Lúkas 19:10 - Nomaande

¹⁰ Yááŋa anyía Ɔɔ́nɔ́ u ɔɔcɔ ŋaá faáya ɔ ɔwaamba baacɔ e benyímékénénú o o beébe nohíki. »

Lúkas 19:10 Iomraidhean Croise

Matío 1:21

U kéé bíéne ɔɔ́nɔ́ ɔnɔ́mɔcɔ́, wó wuúci lɔá nyiínyi anyía Yésus anyía wuúci u káá kɛ́la anyía *Bandɔ́mɛsɛ́ á háŋɔ́náka baacɔ bá búáyɛ́ bunɔŋɔ a maabɛ́. »

Matío 10:6

mbá ánɔ cɔbáka yáaŋa né ciíbe cɛ baacɔ ci *Islayɛ́l. Bá bɔ́ŋa háyɛ baáná bá ɛtɔ́mbá e bé ŋe bú nyímúkúne.

Matío 15:24

Mbá ɔsɛ : « Ciamɛ Síkíne ŋaá mɛ tɔ́ma hú a asana na baacɔ bé *Islayɛ́l. Bá bɔ́ŋa háyɛ ɛtɔ́mbá e cí ne me nyímúkúne. »

Matío 18:10

Énu bíkékényíki oféníne ta ɔɔ́nɔmbɔ́ ɔmɔtɛ́ a banásɛ́ eebe. Ɛ ŋa mɛ́ banɔ́ láana ɛsɛ́ : Ɔ Ɔmuaná *bililé bɛ́ masɔ́ma abɛ́ ciamɛ Síkíne cɛ Ɔmuaná ŋaá táfáka o o beébe ɔɔ́lɔ́kɔ á bɔ́ŋa ekúlú ekime eeyé eé buúse. [

Matío 18:11

Yááŋa anyía Ɔɔ́nɔ́ u ɔɔcɔ ŋaá fááya ɔ ɔmɛsɛ́ ooci o okonóhiki baacɔ a bá ŋa bɔ́ bá ɛ́cɛ bé me bú nyímúkúne.]

Lúkas 15:32

Mbá tu ŋá sɔ́ nyɛmána tú ɔlɔ́kɔ́máka bɔmbányɛ, tu bílénéke, anyía ɔnɔ́ɔnyia ooci awɔ́ ɔ ŋɔɔ́ lɛca ŋeé wé, ú ma háányua ; u ŋeé nyíme, ú mɔɔ́ bɔ́ŋɛ́a.” »

Lúkas 15:8

« Ta anyía túá kɔɔ́na anyía oónjú a wɔmɔtɛ́ áŋa ne biléŋú bɛ́ mɔɔnyɛ́ bíɔ́hátá ; weé nyímísi yiíyi ɔ́mɔtɛ́, tɛ́ka u káá cia *lámba, u húle sɔ́ɔnɔkɔ ciíbe ikime ɔ ɔwaamba ɔ ɔkɔɔ́háma ayɛ́ u kéé yiíyi bɔ́ŋɔ e ?

Sáaŋ 3:17

Bandɔ́mɛsɛ́ tɛ ɔ́mɔ́ tɔ́ma uuyé Ɔɔ́nɔ́ ɔ ɔmɛsɛ́ anyía wé ke kélísíki baacɔ, mbá u ŋaá hɔ́lɛ́na nááyá o o beébe nohiki.

Lóom 5:6

Yááŋa anyía e ekúlú ayɛ́ Bandɔ́mɛsɛ́ ŋaá sɔ́mbɔ́tɔ́ná, *Kilís ŋe keé wé a yáásɔ́ asana, basɔ́ bakɛla maabɛ́. Tu ŋa sɔ́ bá e ekúlú eéyé tɛ́ka na makɛ́nda me obínóhi basɔ́ bɛ́muátá.

Ebélé 7:25

Híáná tɔ́na, wáŋa na makɛ́nda me onohi baacɔ ekúlú ɔ́mɔtɛ́ e bikúlú bikime, beébe bé ŋe bú bíkósíti ná Bandɔ́mɛsɛ́ a ciayɛ́ elime ; ananyía wáŋa wɔɔ́sɔ ekúlú ekime, u naŋa wá bɛ́cɔ́kɔ́lɔ́kɛ́na Bandɔ́mɛsɛ́ eebú eé buúse.