Lúkas 21:17 - Nomaande

¹⁷ Baacɔ bekime ká bɔ́ banɔ́ líŋekine a asana na nyiámɛ nyiínyi.

Lúkas 21:17 Iomraidhean Croise

Matío 10:22

Baacɔ bekime ká bɔ́ banɔ́ líŋekine a asana na nyiámɛ nyiínyi. Mbá asana ɔ́mɔtɛ́, ɔɔcɔ ewú u kéé yééhíkínyínyi muuyé ɔ ɔkɔɔ́háma a nyɛmana nyí úúyé olíhe, wuúci u kɔ́ɔ́ nɔ́hɔ.

Matío 24:9

Aáná baacɔ ká bɔ́ banɔ́ fíímbieke i indekese, bá banɔ́ ɔɔ́nɔ́kɔ. Baacɔ bá mɔnɔŋɔ mekime ká bɔ́ banɔ́ líŋekine aámɛ a asana.

Matío 5:11

Énu menyi anyía nua nɔ́ŋa na bɔmbányɛ ekúlú ayɛ́ baacɔ ŋa bɔ́ banɔ́ ɔ́ɔ́mbɔ́na, bá banɔ́ tékeseke, bá banɔ́ kɔɔnakɛna anamánamá cá bɛɛbɛ́ bɛ́ bɛsana ekime anyía nu ŋa nɔ́ mɛ lɔ́kɔ́mɛ́na.

Malɛ́kus 13:13

Baacɔ bekime ká bɔ́ banɔ́ líŋekine aámɛ a asana, mbá asana ɔ́mɔtɛ́, ɔɔcɔ ewú u kéé yééhíkínyínyi muuyé ɔ ɔkɔɔ́háma a nyɛmana, Bandɔ́mɛsɛ́ kéé wuúci nohi. »

Lúkas 21:16

Ta hú bíánɔ́ bibíényi, na báánɔ́ benyíinyí, na máánɔ́ mahɛ́ná, na bíánɔ́ bikendinyi káá banɔ́ cɔ́cɔbakana a bɛndaŋía ; baacɔ ká bɔ́ ɔɔ́nɔ́kɔ baacɔ a bɔ́mɔtɛ́ aanɔ́ ɛ ɛkatɛ́katɛ́.

Lúkas 21:18

Ta híáná, te nuhúnyi númɔtɛ́ nɔ́ yáánɔ́ aatɔ́ ti kéé nyime ;

Lúkas 6:22

Nua nɔ́ŋa bambányɛ ekúlú ayɛ́ baacɔ ŋa bɔ́ banɔ́ líŋine, bá banɔ́ hákɛ́na a maabána, bá banɔ́ ɔ́ɔmbɔ́náka, bá cáŋgɛna cáánɔ́ eénye anyía nua nɔ́ŋa baákɔ́nɛ́na bá Ɔɔ́nɔ́ u ɔɔcɔ.

Sáaŋ 15:19

Mbɔ́kɔ nu ŋa nɔ́ bɛ́lɔ́kɔ́mɛ́na ɔmɛsɛ́ ooci, keyé baacɔ bá ɔmɛsɛ́ ooci ŋa bɔ́ banɔ́ léne anyía nua nɔ́ŋa baacɔ bé úúbú ɔlɔŋɔ. Mbá ɛ ŋaá mɛ banɔ́ táfáká, míɔ banɔ́ sɔ́mɔkɔ aabɔ́ ɛ ɛkatɛ́katɛ́ ; aámbáya nu tɛ anɔ́ bá tɔ́na báábɔ́. A asana eéyé baacɔ bá ɔmɛsɛ́ ooci ŋa bɔ́ banɔ́ líŋine.

Sáaŋ 15:21

Bɛsana eebi bikime, bá ká bɔ́ banɔ́ kɛ́laka a yáámɛ asana anyía bé ti ŋé bú ményi Mu-mɛ-tɔ́ma.

Sáaŋ 17:14

I ŋe mí beébe hulíkínyi úúwe ɔtáŋa, baacɔ bá ɔmɛsɛ́ ooci ŋe bú beébe liŋékíne anyía bá tɛ ábɔ́ bá bá ɔmɛsɛ́ ooci, bɔkɔ búmɔtɛ́ háyɛ yaŋɔ́ ɛ tɛ amɛ́ bá u ɔmɛsɛ́ ooci.

Sáaŋ 7:7

Baacɔ tɛ ábɔ́ bá bá ɔ banɔ́ aákákɛ́na. Yáábɔ́ yaáká áŋa náámɛ, anyía ɛ ŋa mɛ́ háya ɛmbasɔ́ a yáábɔ́ aháŋá ɛsɛ́ maabɔ́ monyiókínyí áŋa maabɛ́.

Buólí 9:16

Yaŋɔ́ bɛ́muátá i ké mí wuúci tóŋgínyi indekese ikime acɛ́ u káá nyɛmána wu ohiiteke a yáámɛ asana. »

2 Kɔlɛ́ɛntɛ 12:10

Yaátɛ́ asana ɛ naŋa yémi bílénéke a nyiámɛ nyɛbá nyɛ́ bɔtɔmbɔ́ noómi, ta bá á mɛ ɔ́ɔ́mbɔ́náka anyána ; te bé é mí tekeseke, ta yaŋɔ́ a mahana noómi, mbá te úúmi ɔtɛ́má á bɛ́nyíáka, i ŋe mí menyi bɔmbányɛ anyía ɛ ŋaá mɛ lɔ́kɔ́ma muuyé a asana ne Yésus Kilís. I ŋeé mi bíléne anyía ekúlú ekime ayɛ́ ya mɛ́ŋa na bɔtɔmbɔ́, yiíyi eéyé ya mɛ́ŋa na makɛ́nda.

2 Kɔlɛ́ɛntɛ 4:11

E úúsú olíhe okime ú ɔmɛsɛ́, basɔ́ baacɔ, owé ú ŋaá basɔ́ númbine ekúlú ekime a asana ne Yésus. Aáná baacɔ á bɔ́ŋa bá ɔlɛcaka olíhe ú Yésus náásɔ́, basɔ́ baacɔ ebé tu ŋe sú wé.

2 Kɔlɛ́ɛntɛ 4:5

Yááŋa anyíaʼo, tɛ́ cáŋa yáásɔ́ asana yɛ́ bɛ́muátá tu ŋe sú húlínyi baacɔ ; mbá tu ŋe sú beébe hulinyi hú asana yí Otéŋí a Waáŋá Yésus Kilís. A yáásɔ́ aháŋá, tu ŋa sɔ́ láana baacɔ hú anyía : Tua sɔ́ŋa báánɔ́ bɔnyiɔnɔ anyía tu ŋa sɔ́ látɛ́na Yésus.

Filibí 1:29

anyía nua nɔ́ŋa na ɛbɔla ɔ ɔnyiɔkɛna Kilís buólí, tɛ́ cáŋa hú ɔ ɔháya mɔŋɔlɛ́ nááyá, mbá na ɔ ɔlɔ́kɔ́máka tɔ́na muuyé a yááyɛ́ asana.

1 Bíel 4:14

Yááŋa ambányɛ yɛ́ asana mbɔ́kɔ baacɔ ŋa bɔ́ banɔ́ ɔɔ́mbɔ́na anyía nua nɔ́ŋa baacɔ bé Kilís, ananyía Elilé yí nuúmi, Elilé yɛ́ Bandɔ́mɛsɛ́, áŋa náánɔ́.

Nyɛnambɔnɛna nyɛ́ bɛsana 2:3

O no moó bíínjie buéŋí ɔ ɔlɔ́kɔ́ma muuyé aámɛ a asana, a tɛ tɔmbɔ.