Lúkas 20:16 - Nomaande

¹⁶ Tɛ́ka mu kɔ́ kɔ yɔɔ́nɔ́kɔ betétényi esíéné eébé, muó wiínjie esíéné né betétényi bé etémbí. » Ɛ́makɛ́la baacɔ eébé ábɔ́ lɔ́kɔ́má aáná, mbá báyɛ : « Etémbí eécí, bɔkɔ tɛ á bá bú ɔbɛ́kɛ́láka aáná ! »

Lúkas 20:16 Iomraidhean Croise

Matío 21:34

Ahɛ́ ekúlú yɛ́ ɔbándáka bɛyɔyɛ́ ŋa kaáhámá, u ŋá tɔ́ma bááyɛ́ bɔnyiɔnɔ a bɔ́mɔtɛ́ né betétényi esíéné o okohííte núáyɛ́ nuafa, háyɛ bé ŋe bú cíkílíékéne.

Matío 21:41

Aáná bé ŋe bú wuúci bɛ́káma báyɛ : « Mu kɔ́ɔ́ yɔ́ɔ́nɔ́kɔ tɛ́ka na mahana baŋána bé betétényi esíéné eébé, múó wiínjie esíéné ɔ cɔ́ɔ́kɛ né betétényi bé etémbí e bé ké búle ebú muúmu iínjie bɛyɔyɛ́ e ekúlú a yá nyɛ́mana. »

Matío 22:7

Aáná hilóbi ŋeé tímbíe otéŋí oócí, u ŋá tɔ́ma bíáyɛ́ bicénji anyía bɛ́ kɔ ɔ́ɔ́nɔ́kɔ bɔɔ́nɔ baacɔ eébé, mbá bá cíákɛ́na ciabɔ́ bálɛ́ka.

Malɛ́kus 12:9

Mbá Yésus ɔsɛ : « A nyíánɔ́ nyɛlɛca, aátɛ́ muútí esíéné káá kɛ́laka e ? Tɛ́ka u kɔ́ kɔ yɔɔ́nɔ́kɔ betétényi esíéné eébé, yó wiínjie né betétényi bé etémbí e ?

Lúkas 19:27

Mbá a aháŋá na baacɔ e bé ŋe bú mi liŋine, beébe bé ti ómo bú léne anyía yámɛ bááta uubú otéŋí, énu beébe héléne aaha, núé beébe ɔɔ́nɔ́kɔ, yamɛ́ lɛcaka.” »

Lúkas 20:15

Bé ŋé bu wuúci hámánána e esíéné, nyi wuúci ɔɔ́nɔ́kɔ eényí. » Mbá Yésus ɔsɛ : « A nyíánɔ́ nyɛlɛca, aátɛ́ muútí esíéné káá kɛlaka e ?

Buólí 13:46

Ne Bóol na Baanábas ŋé beébe laána, bé tí líkíme, báyɛ : « Yɛ́ ŋaá bá anyía bá cáŋa banɔ́ húlikinyi Bɛsana bɛ́ Bandɔ́mɛsɛ́. Mbá háyɛ banɔ́ nú ŋe nú biíbi kine, nuɔ́ lɛ́ca anyía nu tɛ ɔ́mɔ nɔ́ nyɛ́mána nú ɔbɔ́ŋɔ yɔɔ́sɔɔ́sɔ yí olíhe yí ekúlú ekime ; buátɛ́ bɔkɔ basɔ́, tuɔ́ cába aámbáya o okoó biíbi hulinyi bɔsɔ́ɔ́kɔ́ a bá tɛ ábɔ́ bá Besuif.

Lóom 11:1

Ɛ́ɛhɛ́ ɛ ŋaá mɛ bɛ́bátɔ́tɔ́na ɛsɛ́ : Ɛ́cɛ anyía Bandɔ́mɛsɛ́ na maá bɛ́yuáta buayá : Islayɛ́l e ? Eéʼeé, yɛ́ tɛ á bá aáná, ta buɔ́sɛ́ ! Yááŋa anyía yaŋɔ́ bɛ́muátá ooci, ɔɔcɔ u *Besuif, u bɔnyɛ *Abɛ́laham, u hɛnyɛ́nɔ́ hɛ́ *Bɛnsamɛ́ŋ.

Lóom 11:11

Ɛ́ɛhɛ́ ɛ ŋa mɛ́ batá aná ɛsɛ́ : Mbá baacɔ bé Besuif ŋe bú kúfétékéné, bɔ́ kúákɔna buúse bukime a asana na maabɔ́ maabɛ́ e ? Eéʼeé, tɛ́ caŋa aánáʼo. Yááŋa hú anyía baacɔ a bá tɛ ábɔ́ bá Besuif ŋa bɔ́ bɔ́ŋɔ ohónyí wú ɔnɔhɔkɔ ; buúbu bú ŋeé héléníne Besuif yaáká ɛ ɛtɛ́má.

Lóom 3:31

Yááŋa anyía nyɛkɛla anyɛ́ Bandɔ́mɛsɛ́ ŋa kɛ́lá anyía túásɔ́ bámɔ́kɔ́na bɛtálɛ́mánánɔ́ bɛ́ baacɔ eeyé eé buúse hú o olumitinine ti ŋeé témbúnyísi bikotí buúse bukime ; mbá nyí ŋeé biíbi óónyísínyi bú oónyísínyi.

Lóom 3:4

Eéʼeé, tɛ́ cáŋa aáná ; baacɔ ŋá bɔ́ nyɛmana bé omenyi anyía Bandɔ́mɛsɛ́ ŋeé nyíóyísínyi cááyɛ́ esúŋe bikúlú bikime, mbá yááŋa anyía baacɔ bekime e bé ŋe bú wuúci nuusi beébe bá bɔ́ŋa bafalafala. Yááŋa yɔɔ́ŋɔ́kɔ́nɔ́ anyía : « Baacɔ ŋá bɔ́ nyɛmána bé omenyi bikúlú bikime anyía ciɔwɔ ɛmbasɔ́ áŋa ɛtálɛ́mánánɔ́, bé menyukune tɔ́na anyía ɔ ŋɔɔ́ yáka ekúlú eyí bé ŋo yóo kélísi. »

Lóom 3:6

Eéʼeé, yɛ́ tɛ á bá aáná buúse bukime. Mbɔ́kɔ yiíyi aáná, keyé Bandɔ́mɛsɛ́ tɛ á bá wu okélísíki baacɔ bá ɔmɛsɛ́ bekime.

Lóom 6:15

Mbá aátɛ́ bú ŋo tóŋínyi aná e ? Mbá yááŋa anyía ayɛ́ yaála yí nuubo yɛ́ Bandɔ́mɛsɛ́ ŋaá basɔ́ mánɛna aáná, ɛ́ɛhɛ́ túásɔ́ nyɛmana tu ɔcɔbaka ne buúse ɔ ɔkɛla bɛɛbɛ́ bɛ́ bɛsana anyía bikotí tɛ ŋa háná basɔ́ manɛna e ? Eéʼeé, tɛ́ cáŋa aáná.

Lóom 6:2

Eéʼeé, buúse bukime ! Tua sɔáŋa bewéénú a nyɛkɛla nyɛ́ bɔɔbɛ́, mbá anyána tuasɔ́ nyɛmána tú o túné cɔba ne buúse ɔ ɔkɛla bɛsana a bɛɛbɛ́ o olíhe e ?

Lóom 7:13

Mbá ambányɛ yɛ́ asana áŋa yɛ́ ɔ mɛ cɔbana o owé aná e ? Eéʼeé, te butíkítíki. Mbá bɔɔbɛ́, buúbu búáŋa bú ɔ mɛ cɔbána o owé. Yááŋa anyía bɔɔbɛ́ ŋaá hɔ́lɛ́na e elime cɛ ambányɛ yɛ́ asana ɔ ɔ mɛ́ cɔbana o owé noómi ɔ ɔkɛla anyía bú é tóŋínyi na nyíáyɛ́ nyɛbá, na nyíáyɛ́ nyɛŋána nyikime e elime ci bikotí.

Lóom 7:7

Aátɛ́ ɛ ŋa mɛ́ aamba ɔ banɔ́ laana aaha e ? Ɔlátɛ́na *bikotí áŋa aabɛ́ yɛ́ asana e ? Eéʼeé, tɛ́ cáŋa aáná ! Yááŋa hú anyía mbɔ́kɔ tɛ́ cáŋa bikotí, keyé i ti ómo menyi aátɛ́ yááŋa aabɛ́ yɛ́ asana. Híáná ɛ tɛ ɔ́mɔ́ bá wu omenyi yaáká mbɔ́kɔ tɛ́ cáŋa okotí a yɛ́ ŋaá kɔ́ɔna yɛ́sɛ : « Atɛ áákɛ́na bɔkɔ bɔ́ sɔ́ɔ́kɔ́. »

Lóom 9:14

Mbá aátɛ́ yí etémbí aná e ? Ɛ́cɛ anyía Bandɔ́mɛsɛ́ tɛ á bá ɔtálɛ́mánánɔ́ e ? Eéʼeé, te butíkítíki !

1 Kɔlɛ́ɛntɛ 6:15

Nu ti ŋé nú ményi anyía cíínú cɛɛ́tɔ áŋa háyɛ maláŋá ma cɛɛ́tɔ ci Kilís e ? Mbá ya mɛ́ŋa wu ohiite aná maláŋá ma cɛɛ́tɔ ci Kilís anyía yé ké mi meéme ceŋísi maláŋá me okendí u oónjú e ? Eéʼeé, ta buɔ́sɛ́.

Kalasi 2:17

Basɔ́ Besuif, tu ŋa sɔ́ áamba ɔbámɔ́kɔ́nɛ́na bɛtálɛ́mánánɔ́ bɛ́ baacɔ eé buúse bɔ́ Bandɔ́mɛsɛ́ anyía tu ŋa sɔ́ háya mɔŋɔlɛ́ né Kilís. Ekúlú ayɛ́ tu ŋa sɔ́ kɛla aáná, tɛ́ka tua sɔáŋa háyɛ eebe a bá náŋa bábɔ́ kɛlaka bɔɔbɛ́ e ? Mbá Kilís áŋa wu ɔ basɔ́ nyɛ́kɛtakɛna ɔ ɔkɛla bɔɔbɛ́ e ? Eéʼeé, bú tɛ á bá aáná buúse bukime.

Kalasi 3:21

Ɛ́cɛ bú ŋe hémbule anyía bikotí ŋe núusi ɛndána cɛ Bandɔ́mɛsɛ́ e ? Eéʼeé, buúse bukime. Yááŋa anyía, mbɔ́kɔ okotí a yɛ́mɔtɛ́ á bámɔ́kɔ́na hɔ́á a yááŋa yí owiínjíékíne baacɔ olíhe, keyé baacɔ e bé ŋe bú yiíyi latákɛ́ná ŋa bɔ́ bá bɛtálɛ́mánánɔ́ bɛ́ baacɔ eé buúse bɔ́ Bandɔ́mɛsɛ́.

Kalasi 6:14

Aámɛ a aháŋá, i ti ŋé mí bíbééti ; ɛ́ maá mɛ háya yáaŋa maamɛ mɔŋɔlɛ́ né uusú Otéŋí a Waáŋá Yésus Kilís ewú u ŋeé wé aámɛ a asana ɔ ɔmbásá. A asana eéyé ya mɛ́ŋa owéénú a asana na ɔmɛsɛ́ ; ɔmɛsɛ́ owéénú aámɛ a asana.