Lúkas 2:15 - Nomaande

¹⁵ Ɛ́makɛ́la *bililé bɛ́ masɔ́ma bɛ́ Bandɔ́mɛsɛ́ á hálɔ́mɔ́ná ɔ Ɔmuaná, betétényi ɛtɔ́mbá ŋé túme ɔkɔɔna beébe ne beébe báyɛ : « Túá cɔbá a Bɛ́tɛlɛhɛm ɔ ɔkɔlɛ́ca asana a yɛ́ maá bɛ́kɛ́láka ; yiíyi eéyé Otéŋí a Waáŋá má basɔ́ tóŋínyi. »

Lúkas 2:15 Iomraidhean Croise

Matío 12:42

Buáyá, oónjú awɔ́ u ŋaá bá weé téŋgínyi bunɔŋɔ bɔ́ Sába ŋa ka hátɔ́na haaca anyía ú ka lɔ́kɔ́máka bɛsana bí injiŋé abɛ́ Sálɔmɔn ŋaá bá waá kɔ́ɔnaka. Buátɛ́ bɔkɔ, ekúlú ayɛ́ Bandɔ́mɛsɛ́ kéé kélísíki baacɔ, oónjú oócí kéé túméke baacɔ bá hɛɛya eehi tɔkɔma, anyía ɔɔcɔ áŋa aaha awɔ́ u ŋa hɔ́la Sálɔmɔn. »

Lúkas 2:14

« Nuúmi á bá ná Bandɔ́mɛsɛ́ fáátɛ ɔ Ɔmuaná, bɔmbányɛ á bá ná baacɔ bɔ́ ɔmɛsɛ́, abá Bandɔ́mɛsɛ́ ŋeé léne. »

Lúkas 2:16

Bá ŋa bɔ́ hátɔna, bé ŋé tényí cɔba, bá ŋá kuána na Malíi na Yɔ́sɛb, bá ŋá lɛ́ca tɔ́na iŋéné cɛ ɔɔ́nɔ́ ifiényínyí a buafɛ́nɛ́ná bú bitúké.

Lúkas 24:51

Ekúlú ayɛ́ u ŋaá bá weé beébe sayábákɛ́na, u ŋé beébe bɛ́álɔ́na, Bandɔ́mɛsɛ́ nyi wuúci béétísi eényí ɔ Ɔmuaná.

1 Bíel 3:22

Yésus oócí ŋaá báátáka, yɔ́ hálɔ́mɔ́na ɔ Ɔmuaná. Wáŋa limine a aháŋá yɛ́ ɔɔbɔ́ ú manɔ́mɛ ú Bandɔ́mɛsɛ́ ; hɔ́á ú ŋee téŋínyi ne *bililé bɛ́ masɔ́ma, ne metéŋí, ne bililé bɛ́ makɛ́nda bí etémbí bikime áyá.