Lúkas 19:12 - Nomaande

¹² U ŋé beébe laana ɔsɛ : « Ɔɔcɔ ɔmɔtɛ́ u hɛnyɛ́nɔ́ hí otéŋí ŋeé súété a bunɔŋɔ bɔ́ haaca, anyía Otéŋí u mɔnɔŋɔ meéŋí é wuúci bééti otéŋí ú búáyɛ́ bunɔŋɔ, mbá u ka hálɔ́mɔ́na.

Lúkas 19:12 Iomraidhean Croise

Matío 21:38

Mbá ekúlú eyí betétényi esíéné ŋa bɔ́ lɛca ɔɔ́nɔ́, bé ŋé túme ɔkɔɔna beébe ne beébe báyɛ : “Ɔɔcɔ ooci u kéé hííteke bisíkénéne bí síkíne. Túé wuúci ɔ́ɔ́nɔ́kɔ, mbá esíéné káá basɔ́ bɛ́lɔ́kɔ́mɛ́na.”

Matío 28:18

Aáná Yésus ŋeé bíkósíti náábɔ́, mbá ɔsɛ : « Bandɔ́mɛsɛ́ áŋa o mi iínjíénú makɛ́nda mekime me otéŋgínyi na ɔ ɔmuaná noómi na ɔ ɔmɛsɛ́ áyá.

Malɛ́kus 12:1

Yésus ŋeé túmé o beébe túmíne ɛnjaba ɔsɛ : « Ɔɔcɔ a wɔmɔtɛ́ ŋɔɔ́ nyíɔ́kɔ yááyɛ́ esíéné, yɔ́ wɔ́ɔ́nɔ́kɔ bɛnyɛ́ma, yɔ́ bɔ́ŋɔlɔkɛna na hɛkáká, yɔ́ tábɔ́náka nuáta hɔ́á, yó béétíki nyindúmé nyɛ́ bɛtáta. E elime eécí, u ŋé iínjíé esíéné ɔ cɔ́ɔ́kɛ né betétényi, u ŋé súéte ɔ ɔkanda ú haaca.

Malɛ́kus 16:19

Ɛ́makɛ́la Otéŋí a Waáŋá Yésus á máná ɔtáŋa aáná ná bááyɛ́ *baákɔ́nɛ́na, Bandɔ́mɛsɛ́ nyi wuúci béétísi eényí ɔ Ɔmuaná o okolímine aáyá a maabána, a yááyɛ́ aháŋá yɛ́ ɔɔbɔ́ ú manɔ́mɛ.

Lúkas 20:9

Aáná Yésus ŋeé túmíne baacɔ eébé ɛnjaba eeci ɔsɛ : « Ɔɔcɔ a wɔmɔtɛ́ ŋɔɔ́ nyiɔkɔ yááyɛ́ esíéné, yɔ́ wɔ́ɔ́nɔkɔ bɛnyɛ́ma ; yó wiínjie esíéné ɔ cɔ́ɔ́kɛ né betétényi, u ŋá cɔ́ba ɔ ɔkanda ú mɔɔ́sɛ́ meéŋí a bunɔŋɔ bú etémbí.

Lúkas 24:51

Ekúlú ayɛ́ u ŋaá bá weé beébe sayábákɛ́na, u ŋé beébe bɛ́álɔ́na, Bandɔ́mɛsɛ́ nyi wuúci béétísi eényí ɔ Ɔmuaná.

Sáaŋ 18:37

Mbá Bílat ɔsɛ : « Ɛ́cɛ anyía ɔ ɔ́ŋa aná otéŋí u Besuif e ? » Mbá Yésus ɔsɛ : « Kuɔŋɔ́, ɔ ŋɔɔ́ kɔɔna aáná. Ɛ ŋa mɛ́ faáya ɔ ɔmɛsɛ́ ooci anyía yé ké mi tóŋínyi baacɔ taaká. A asana eéyé i ŋé mi bíbíéne. Ɔɔcɔ okime awɔ́ u ŋa kánda aá taaká ŋaá tákɛ́na eetú e úúmi ɔtáŋa. »

Buólí 17:31

Yááŋa anyía u ŋaá táfá na buɔ́sɛ́ bú okélísíki baacɔ bá ɔmɛsɛ́ okime na ɔɔcɔ ewú u kéé beébe kélísíki aá taaká noómi. Buátɛ́ bɔkɔ Bandɔ́mɛsɛ́ ŋeé tóŋínyí hibílícínyínyí á baacɔ bekime e nyiheenyi enyí u ŋeé héényi waáta ɔɔcɔ e biwéewé. »

1 Kɔlɛ́ɛntɛ 15:25

Bú ŋá nyɛmana anyía Kilís e téŋginyi ɔ ɔkɔɔ́háma ayɛ́ u káá tálákɛ́na bááyɛ́ beliŋine bekime akɔlɔ́ a bɛɛtɔ́.

Ebélé 9:28

Híáná tɔ́na, Kilís ŋa bɛ́sɔ́mbɛ́ná ekúlú hú ɔ́mɔtɛ́, anyía wá yaáŋíáka maabɛ́ ma baacɔ beéŋí. U ká háná ka hálɔ́mɔ́na, tɛ́ cáŋa tɔ́na ɔ ɔkɔɔ́waáŋíaka maabɛ́ má baacɔ, mbá u káá faáya o okonóhi baacɔ e bé ŋe bú wuúci tata na mɔŋɔlɛ́ mekime.

1 Bíel 3:22

Yésus oócí ŋaá báátáka, yɔ́ hálɔ́mɔ́na ɔ Ɔmuaná. Wáŋa limine a aháŋá yɛ́ ɔɔbɔ́ ú manɔ́mɛ ú Bandɔ́mɛsɛ́ ; hɔ́á ú ŋee téŋínyi ne *bililé bɛ́ masɔ́ma, ne metéŋí, ne bililé bɛ́ makɛ́nda bí etémbí bikime áyá.

Nyɛnambɔnɛna nyɛ́ bɛsana 1:7

Ɛ́ná, wa yáaŋa ɔfaaya a bɛlɔndɔ́ noómi; baacɔ bekime ké bú wuúci lɛcaka ne eése, te eebe e bé ŋe bú wuúci bɔlɔ́ a aháŋá yɛ́ nɔkɛndá. Tɔnyɛ́nɔ́ tukime tɔ́ ɔmɛsɛ́ káá lɛ́laka a yááyɛ́ asana. Ɛ́ɛ, bú káá bɛ́kɛ́láka taaká aáná, híáná yááŋa !