Lúkas 2:14 - Nomaande

¹⁴ « Nuúmi á bá ná Bandɔ́mɛsɛ́ fáátɛ ɔ Ɔmuaná, bɔmbányɛ á bá ná baacɔ bɔ́ ɔmɛsɛ́, abá Bandɔ́mɛsɛ́ ŋeé léne. »

Lúkas 2:14 Iomraidhean Croise

Matío 21:9

Bitúte bɛ́ baacɔ a bɛ́ ŋaá bá bíé buékeke, na a bɛ́ ŋaá bá bíé wuúci látáka, ŋaá bá bɛ́ɔ́ bɛ́sɔ́mɔ́kɔ́ okelú ɔ ɔmuaná bɛ́sɛ : « *Hɔsáána ná Ɔɔ́nɔ́ u Táfit ! Bandɔ́mɛsɛ́ á sáyábɛ́na ooci awɔ́ u ŋa fáaya eé nyiínyi nyí Otéŋí a Waáŋá ! Hɔsáána fáátɛ ɔ Ɔmuaná noómi ! »

Lúkas 1:79

U kéé númisikinyi eese a baacɔ a bá bɔ́ŋa ne i ibíne noómi na a haála ehé owé áŋa ; u kéé kéndiki cáásɔ́ akɔlɔ́ i ihényí cí bumbénú. »

Lúkas 19:38

Bá kɔ́ɔnaka báyɛ : « Bandɔ́mɛsɛ́ á sáyábákɛ́na Otéŋí awɔ́ u ŋa fáaya eé nyiínyi nyí Otéŋí a Waáŋá. Mbuumu á bámɔ́kɔ́na ɔ Ɔmuaná, nuúmi ná Bandɔ́mɛsɛ́. »

Lúkas 2:13

Bililé bɛ́ masɔ́ma bɛ́ Bandɔ́mɛsɛ́ biéŋí ŋaá háma hú huasɛ, bɛ́ ŋá bɛ́láta elilé yɛ́ bɔsɔ́ma eéyí, bí nyémiki Bandɔ́mɛsɛ́ na maŋana bɛ́sɛ :

Lúkas 2:15

Ɛ́makɛ́la *bililé bɛ́ masɔ́ma bɛ́ Bandɔ́mɛsɛ́ á hálɔ́mɔ́ná ɔ Ɔmuaná, betétényi ɛtɔ́mbá ŋé túme ɔkɔɔna beébe ne beébe báyɛ : « Túá cɔbá a Bɛ́tɛlɛhɛm ɔ ɔkɔlɛ́ca asana a yɛ́ maá bɛ́kɛ́láka ; yiíyi eéyé Otéŋí a Waáŋá má basɔ́ tóŋínyi. »

Lúkas 3:22

*Efúúménénú yí Elilé ŋá sɔ́ɔ́na nááyá i ihúényínyí cɛ cɛɛ́tɔ ci hibúbé. Okelú ŋá lɔ́kɔ́mána, ú húlúkúne ɔ Ɔmuaná, ú kɔ́ɔnaka ɔ́sɛ : « Ɔ ɔ́ŋa uumi ɔɔ́nɔ́ u ɔtɛ́má. Ya mɛ́ŋa ne obíléne weéŋí nɔ́ɔ́wɔ. »

Sáaŋ 14:27

Mbuumu, ciíci ɛ́ ma mɛ́ banɔ́ síkíne ɛ ɛtɛ́má. Ciamɛ mbuumu cɛ bɛ́muátá ɛ́ ma mɛ́ banɔ́ hákɛ́na ɛ ɛtɛ́má. Ɛ tɛ ŋá mɛ banɔ́ háya mbuumu ɛ ɛtɛ́má háyɛ baacɔ bá ɔmɛsɛ́ ŋá bɔ́ háyána. Nɔtɛ hɔla ɔbɛ́ákɛ́na, nuti líkíméke.

Sáaŋ 17:4

I ŋeé mi tóŋgínyi baacɔ búɔ́wɔ buáŋá aaha ɔ ɔmɛsɛ́, mío nyióyísíkínyi masɔ́ma amá ɔ ŋɔɔ́ mɛ tɔ́má ɔ ɔkɔkɛla.

Sáaŋ 3:16

Yááŋa anyía Bandɔ́mɛsɛ́ ŋeé lénéke baacɔ bekime e nyiwééné, yó wíínjie hííyé hɛkɔŋɔ́ hɛ́ Ɔɔ́nɔ́, ɔkɛla anyía ɔɔcɔ okime awɔ́ u káá háya mɔŋɔlɛ́ nááyá ti nyíme, mbá wá bá na yɔɔ́sɔɔ́sɔ yí olíhe yí ekúlú ekime.

Buólí 10:36

Bandɔ́mɛsɛ́ ŋaá tɔ́mɛ́ná baacɔ bé *Islayɛ́l Ambányɛ yɛ́ Ɛsɔ́ma o o beébe óókísi anyía mbuumu káá bá ɛ ɛkatɛ́katɛ́ ci ne wuúci na baacɔ e elime ci Yésus *Kilís, Mutéŋínyi baacɔ bekime.

Lóom 5:1

Háyɛ yááŋa aáná, Bandɔ́mɛsɛ́ má kɛ́la anyía tuásɔ́ bámɔ́kɔ́na bɛtálɛ́mánánɔ́ bɛ́ baacɔ eeyé eé buúse ananyía tu ŋa sɔ́ háya mɔŋɔlɛ́ nááyá. Aámbáya tua sɔáŋa balatánɔ́ e bumbénú ne wuúci e elime ci uusú Otéŋí a Waáŋá Yésus Kilís.

Ɛfɛ́ɛsɛ 1:6

Yaátɛ́ asana túásɔ́ nyɛmána tu o wuúci nyemiki a asana na yááyɛ́ yaála yí nuubo yí nuúmi. U ŋaá basɔ́ bóosi etémbí ne etémbí anyía tua sɔ́ŋa e nyimónjóló ne uuyé Ɔɔ́nɔ́ u ɔtɛ́má.

Ɛfɛ́ɛsɛ 1:9

U ŋaá basɔ́ námbɔ́nɛ́na nyíáyɛ́ nyɛtákɛ́na nyɛ́ bɛsana eényí a nyɛ́ ŋaá bá nyɛnámbánɔ́ buáyá ; nyiínyi u ŋaá sɔ́mbɔ́tɔ́ná anyía u káá hɔ́lɛ́na né Kilís o o nyiínyi kɛla.

Ɛfɛ́ɛsɛ 2:4

Mbá ta híáná, wáŋa na mahana meéŋí, yaátɛ́ asana u ŋaá basɔ́ lénéke buéŋí,

Ɛfɛ́ɛsɛ 2:7

U ŋaá basɔ́ kɛ́láka bɔmbányɛ, yɔ́ hɔ́lɛna né Yésus Kilís ananyía wó tóŋgínyi baacɔ bekime bá tɔɔya a tɔ́ ŋa fáakɔna anyána yááyɛ́ yaála yí nuubo áŋa yaáŋá ɔ ɔhɔla bɛnyɛ́ma bikime.

Filibí 2:13

Yááŋa anyía Bandɔ́mɛsɛ́ u ŋaá banɔ́ kéndisi ekúlú ekime ne o oléne na ɔ ɔkɛla bɛsana a nyíáyɛ́ nyiléne.

Kolóso 1:20

Híáná tɔ́na, yí ŋeé wuúci bílénékíné anyía wá tɔ́ma uuyé Ɔɔ́nɔ́, wé ke hémúkúnyi maayɛ́ manɔ́ŋɔ́, mbá u wé ɔ ɔmbásá ɔ ɔmuaná, anyía na bɛnyɛ́ma bikime na baacɔ bekime á bámɔ́kɔ́na a nyɛlɔ́kɔ́mána ne wuúci anyía mbuumu á bámɔ́kɔ́na na ɔ ɔmɛsɛ́ na ɔ ɔmuaná noómi.

2 Tɛsaloníke 2:16

Ɛ ŋaá mɛ bɛ́cɔ́kɔ́lɛ́na ne uusú Otéŋí a Waáŋá Yésus Kilís bɛ́muátá na ciasɔ́ Síkíne Bandɔ́mɛsɛ́ awɔ́ ú ŋa basɔ́ léne anyía bá cɔbá ne buúse ɔ ɔ basɔ́ kíndísi ɛtɛ́má, bá basɔ́ hákɛ́na taaká cɛ mɔŋɔlɛ́ ɛ ɛtɛ́má a yáábɔ́ yaála yí nuubo noómi,

Nyɛnambɔnɛna nyɛ́ bɛsana 5:13

Aáná ɛ ŋaá mɛ lɔ́kɔ́máká tɔ́na bɛnyɛ́ma bikime abɛ́ Bandɔ́mɛsɛ́ ŋeé kétíki : Na bɛ́ Ɔmuaná, na bɛ́ ɔmɛsɛ́, na bɛ́ ɛmbana cɛ ɔmɛsɛ́, na bɛ́ tuɔmɔ́ tɔ́ makɛ́lɛ́ ; bɛnyɛ́ma bikime bɛ́ ɔhuálɔ́ eébí bɛ́ á hákɛ́na buŋana bɛ́sɛ : « Tu ŋá sɔ́ nyɛ́mána tú onyemiki ooci a wáŋa límine a nɔkɔná, tu nyemiki tɔ́na Ɔɔ́nɔ́ u Ɛtɔ́mbá anyía bá bɔ́ŋa ne nuúmi na makɛ́nda me otéŋgínyi ; bí ŋé beébe nyɛmána bikúlú bikime. »