Lúkas 2:25 - Nomaande

²⁵ Ɔɔcɔ a wɔmɔtɛ́ ŋaá bá eé Yelúsalɛm, nyiínyi ɛ́cɛ Simɛ́yɔŋ. Ɔɔcɔ oócí ŋaá bá atálɛ́mánánɔ́ yɛ́ ɔɔcɔ, u látákɛ́na Bɛsana bɛ́ Bandɔ́mɛsɛ́ bɔmbányɛ ; u tátáka na mɔŋɔlɛ́ mekime ɔɔcɔ awɔ́ á nyɛmána wu onohi baacɔ bé *Islayɛ́l. *Efúúménénú yí Elilé ŋaá bá e uúyé ɔtɛ́má.

Lúkas 2:25 Iomraidhean Croise

Malɛ́kus 15:43

ɔɔcɔ a wɔmɔtɛ́ u bunɔŋɔ bɔ́ Alɛmatɛ́ ŋa kaáháma ; nyíáyɛ́ nyiínyi ŋaá bá ɛ́cɛ Yɔ́sɛb. U ŋaá bá ɔɔcɔ u Hitúlé a hiáŋá. Baacɔ wuúci kékéke buéŋí ; waá tátáka tɔ́na na mɔŋɔlɛ́ *Butéŋí bɔ́ Bandɔ́mɛsɛ́. U ŋe yeéhínyínyi, yɔ́ cɔba né Bílat ɔ ɔkɔbáta omime ú Yésus.

Lúkas 1:41

Hú ayɛ́ u ŋeé wuúci téŋíti, ɔɔ́nɔ́ ŋé bínyíétínyi a tɔɔna tɔ́ Ɛlɛ́sabɛt. U ŋó nyíóyo ne *Efúúménénú yí Elilé,

Lúkas 1:6

Bá ŋa bɔ́ bá bekime béfendí bɛtálɛ́mánánɔ́ bɛ́ baacɔ eé buúse bɔ́ *Bandɔ́mɛsɛ́, bá látákɛ́na bɔmbányɛ bɔmbányɛ ne *bikotí bikime ne esúŋe ekime cá Bandɔ́mɛsɛ́.

Lúkas 1:67

Aáná *Efúúménénú yí Elilé ŋeé nyióyó ɔ ɔtɛ́má ú Sakali, síkíne cɛ Sáaŋ, u hémúkúnyi bɛsana ɔsɛ :

Lúkas 2:38

U ŋgaá hámá ekúlú eéyé, u ŋé túme onyemi Bandɔ́mɛsɛ́, u wuúci íínjíékíne bitéŋíti. A baacɔ bekime a bá ŋa bɔ́ bá bábɔ́ tátáka na mɔŋɔlɛ́ anyía Bandɔ́mɛsɛ́ káá háŋɔ́náka baacɔ bé Yelúsalɛm, u ŋaá bá weé beébe bíkétíkínyi bɛsana a bɛ́ ŋa lɛ́ca ɔɔ́nɔmbɔ́ oócí.

Buólí 10:2

Ɔɔcɔ oócí ŋaá bá atálɛ́mánánɔ́ yɛ́ ɔɔcɔ, u kékéke Bandɔ́mɛsɛ́ buéŋí, ne wuúci na ciayɛ́ ciíbe cɛ baacɔ ikime. U ŋaá bá wɔ yɔ́ɔ́lɔ́kɔ basɔ́kásɔ́ka bé *Besuif buéŋí ; u bɛ́cɔ́kɔ́lɔ́kɛ́na Bandɔ́mɛsɛ́ bikúlú bikime.

Buólí 10:22

Báyɛ : « Tua sɔ́ŋa aaha anyía mutéŋínyi bicénji Kɔɔnɛ́yɛ ú maá basɔ́ tɔ́ma nɔ́ɔ́wɔ. Wáŋa atálɛ́mánánɔ́ yɛ́ ɔɔcɔ, u naŋa weé kékéke Bandɔ́mɛsɛ́ ; Besuif bekime ŋe bú wuúci lémbi. Elilé yɛ́ bɔsɔ́ma yɛ́ Bandɔ́mɛsɛ́ e yefúúménénú ŋeé wuúci laána anyía wɔ́ yɔ́ɔ lɔ́ŋɔ́kɔ e úúyé ooki, wá lɔ́kɔ́máka bɛsana abɛ́ ɔ ŋɔ́ɔ cɔ́ba o o wuúci laakɛna. »

Buólí 2:5

E etéeyé ekúlú *Besuif a bá ŋa bɔ́ bá bebíínjíénú a bɛsana bí olumitinine ŋa bɔ́ fáákɔ́na tɔ́na e Yelúsalɛm ; bé húlúkúne a anamánamá cá mɔnɔŋɔ mekime ma ɔmɛsɛ́.

Buólí 24:16

Yaátɛ́ asana í meé mi bíínjie bikúlú bikime anyía híími hɛcɔɔ́cɔ́ hɛ́ ɔtɛ́má tɛ́ mɛ kákálɛ́na ne eé buúse bɔ́ Bandɔ́mɛsɛ́ ne eé buúse bɔ́ baacɔ.

2 Bíel 1:21

anyía te behémúnyi bɛsana bá Bandɔ́mɛsɛ́ ti ómó bú hémúnyi bɛsana aá ciabɔ́ injiŋé cɛ bɛ́muátá, mbá bé ŋe bú biíbi hémúkúnyí a makɛ́nda me *Efúúménénú yí Elilé.