Lúkas 20:23 - Nomaande

²³ Ɛ́makɛ́la Yésus eé ményí búábɔ́ buála, mbá ɔsɛ náábɔ́ :

Lúkas 20:23 Iomraidhean Croise

Matío 16:1

Na *Bafalisiɛ́ŋ na *Basatusiɛ́ŋ ŋe bú bíkósíti né Yésus o o wuúci kɔkɔ́na. Aáná bé ŋé bú wuúci batá anyía wá kɛla *ekéki yí hibílícínyínyí e yí ŋo tóŋínyi anyía mááyɛ́ makɛ́nda ŋeé húle ná Bandɔ́mɛsɛ́.

Matío 22:18

Mbá, u ŋaá bá weé ményukune máábɔ́ menjiŋé, mbá ɔsɛ náábɔ́ : « Banɔ́, baacɔ bá tɔbɛ́mbɛ túfendí eebe, anyíatɛ́ nú ŋa nɔ́ mɛ bɛ́tɔ́ɔ́lɛ́na e ?

Lúkas 20:20

Ɛ́ɛhɛ́ bé ŋe bú túmé o wuúci tékítéki ; bá ŋá tɔ́mɔ́kɔ́na tuféfí a tɔ́ ŋaá bá túé bíhíiteke háyɛ bɛtálɛ́mánánɔ́ bɛ́ baacɔ ɔ ɔbɛ́tɔ́ɔ́lɛ́na Yésus, bó wuúci kúfítínyi na ɛmbataka a cɛ́mɔtɛ́. Bá ŋa bɔ́ bá bábɔ́ áambaka ohónyí wú o wuúci iínjie ná kɔ́mɛ́na, wé wuúci hatɛ́na, bé wuúci kélísíki.

Lúkas 20:22

Ɔ́ɔ basɔ́ laána, yááŋa ambányɛ yɛ́ asana a bíásɔ́ *bikotí anyía tu ŋá sɔ́ nyɛ́mána tú ɔwɔɔ́ndɔ́kɔ etéési ná Sɛsáal ayɛ́ʼ yɛ́ tɛ á bá ambányɛ e ? »

Lúkas 20:24

« Énu mi tóŋínyi eléŋú yɛ́ mɔɔnyɛ́. Hibílícínyínyí hɛ́ aányɛ́ eéhí hɛ́áŋa ne nyiínyi eényí e ? » Mbá báyɛ : « Ne hibílícínyínyí ne nyiínyi nyɛ́ Sɛsáal bɛ́áŋa. »

Lúkas 5:22

Yésus ŋe ményi cííbú ibíkéti, mbá ɔsɛ náábɔ́ : « Anyíatɛ́ nua nɔ́ŋa na anamá cé ibíkéti eécé e ?

Lúkas 6:8

Yésus ŋe ményi cííbú ibíkéti, mbá ɔsɛ ná ɔɔcɔ : « Hatɔ́na, tálɛ́mɛ́na ɛndánáka eé buúse bɔ́ baacɔ bekime. » Ɔɔcɔ ŋa hatɔ́na, u ŋá tálɛmɛna aáhá.

Buólí 13:10

mbá ɔsɛ nááyá : « Kuɔŋɔ́, ɔɔcɔ ooci, ɔ ɔ́ŋa ne menjiŋé na nyɛŋána ; kuɔŋɔ́ ɔɔ́nɔ́ u Musɔ́mɛ́na. O ŋoó nuusi bɔkɔ bukime a búáŋa bɔmbányɛ. Nyíényí ɔ́ kɔ́ɔ́ tɔmbɔ ɔcaŋɛna bɛtálɛ́mánánɔ́ bí ihényí bí Otéŋí a Waáŋá e ?

1 Kɔlɛ́ɛntɛ 10:9

Tu tɛ tɔ́kɔ́kɔ Otéŋí a Waáŋá háyɛ báábɔ́ baacɔ a bɔ́mɔtɛ́ ŋe bú wuúci tɔ́kɔ́kɔ́. Yaátɛ́ asana mɔɔ́hɔ ŋeé beébe tááká, bó wéékúne.

1 Kɔlɛ́ɛntɛ 3:19

Yááŋa anyía injiŋé cɛ baacɔ bá hɛɛya eehi áŋa háyɛ buála eé buúse bɔ́ Bandɔ́mɛsɛ́. Yaátɛ́ asana yááŋa yɔɔ́ŋɔ́kɔ́nɔ́ anyía : « Bandɔ́mɛsɛ́ ŋa hátɛna benjiŋénjíŋe a máábɔ́ menjiŋé ma bɛ́muátá ».

Ɛfɛ́ɛsɛ 4:14

Yaátɛ́ ekúlú, tu tɛ ká háná asɔ́ bá háyɛ banásɛ́ ; beébe, baacɔ ŋe bú néŋe ne eékúnyi cá bɛfala, bé beébe ndéŋelisiki i iŋetí cɛ ɔkɔkɔ́ ayɛ́ na bɛahɔ́ bí menyífé ne ehúne ŋé ndéŋelisi bɛhaála bikime aá nuɔmɔ́.

Ebélé 4:13

Ta bɔkɔ a búmɔtɛ́ tɛ á bá a búáŋa bú ɔlɔbɔ anyía Bandɔ́mɛsɛ́ ti buúbu lɛca, bɛnyɛ́ma bikime ebí ú ŋe kétíki ŋa lɛcana bɔmbányɛ bɔmbányɛ a cááyɛ́ eése. Ná Bandɔ́mɛsɛ́ bímuócí tú ké sú bíkétíkínyi bíásɔ́ bɛsana bikime abɛ́ tú ŋa sɔ́ kɛlaka.