋa nú oweéhíkínyínyi muuyé háyɛ *Kilís.

Ebélé 10:36

Nu ŋa nɔ́ nyɛmána nú oweéhínyínyi buéŋí, aáná nu ká nɔ́ kɛlaka bɛsana e bí ŋé bíléníne Bandɔ́mɛsɛ́, núó hiíte bɔkɔ abɔ́ u ŋa banɔ́ bɛ́tánɛ́na.

Ebélé 6:11

Yaandándá yɛ́ asana ayɛ́ tú ŋa sɔ́ áamba ɔ banɔ́ laána áŋa anyía ɔɔcɔ okime aá banɔ́ á cɔba ne buúse ɔ ɔkɛla háyɛ nú ŋa nɔ́ kɛ́la ɔ ɔkɔɔ́háma a nyɛmana nyɛ́ ɔmɛsɛ́, anyía núánɔ́ bámɔ́kɔ́na na bɛsana abɛ́ nú ma nɔ́ háya mɔŋɔlɛ́ anyía Bandɔ́mɛsɛ́ ŋaá banɔ́ bɛ́tánɛ́ná.

Ebélé 6:15

Abɛ́laham ŋe yeéhínyínyi ɔtáta ɛndána cɛ Bandɔ́mɛsɛ́, híáná ú ŋɔɔ́ bɔ́ŋɔ bɔkɔ abɔ́ Bandɔ́mɛsɛ́ ŋeé wuúci bɛ́tánɛna.

Sáak 1:3

anyía ekúlú ayɛ́ úúnú olumitinine ŋɔ́ yɔ́ɔ́ndɛ́mánána anamánamá cá muɔ́kɛ́tánana, ú meéme eéhíkínyínyi, bú káá kɛ́la anyía nuánɔ́ bámɔ́kɔ́na na bɛɔ́nɛ́nánɔ́ bɛ́ ɛtɛ́má.

Sáak 1:4

Ánɔ kɛlaka anyía ɔwɔɔ́nɛ́na ú cíínú ɛtɛ́má ó tóŋínyi nyɛkɛla bɛsana a nyɛmbányɛ anyía nuánɔ́ bɛ́cáŋáka taaká taaká cɛ́ baacɔ tɛ́ka na tɔkɔma, ta bɔkɔ a búmɔtɛ́ tɛ́ banɔ́ bɛ́ámbɛ́na.

2 Bíel 1:6

O omenyi Bandɔ́mɛsɛ́ ɔ ɔmuaná, ánɔ háya nyɛnɔ́mátána nyɛ́ bɛsana ; a nyɛnɔ́mátána nyɛ́ bɛsana ɔ ɔmuaná, énu solínyi nyiéhínyínyi nyí muuyé ; e nyiéhínyínyi nyí muuyé ɔ ɔmuaná, ánɔ latɛ́nɛ́na nyɛlátɛ́na nyɛ́ bɛsana bí olumitinine.

Nyɛnambɔnɛna nyɛ́ bɛsana 1:9

Yaŋɔ́ Sáaŋ, uunú onyíinyí u olumitinine Yésus, na yaŋɔ́ na banɔ́ tua sɔ́ŋa balatánɔ́ e nyimónjóló ne Yésus na a nyɛlɔ́kɔ́ma nyí muuyé ne e nyiéhínyínyi nyí indekese, basɔ́ bekime eeyé e Butéŋí noómi. Aámɛ a aháŋá, bá ŋaá mɛ hátɛ́na, bɔ́ kɔɔ́ mɛ háya a Bátɛmɔs, iisí a cɛ́mɔtɛ́ ɛ ɛkatɛ́katɛ́ cɛ nuɔmɔ́, a asana ayɛ́ ɛ naŋa yémi hulikinyi baacɔ Bɛsana bɛ́ Bandɔ́mɛsɛ́, i tóŋgínyi baacɔ anyía Yésus áŋa ɔmbasɔ́mbásɔ u bɛsana eébí.

Nyɛnambɔnɛna nyɛ́ bɛsana 13:10

Yááŋa anyía ɔɔcɔ awɔ́ Bandɔ́mɛsɛ́ á kɔɔna anyía bé ŋe tíŋeke yɔɔ́lɛ́, bé kéé tiŋe. Mbɔ́kɔ ɔɔcɔ ŋɔ́ yɔ́ɔ́nɔ sɔ́ɔ́kɔ́ na nɔsala nɔ́ ɔhána, bé wuúci ɔ́ɔ́nɔ híáná tɔ́na. Yaátɛ́ asana belumitinine Bandɔ́mɛsɛ́ ábɔ́ nyɛmána bé oweéhíkínyínyi muuyé mbá bá ɔɔ́nɔ́kɛ́na o olumitinine noómi.

Nyɛnambɔnɛna nyɛ́ bɛsana 14:12

Yaátɛ́ asana banɔ́ belumitinine abá nu ŋa nɔ́ lɔ́kɔ́mɛ́na Bandɔ́mɛsɛ́, nu hákɛ́na mɔŋɔlɛ́ né Yésus, énu eéhíkínyínyi. »

Nyɛnambɔnɛna nyɛ́ bɛsana 3:10

A asana eyí o ŋoó weéhíkínyínyí otétényi bíámɛ bɛsana, yaátɛ́ asana yaŋɔ́ tɔ́na i ké mi o tétényíki ekúlú ayɛ́ baacɔ bekime bá ɔmɛsɛ́ okime ká bɔ́ lɔ́kɔ́máka muuyé a mɔ́ á nyɛmána mu o beébe hámɔ́kɔ́nɛ́na.