Lúkas 2:11 - Nomaande

¹¹ E buutú bɔ́ hɛ́nánɔ, a bunɔŋɔ abɔ́ Táfit ŋeé bíbíéne hɔ́á, muanɔ́ Munohi baacɔ me bíbíéne, wuúci wáŋa *Mesíi, Otéŋí a Waáŋá.

Lúkas 2:11 Iomraidhean Croise

Matío 1:16

Yákɔb nyikeébíéne eényí Yɔ́sɛb, ɔnɔ́mɛ u Malíi ; Malíi áŋa iinyí ci Yésus ; bɔ́ ŋɔɔ́ lɔ́ŋɔ́ Yésus anyía *Mesíi.

Matío 1:21

U kéé bíéne ɔɔ́nɔ́ ɔnɔ́mɔcɔ́, wó wuúci lɔá nyiínyi anyía Yésus anyía wuúci u káá kɛ́la anyía *Bandɔ́mɛsɛ́ á háŋɔ́náka baacɔ bá búáyɛ́ bunɔŋɔ a maabɛ́. »

Matío 16:16

Mbá Símon Bíel ɔsɛ : « Ɔ ɔ́ŋa *Mesíi, Ɔɔ́nɔ́ u Bandɔ́mɛsɛ́ a wáŋa wɔɔ́sɔ. »

Matío 16:20

Aáná u ŋeé beébe bɛ́ɔ́sɔ́kɛ́nɛ́na ɔsɛ bé ti bíkétínyi ɔɔcɔ anyía wáŋa Mesíi.

Lúkas 1:43

Ya mɛ́ŋa nyɛnamá nyi oónjú nyɛ́ yaátɛ́ enyí iinyí ci uumi Otéŋí áŋa wu ɔfaaya náámɛ e ?

Lúkas 1:69

Ú maá basɔ́ tɔ́mɛ́na ɔkɛndákɛ́nda ɔ ɔ basɔ́ nóhi, u ŋeé húle eé ciíbe cɛ baacɔ cɛ muayɛ́ munyiɔnɔ Táfit.

Lúkas 2:26

Yí ŋeé wuúci laána anyía u ti kéé wé wuúci tɛ́ka na ɔlɛca *Mesíi awɔ́ Bandɔ́mɛsɛ́ ŋaá tɔ́má.

Lúkas 2:4

Yɔ́sɛb tɔ́na ŋá kaá hátɔ́na a bunɔŋɔ bɔ́ *Násalɛt, i iisí ci *Kalilé ɔ ɔcɔba a mɔfanana a Bɛ́tɛlɛhɛm, i iisí ci Yuté. U ŋaá cɔ́ba hɔ́á anyía u ŋaá bá u hɛnyɛ́nɔ́ hí Otéŋí Táfit. A bunɔŋɔ eébú Táfit ŋeé bíbíéne.

Sáaŋ 1:41

Ahɛ́ bé ŋe bú síke Yésus, Andɛlɛ́ ŋá cáŋa o tényí ka kuána uuyé onyíinyí Símon, mbá ɔsɛ nááyá : « Tú ma sɔ́ bɔ́ŋɔ *Mesíi », ɛ́cɛ « *Kilís ».

Sáaŋ 1:45

Fílib ŋá kaá kuána Nataniɛl ; ɔsɛ nááyá : « Tua sɔáŋa na ɔɔcɔ ewú *Moyís ŋaá táŋáká yááyɛ́ asana e nufule nú bikotí; yááyɛ́ asana behémúnyi bɛsana bá Bandɔ́mɛsɛ́ ŋa bɔ́ bá bábɔ́ kɔ́ɔnaka tɔ́na. Nyíáyɛ́ nyiínyi ɛ́cɛ Yésus, ɔɔ́nɔ́ u Yɔ́sɛb, u bunɔŋɔ bɔ́ Násalɛt. »

Sáaŋ 11:27

Mááta ɔsɛ : « Ɛ́ɛ, Otéŋí a Waáŋá, i ŋeé mi lumítíníne anyía ɔ ɔ́ŋa *Mesíi, Ɔɔ́nɔ́ u Bandɔ́mɛsɛ́, ooci awɔ́ Bandɔ́mɛsɛ́ ŋaá bɛ́tánɛ́ná baacɔ nyíáyɛ́ nyɛfaaya ɔ ɔmɛsɛ́. »

Sáaŋ 20:31

Mbá bɛsana eebi a bɛ́áŋa bɛɔ́ŋɔ́kɔ́nɔ́ e nufule eenu áŋa anyía núénú lumítíníne anyía Yésus áŋa *Mesíi, Ɔɔ́nɔ́ u Bandɔ́mɛsɛ́. Mbɔ́kɔ nu ŋá nɔ́ háya mɔŋɔlɛ́ nááyá, nááyá nu ká nɔ́ kándɛna, núɔ́ bámɔ́kɔ́na ne olíhe.

Sáaŋ 4:25

Oónjú ɔsɛ nááyá : « I ŋeé mi menyi anyía *Mesíi, ɛ́cɛ *Kilís, káá fáaya ; wuúci u káá basɔ́ hémbúlékíne bɛsana bikime ekúlú ayɛ́ u káá fáaya. »

Sáaŋ 4:42

ɛ́ɛhɛ́ bá ŋa bɔ́ bá bábɔ́ láakɛna oónjú u Samalí báyɛ : « Aámbáya, tɛ́ cáŋa hú ɔ ɔtáŋa awɔ́ ɔ́ɔ basɔ́ láakɛna tu ŋa sɔ́ háya mɔŋɔlɛ́ nááyá, mbá a asana ayɛ́ basɔ́ bɛ́muátá, tú ma sɔ́ lɔ́kɔ́máka úúyé ɔtáŋa na cáásɔ́ eetú, tu ŋe sú menyi tɔ́na anyía wáŋa Munohi mɔ baacɔ bá ɔmɛsɛ́. »

Sáaŋ 6:69

Tú ma sɔ́ hákɛ́na mɔŋɔlɛ́ nɔ́ɔ́wɔ, túó ményi tɔ́na anyía ɔ ɔ́ŋa Ofúúménénú u Bandɔ́mɛsɛ́. »

Sáaŋ 7:41

A bɔ́mɔtɛ́ tɔ́na báyɛ : « *Mesíi ooci wáŋa ! » Mbá bé etémbí báyɛ : « Mesíi awɔ́ háányɛ́ wáŋa wu obíbíéne a Kalilé e ?

Buólí 10:36

Bandɔ́mɛsɛ́ ŋaá tɔ́mɛ́ná baacɔ bé *Islayɛ́l Ambányɛ yɛ́ Ɛsɔ́ma o o beébe óókísi anyía mbuumu káá bá ɛ ɛkatɛ́katɛ́ ci ne wuúci na baacɔ e elime ci Yésus *Kilís, Mutéŋínyi baacɔ bekime.

Buólí 13:23

Ɔɔcɔ a wɔmɔtɛ́ u bɔnyɛ Táfit áŋa ɛ́cɛ Yésus. Bandɔ́mɛsɛ́ u ŋeé wuúci télímínyí Munohi baacɔ bé Islayɛ́l, hú háyɛ ú ŋeé beébe bɛ́tánɛ́na.

Buólí 17:3

U ŋeé beébe ciíci hembulekine, u tóŋgínyi háyɛ cɛ́ ŋa kɔ́ɔna anyía yɛ́ ŋa nyɛmána anyía Yésus á lɔ́kɔ́máka muuyé mbá u háanyua e biwéewé ; u kɔɔnaka ɔsɛ : « Yésus ooci awɔ́ ɛ́ ŋa mɛ́ banɔ́ láana, wuúci wáŋa *Mesíi. »

Buólí 2:36

Buátɛ́ bɔkɔ, banɔ́ baacɔ bé Islayɛ́l, énu menyí bɔmbányɛ bɔmbányɛ anyía Bandɔ́mɛsɛ́ ŋɔɔ́ lɔ́tɔ́ Yésus awɔ́ nu ŋa nɔ́ aátákɛ́ná ɔ ɔmbásá anyía wáá bá wuúci Mesíi, wuúci tɔ́na Otéŋí a Waáŋá ! »

Buólí 5:31

Bandɔ́mɛsɛ́ ŋeé bééti Yésus ɔ Ɔmuaná a aháŋá yí úúyé ɔɔbɔ́ ú manɔ́mɛ ; u ŋé wuúci télímínyi ne Otéŋí ne Munohi baacɔ ɔ ɔkɛla anyía baacɔ bé *Islayɛ́l ábɔ́ bɔ́ŋɔ ohónyí wú ɔbɛ́kákálákɛ́na máábɔ́ maabɛ́, mbá bá sɔ́mba ɔkɔlɔ́ eé meéme, Bandɔ́mɛsɛ́ yó beébe nyɛ́anakɛna máábɔ́ maabɛ́.

1 Kɔlɛ́ɛntɛ 15:47

Bé ŋe kétíki ɔɔcɔ u buúsebuúse na bɛcɛ́bɛ́, buátɛ́ bɔkɔ wáŋa ɔɔcɔ u ɔmɛsɛ́ ; ɔɔcɔ u obíóndísínyi ŋeé húlé ɔ Ɔmuaná.

Filibí 3:8

Aáná i ti ŋé mí biíbi lɛcá ta háyɛ bɔkɔ a búmɔtɛ́ a asana ne nyimenyinyi ne Yésus Kilís, uumi Otéŋí a Waáŋá. I ŋe mí lumítíne ɔbɛ́yúata bukime a yááyɛ́ asana ; i biíbi lɛcaka i iŋetí ci tuubí ananyía mbá yámɛ hɔ́ma Kilís,

Kolóso 2:6

Buátɛ́ bɔkɔ, e nyilumitinine enyí nú ŋe nú lúmitinine anyía Yésus *Kilís áŋa Otéŋí a Waáŋá, ánɔ cɔba ne buúse o olíhe háyɛ u ŋa yáamba.

1 Sáaŋ 4:14

Basɔ́ bɛ́muátá tu ŋa sɔ́ lɛ́cáka na cáásɔ́ eése anyía Taatá Bandɔ́mɛsɛ́ ŋaá tɔ́ma uuyé Ɔɔ́nɔ́ o okonóhi baacɔ bekime bá ɔmɛsɛ́ ; aáná tu ŋe sú húlinyi baacɔ anyía asana eéyé áŋa taaká.

1 Sáaŋ 5:1

Ɔɔcɔ okime ewú u ŋé lumitinine anyía Yésus áŋa *Kilís awɔ́ Bandɔ́mɛsɛ́ ŋaá tɔ́ma o okonóhi baacɔ, ɔɔcɔ oócí áŋa ɔɔ́nɔ́ u Bandɔ́mɛsɛ́. Mbɔ́kɔ ɔɔcɔ ŋeé léne Síkíne, u ŋeé léne tɔ́na bááyɛ́ baáná.