Lúkas 19:9 - Nomaande

⁹ Yésus ɔsɛ nááyá : « Hɛ́nánɔ baacɔ bé ciíbe eeci ma bɔ́ nɔ́hɔkɔ, anyía ɔɔcɔ ooci áŋa tɔ́na ɔ hɛnyɛ́nɔ́ hɛ́ *Abɛ́laham.

Lúkas 19:9 Iomraidhean Croise

Lúkas 13:16

Mbá ne oónjú ooci awɔ́ Sátan na mɔɔ́ yɔɔ́tɔ́kɔ́kɔ ɔ ɔkɔnɔ hɛ́nánɔ tuɔŋɔ a yáaŋa buunyi na tɔ́tátɔ́, wuúci u hɛnyɛ́nɔ́ hɛ́ *Abɛ́laham tɔ́na, anyána ɛ́ tɛ ámɛ bá wu o wuúci kátáka tukolí tú uúyé ɔkɔnɔ buɔ́sɛ́ bú ehélúme e ? »

Lúkas 13:30

Aáná yɛ́ káá bá anyía baacɔ a bɔ́mɔtɛ́ a bá bɔ́ŋa e elime aámbáya ká bɔ́ bá eé buúse, a bɔ́mɔtɛ́ a bá bɔ́ŋa eé buúse aámbáya bɔ bá e elime. »

Lúkas 16:24

Aáná ci ŋoó bókíté cɛsɛ : “Ééʼ, Taatá Abɛ́laham, mɛ bɛ́cáma mahana ; tɔ́ma Lasáal wé yubé hííyé hɛnɔɔ́nɔ́ e menyífé noómi, mbá wé mi sióŋónyísi okelú ; anyía ɛ ŋá mɛ lɔ́kɔ́ma ɔkála buéŋí aáhá o oocó ooci.”

Lúkas 16:30

Mbá cɛsɛ : “Eéʼeé, Taatá Abɛ́laham, mbɔ́kɔ ɔɔcɔ tɛ ŋá háányúá e biwéewé yó koó beébe kúana, bá tɛ ká bɔ́ bɛ́kákálɛ́na maabɔ́ maabɛ́.”

Lúkas 2:30

Ɛ́ ma mɛ́ lɛca yaŋɔ́ bɛ́muátá nyɛnɔhɔ nyɛ́ bɔ́ɔ́wɔ baacɔ,

Lúkas 3:8

Mbá ánɔ caŋá kɛ́laka bɛsana e bí ŋo tóŋínyi anyía nú ma nɔ́ bɛ́kákálákɛ́na máánɔ́ maabɛ́, nuɔ́ sɔ́mba tɔ́na ɔkɔlɔ́ eé meéme. Nuti bíkétíki e cíínú ɛtɛ́má anyía nua nɔ́ŋa nú ɔkɔɔna hú anyía : “Abɛ́laham áŋa ciasɔ́ sɔ́kɔ́nɔ́.” Aá taaká ɛ ŋa mɛ́ banɔ́ láana ɛsɛ́ Bandɔ́mɛsɛ́ áŋa wu oceŋisi andányɛ́ eece baáná bá *Abɛ́laham.

Lóom 4:16

Yaátɛ́ asana Bandɔ́mɛsɛ́ ŋá bɛ́tánɛ́na bɛnyɛ́ma a baháya mɔŋɔlɛ́ nááyá o otóŋínyi yááyɛ́ yaála yí nuubo e etémbí ne etémbí. Yááŋa eé buúse bɔ́ bɔnyɛ Abɛ́laham bukimekime, ɛ́cɛ anyía u ti ŋé yiínjie bɛnyɛ́ma abɛ́ u ŋaá bɛ́tánɛ́ná baacɔ hú a balátɛ́na bikotí mbá tɔ́na á baháya mɔŋɔlɛ́ nááyá bekime háyɛ Abɛ́laham. Yááŋa anyía Abɛ́laham áŋa ciasɔ́ síkíne cɛ basɔ́ bekime.

Kalasi 3:14

Kilís ŋa kɛ́láka aáná anyía ɛndána acɛ́ Bandɔ́mɛsɛ́ ŋaá bɛ́tánɛ́na Abɛ́laham á bámɔ́kɔ́na tɔ́na ná baacɔ a bá tɛ ábɔ́ bá Besuif e elime ci Yésus Kilís, yɔ́ basɔ́ iínjíé tɔ́na, basɔ́ bekime, Elilé ayɛ́ u ŋaá basɔ́ bɛ́tánɛ́na owiínjie a asana ne olumitinine.

Kalasi 3:29

Banɔ́ abá nua nuáŋa baacɔ bé Kilís, nua nuáŋa aná bɔnyɛ Abɛ́laham ; nua nuáŋa nú ɔbɔ́ŋɔ nuafa a bɛnyɛ́ma bikime abɛ́ Bandɔ́mɛsɛ́ ŋaá bɛ́tánákɛ́ná o beébe iínjie.

Kalasi 3:7

Énu menyi bɔmbányɛ anyía hú baacɔ a bá ŋa bɔ́ hákɛ́ná mɔŋɔlɛ́ ná Bandɔ́mɛsɛ́ á bɔ́ŋa taaká cɛ́ baáná bá Abɛ́laham.

1 Bíel 2:10

Buáyá, nu tɛ ɔ́mɔ́ nɔ́ bámɔ́kɔ́na búáyɛ́ bunɔŋɔ ; mbá aámbáya, nua núáŋa bááyɛ́ baacɔ bá bɛ́muátá. Buáyá, Bandɔ́mɛsɛ́ tɛ ɔ́mɔ́ banɔ́ bɛ́cámáka mahana, mbá aámbáya, ú maá banɔ́ bɛ́cáma mahana.