Lúkas 19:42 - Nomaande

⁴² Mbá ɔsɛ : « Ééʼ, mbɔ́kɔ banɔ́ tɔ́na nu ŋa nɔ́ bá nuenú ményukune bɛsana a bɛ́áŋa bɛ́ɔ banɔ́ kɛ́la bɔmbányɛ hɛ́nánɔ, keyé bɔmbányɛ, mbá aámbáya bɛ́áŋa bɛnambánɔ́ a cáánɔ́ eése.

Lúkas 19:42 Iomraidhean Croise

Lúkas 19:41

Ekúlú eyí Yésus ŋaá bá wa yáaŋa hoóhi na bálɛ́ka ci Yelúsalɛm, u ciíci lɛcaka, u ŋé túme ɔlɛla a asana na baacɔ bá hɔ́á.

Lúkas 19:43

Yááŋa anyía, mɔɔ́sɛ́ ŋa fáakɔna náánɔ́ amá báánɔ́ beliŋine káá banɔ́ bɔ́ŋɛna na nɔbɛkɛ nú biité, bɔ́ banɔ́ nyíá, bɔ́ banɔ́ kúeyikinyi ihényí ikime.

Lúkas 19:44

Bá ká bɔ banɔ́ ɔɔ́nɔ́kɔ, bɔ́ kátaka búánɔ́ bunɔŋɔ ; bé ti ké bú síke nyɛndányɛ́ nyɛ́mɔtɛ́ nyɛtálánɔ́ ɔ sɔ́ɔ́kɔ́ ɔ ɔmuaná, anyía nu ti ómo nú menyi ekúlú ayɛ́ Bandɔ́mɛsɛ́ ŋaá faáya ɔ ɔ banɔ́ nóhi ! »

Buólí 10:36

Bandɔ́mɛsɛ́ ŋaá tɔ́mɛ́ná baacɔ bé *Islayɛ́l Ambányɛ yɛ́ Ɛsɔ́ma o o beébe óókísi anyía mbuumu káá bá ɛ ɛkatɛ́katɛ́ ci ne wuúci na baacɔ e elime ci Yésus *Kilís, Mutéŋínyi baacɔ bekime.

Buólí 13:46

Ne Bóol na Baanábas ŋé beébe laána, bé tí líkíme, báyɛ : « Yɛ́ ŋaá bá anyía bá cáŋa banɔ́ húlikinyi Bɛsana bɛ́ Bandɔ́mɛsɛ́. Mbá háyɛ banɔ́ nú ŋe nú biíbi kine, nuɔ́ lɛ́ca anyía nu tɛ ɔ́mɔ nɔ́ nyɛ́mána nú ɔbɔ́ŋɔ yɔɔ́sɔɔ́sɔ yí olíhe yí ekúlú ekime ; buátɛ́ bɔkɔ basɔ́, tuɔ́ cába aámbáya o okoó biíbi hulinyi bɔsɔ́ɔ́kɔ́ a bá tɛ ábɔ́ bá Besuif.

Ebélé 3:13

Mbá énu hélúmúkúnyínyi ɛtɛ́má mɔɔ́sɛ́ mekime ekúlú ekime ayɛ́ nu ŋa nɔ́ lɔ́kɔ́ma okelú ú Bandɔ́mɛsɛ́ hɛ́nánɔ, anyía *Sátan áŋa wu onéŋe ɔɔcɔ ɔmɔtɛ́ aanɔ́ ɛ ɛkatɛ́katɛ́, yó nétisi úúye ɔtɛ́má anyía ɔɔcɔ oócí á cɔbá ne buúse ɔ ɔkɛla bɔɔbɛ́.

Ebélé 3:15

Yiíye anyía yááŋa akɔnánɔ́ anyía : « Mbɔ́kɔ nu ŋa nɔ́ lɔ́kɔ́ma okelú ú Bandɔ́mɛsɛ́ hɛ́nánɔ, nuti netísíki ɛtɛ́má háyɛ ekúlú eyí cíínú sɔ́kɔ́nɔ́ ŋa bɔ́ kɛ́láka aatɔ́ ɔnata. »

Ebélé 3:7

Buátɛ́ bɔkɔ *Efúúménénú yí Elilé ŋá kɔ́ɔna yɛ́sɛ : « Mbɔ́kɔ nu ŋa nɔ́ lɔ́kɔ́ma okelú ú Bandɔ́mɛsɛ́ hɛ́nánɔ,