Lúkas 20:21 - Nomaande

²¹ Aáná bé ŋe bú wuúci batá báyɛ : « Muékúnyi, tu ŋe sú ményi anyía ɔ ŋɔɔ́ kɔɔna bɛsana a bɛtálɛ́mánánɔ́, e eékúnyíki baacɔ anyána bábɔ́ nyɛ́mana bé olíhéke eé buúse bɔ́ Bandɔ́mɛsɛ́, kuɔŋɔ́ tɛ́ka ne mebeé.

Lúkas 20:21 Iomraidhean Croise

Matío 22:16

Aáná bé ŋe bú wuúci tɔ́mɛ́ná na báábɔ́ *baákɔ́nɛ́na ɔ bɔ́mɔtɛ́ na baacɔ a bɔ́mɔtɛ́ bé hitúlé hí *Elóot, anyía bá ka laána Yésus báyɛ : « Muékúnyi, tu ŋe sú ményi anyía ɔ ŋɔɔ́ kɔɔna bɛsana a bɛtálɛ́mánánɔ́, e éékúnyíki baacɔ anyána bábɔ́ nyɛmána bé olíhéke háyɛ Bandɔ́mɛsɛ́ ŋa yáamba. O ti ŋóo líkíme ta ɔɔcɔ anyía ɔ tɛ ɔ́ bá ne mebeé.

Malɛ́kus 12:14

Bá ŋga bɔ́ háma, báyɛ nááyá : « Muékúnyi, tu ŋe sú ményi anyía ɔ ŋɔɔ́ kɔɔna bɛsana a bɛtálɛ́mánánɔ́, tu menyukune anyía o ti ŋóo líkíme ta ɔɔcɔ. O ŋoó weékúnyi baacɔ anyána bábɔ́ nyɛ́maná olíhéke háyɛ Bandɔ́mɛsɛ́ ŋa yáamba. Ɔ́ɔ basɔ́ laána aná : Yááŋa ambányɛ yɛ́ asana a bíásɔ́ *bikotí anyía tu ŋa sɔ́ nyɛmána tú ɔwɔɔ́ndɔ́kɔ etéési ná *Sɛsáal ayɛ́ʼ yɛ́ tɛ á bá ambányɛ e ? »

Lúkas 20:20

Ɛ́ɛhɛ́ bé ŋe bú túmé o wuúci tékítéki ; bá ŋá tɔ́mɔ́kɔ́na tuféfí a tɔ́ ŋaá bá túé bíhíiteke háyɛ bɛtálɛ́mánánɔ́ bɛ́ baacɔ ɔ ɔbɛ́tɔ́ɔ́lɛ́na Yésus, bó wuúci kúfítínyi na ɛmbataka a cɛ́mɔtɛ́. Bá ŋa bɔ́ bá bábɔ́ áambaka ohónyí wú o wuúci iínjie ná kɔ́mɛ́na, wé wuúci hatɛ́na, bé wuúci kélísíki.

Lúkas 20:22

Ɔ́ɔ basɔ́ laána, yááŋa ambányɛ yɛ́ asana a bíásɔ́ *bikotí anyía tu ŋá sɔ́ nyɛ́mána tú ɔwɔɔ́ndɔ́kɔ etéési ná Sɛsáal ayɛ́ʼ yɛ́ tɛ á bá ambányɛ e ? »

Sáaŋ 3:2

U ŋaá cɔba o okowoóloko né Yésus buutú a búmɔtɛ́, yó wuúci laana ɔsɛ : « Láábi, tu ŋe sú menyi anyía kuɔŋɔ́ Bandɔ́mɛsɛ́ ŋaá tɔ́má ɔ ɔkɔɔ́ basɔ́ éékúnyíki. Ɔɔcɔ tɛ á bá wu ɔkɛlaka bikéki bí tubílícínyínyí háyɛ eebi, mbɔ́kɔ Bandɔ́mɛsɛ́ tɛ á bá nááyá. »

2 Kɔlɛ́ɛntɛ 2:17

Mbá Bandɔ́mɛsɛ́ wuúci ú ŋaá basɔ́ tɔ́mɔ́kɔ́ná ɔ ɔnyiɔ buólí eébú, u basɔ́ kíndísíki o o buúbu nyiɔ. Tu tɛ asɔ́ bá háyɛ baacɔ beéŋí a bɔ́mɔtɛ́ a bá ŋa bɔ́ kɛ́la onduné na Bɛsana bɛ́ Bandɔ́mɛsɛ́. Basɔ́ tu ŋe sú húlínyi baacɔ Bɛsana bɛ́ Bandɔ́mɛsɛ́ yáaŋa na ɔtɛ́má ɔ́mɔtɛ́, Bandɔ́mɛsɛ́ basɔ́ lɛ́caka, anyía tua sɔ́ŋa e nyimónjóló ne Kilís.

Kalasi 1:10

Ɔ́kɔ, aámbáya, ɛ ŋa mɛ́ aamba anyía baacɔ é mi lémbíki ayɛ́ʼ Bandɔ́mɛsɛ́ e ? Aá yaŋɔ́, i ŋeé mi léne anyía Bandɔ́mɛsɛ́ á nyɛmána wu o mi lémbíki. Mbɔ́kɔ ɛ ŋa mɛ́ aamba taaká anyía yémi bílénékíne baacɔ, ɛ tɛ ámɛ bá munyiɔnɔ mu Kilís.

Kalasi 2:6

Mbá ta baacɔ ɔ bɔ́mɔtɛ́ abá baacɔ ŋa bɔ́ bá bábɔ́ lɛcaka háyɛ baacɔ bá maatá masáánɔ́ ti ómo bú sólínyi ta bɔkɔ bú etémbí a búmɔtɛ́ a bɛsana abɛ́ ɛ́ ŋa mɛ́ kɔɔnáka. Mbá baacɔ eébé tɛ ɔ́mɔ bɔ́ bá háyɛ bɔkɔ a búmɔtɛ́ a nyiámɛ nyɛlɛca, anyía eé buúse bɔ́ Bandɔ́mɛsɛ́, baacɔ bekime á bɔ́ŋa bɔkɔ búmɔtɛ́.