Lúkas 2:9 - Nomaande

⁹ Aáná *elilé yɛ́ bɔsɔ́ma yí Otéŋí a Waáŋá ŋé beébe hámɛ́na hú huasɛ, eese yí Otéŋí a Waáŋá nɔ́maka náábɔ́. Bé ŋé túme olíkíme buéŋí, bá nákamaka.

Lúkas 2:9 Iomraidhean Croise

Matío 1:20

Ekúlú ayɛ́ u ŋaá bá waá bɛ́tááka aáná, *elilé yɛ́ bɔsɔ́ma yí Otéŋí a Waáŋá ŋé wuúci laana a alamá yɛ́sɛ : « Yɔ́sɛb, ɔɔ́nɔ́ u Táfit, eti líkíme ɔbátɛ́na Malíi ; yááŋa anyía wáŋa ne nyifume eényí hú a makɛ́nda me Efúúménénú yí Elilé, tɛ́ cáŋa e nyilimíné na ɔnɔ́mɔcɔ́.

Lúkas 1:28

Elilé yɛ́ bɔsɔ́ma ŋá cɔ́ba nááyá mbá yɛ́sɛ : « I ŋe mí o téŋíti ! Otéŋí a Waáŋá mó yóo boosiki, wáŋa na kuɔŋɔ́. »

Lúkas 2:8

Betétényi ɛtɔ́mbá ŋaá bá a bɛtúalɔ́ noómi a aháŋá etéeyé, bé bú tétényíki túábɔ́ tukuté tɔ́ ɛtɔ́mbá nebutúé.

Lúkas 24:4

Ekúlú ayɛ́ asana eéyé ŋaá bá yé beébe yébíki a bíábɔ́ bɛɛtɔ́, banɔ́mɔcɔ́ béfendí na bɛlaŋa e bifúlúndúndúé ŋé beébe hámɛ́na hú huasɛ.

Sáaŋ 12:41

Ɛsayí ŋaá kɔ́ɔ́náka aáná anyía u ŋaá lɛ́cá buáŋá bú Yésus, yɔ́ táŋáka yááyɛ́ asana.

Buólí 12:7

Elilé yɛ́ bɔsɔ́ma yɛ́ Bandɔ́mɛsɛ́ ŋá háma hú huasɛ ! Eese ŋá lɛcána e ekéti yí ciíbe eyí Bíel ŋaá bá hɔ́á ; yí ŋé nyietínyi Bíel a bɛkɛndá, yí ŋé wuúci heényi, mbá yɛ́sɛ nááyá : « Tényí hátɔna ɛndánáka. » Macanja a má ŋaá bá aayá a aabá ŋé bíhémbúléke.

Buólí 27:23

Yááŋa anyía e buutú bɔ́ hɛ́nánɔ, *elilé yɛ́ bɔsɔ́ma yɛ́ Bandɔ́mɛsɛ́ awɔ́ ɛ ŋaá mɛ bɛ́lɔ́kɔ́mɛ́na, i wuúci nyiɔkɛna, yiíyi yé bíkósíti náámɛ,

Buólí 5:19

Mbá ne butúé, *elilé yɛ́ bɔsɔ́ma yɛ́ Bandɔ́mɛsɛ́ ŋaá faáya, yí ŋé kuúnéke bihenyi bí ciíbe cɛ ɛcaná, yí ŋé hémúnyi baacɔ bá ɛndɔ́ma, mbá yɛ́sɛ náábɔ́ :

2 Kɔlɛ́ɛntɛ 3:18

Híáná basɔ́ bekime tú tɛ asɔ́ bá tɔ́na ne buume e eése, anyía nuúmi nú Otéŋí a Waáŋá ŋa nɔ́ma náásɔ́ háyɛ o oólí noómi, tu lɛcakana háyɛ ciayɛ́ ihúényínyí, na yaandándá yí nuúmi a yɛ́ ŋá bááta bɔ bááta ɔ ɔhɔla. Buólí bú Otéŋí a Waáŋá eébú ebú Elilé ŋɔ́ nyiɔ.

2 Kɔlɛ́ɛntɛ 4:6

Yááŋa anyía Bandɔ́mɛsɛ́ u ŋaá kɔ́ɔ́na buáyá anyía eese á nɔ́máka i ibíne noómi, wuúci tɔ́na u ŋaá basɔ́ númisinyi yááyɛ́ eese ɛ ɛtɛ́má noómi. Eese eéyé ŋaá basɔ́ tóŋínyi núáyɛ́ nuúmi a nɔ́ ŋa nɔ́ma eé buúse bú Kilís ; buátɛ́ bɔkɔ tu ŋe sú húlínyi baacɔ Ambányɛ yɛ́ Ɛsɔ́ma.

1 Timoté 3:16

Asana eéyé ayɛ́ Bandɔ́mɛsɛ́ ŋa námbɔ́nɛ́na baacɔ áŋa yaandándá yɛ́ asana, isuŋí tɛ á kɛla. Yááŋa asana yí Ooci awɔ́ ú ŋaá bɛ́cáŋa ɔɔcɔ, Elilé yó tóŋínyi anyía wáŋa ɔtálɛ́mánánɔ́, bililé bɛ́ masɔ́ma bɛ́ Bandɔ́mɛsɛ́ bíó wuúci lɛcaka, baacɔ bó húlíkínyi baacɔ abá bá tɛ ábɔ́ bá Besuif yááyɛ́ asana, biliminyi bɛ́ ɔmɛsɛ́ okime bá ɔhákɛ́na mɔŋɔlɛ́ nááyá, Bandɔ́mɛsɛ́ nyi wuúci bééti eényí ɔ Ɔmuaná aá haála hé nuúmi.

Ebélé 12:21

Bɛsana abɛ́ bá ŋa bɔ́ lɛ́cáka hɔ́á ŋeé beébe líkímísíki buéŋí. *Moyís bɛ́muátá ŋaá kɔɔna ɔsɛ : « Bulíkílíki buéŋí ŋeé mi ndéndémisi. »

Nyɛnambɔnɛna nyɛ́ bɛsana 18:1

E elime cɛ bɛsana eébí, ɛ ŋá lɛcá *elilé yɛ́ bɔsɔ́ma a yɛ́mɔtɛ́ yí é húlúkúne ɔ Ɔmuaná ; yɛ́ ŋaá bá na makɛ́nda meéŋí me butéŋí. Eese yí núáyɛ́ nuúmi ŋa yaányana ɔmɛsɛ́ okime.

Nyɛnambɔnɛna nyɛ́ bɛsana 20:11

E elime eécí, ɛ ŋá lɛcá yaandándá yɛ́ nɔkɔná e yifúlúndúndúé ; míɔ lɛca ɔɔcɔ me límine hɔ́á. Aáná na ɔmɛsɛ́ na Ɔmuaná ŋeé séŋúlúéke eeyé eé buúse, bá tɛ háná biíbi lɛca ta buɔ́sɛ́.