Lúkas 2:13 - Nomaande

¹³ Bililé bɛ́ masɔ́ma bɛ́ Bandɔ́mɛsɛ́ biéŋí ŋaá háma hú huasɛ, bɛ́ ŋá bɛ́láta elilé yɛ́ bɔsɔ́ma eéyí, bí nyémiki Bandɔ́mɛsɛ́ na maŋana bɛ́sɛ :

Lúkas 2:13 Iomraidhean Croise

Lúkas 15:10

Ɛ ŋa mɛ́ banɔ́ láana anyía híáná obíléne weéŋí áŋa haála ahá *bililé bɛ́ masɔ́ma bɛ́ Bandɔ́mɛsɛ́ áŋa ekúlú ayɛ́ mɔkɛla maabɛ́ mɔmɔtɛ́ a mú á bɛ́kákálákɛ́na búáyɛ́ bɔɔbɛ́, mbá mu sɔ́mba ɔkɔlɔ́ eé buúbu. »

Lúkas 2:12

Hibílícínyínyí a hɛ́ ŋaa banɔ́ tóŋínyi áŋa anyía : Nu ŋa nɔ́ kúana iŋéné cɛ ɔɔ́nɔ́ ihúékénú na bɛlaŋa, ifiényínyí aá buafɛ́nɛ́ná bú bitúké. »

Lúkas 2:14

« Nuúmi á bá ná Bandɔ́mɛsɛ́ fáátɛ ɔ Ɔmuaná, bɔmbányɛ á bá ná baacɔ bɔ́ ɔmɛsɛ́, abá Bandɔ́mɛsɛ́ ŋeé léne. »

Ɛfɛ́ɛsɛ 3:10

U ŋa kɛ́láka aáná anyía ne metéŋí na makɛ́nda ma bɛnyɛ́ma a bɛ́áŋa ɔ Ɔmuaná noómi á nyɛmána omenyukune e elime ci hiɔ́bɔ hí belumitinine anyána Bandɔ́mɛsɛ́ áŋa ne injiŋé a anamánamá cá bɛnyɛ́ma ekime.

1 Timoté 3:16

Asana eéyé ayɛ́ Bandɔ́mɛsɛ́ ŋa námbɔ́nɛ́na baacɔ áŋa yaandándá yɛ́ asana, isuŋí tɛ á kɛla. Yááŋa asana yí Ooci awɔ́ ú ŋaá bɛ́cáŋa ɔɔcɔ, Elilé yó tóŋínyi anyía wáŋa ɔtálɛ́mánánɔ́, bililé bɛ́ masɔ́ma bɛ́ Bandɔ́mɛsɛ́ bíó wuúci lɛcaka, baacɔ bó húlíkínyi baacɔ abá bá tɛ ábɔ́ bá Besuif yááyɛ́ asana, biliminyi bɛ́ ɔmɛsɛ́ okime bá ɔhákɛ́na mɔŋɔlɛ́ nááyá, Bandɔ́mɛsɛ́ nyi wuúci bééti eényí ɔ Ɔmuaná aá haála hé nuúmi.

Ebélé 1:14

Bililé bɛ́ masɔ́ma bɛ́ Bandɔ́mɛsɛ́ áŋa aátɛ́ e ? Bɛ́áŋa hú bililé a bɛ́ ŋɔ nyiɔnɔ Bandɔ́mɛsɛ́ buólí, biíbi eébí Bandɔ́mɛsɛ́ ŋa tɔ́má ɔ ɔkɔwɔ́ɔ́lɔ baacɔ ebé u kéé nóhiki.

1 Bíel 1:12

Bandɔ́mɛsɛ́ ŋoó tóŋgínyí bááyɛ́ behémúnyi bɛsana eébé anyía bɛsana ebí bé ŋe bú hémúnyi ti ŋéé beébe lɛca beébe bɛ́muátá, mbá bɛ́ ŋaá banɔ́ lɛ́ca. Aámbáya behulinyi baacɔ Ambányɛ yɛ́ Ɛsɔ́ma ŋa bɔ́ banɔ́ biíbi laákɛ́na. Bá ŋa bɔ́ táŋáká a makɛ́nda me *Efúúménénú yí Elilé e yí ŋeé húle ɔ Ɔmuaná ná Bandɔ́mɛsɛ́. Ta bíáyɛ́ *bililé bɛ́ masɔ́ma bɛ́muátá áŋa na ɛcaná cí o biíbi menyukune.

Nyɛnambɔnɛna nyɛ́ bɛsana 5:11

Ɛ ŋa mɛ́ lɛcá tɔ́na míɔ lɔ́kɔ́máka ikelú cɛ́ bɔnɔnja bú *bililé bɛ́ masɔ́ma bɛ́ Bandɔ́mɛsɛ́ ; bɛ́ ŋaá bá tɔ́sɛ́na, tɔ́sɛ́na biéŋíníŋíni tɛ́ka ne ohónyí wú ɔfanaka. Bɛ́ ŋɔɔ́ bɔ́ŋɔ́lɛna na nɔkɔná, na bɛnyɛ́ma bínyíse e bí ŋe bínyíényi na baáŋá nyitíne ne bényíse.