Lúkas 18:9 - Nomaande

⁹ Baacɔ a bɔ́mɔtɛ́ ŋa bɔ́ bá bébú bíkétíki anyía bá bɔ́ŋa bɛtálɛ́mánánɔ́ bɛ́ baacɔ, bá lɛ́caka anyía bɔsɔ́ɔ́kɔ́ tɛ ábɔ́ bá ta bɔkɔ ; Yésus ŋé beébe túmíne ɛnjaba eeci, ɔsɛ :

Lúkas 18:9 Iomraidhean Croise

Lúkas 10:29

Mbá muékúnyi bikotí eémú ŋaá bá máa yáambaka otóŋínyi anyía muáŋa atálɛ́mánánɔ́ yɛ́ ɔɔcɔ ; aáná mu ŋá batá Yésus mɔsɛ : « Aányɛ́ wáŋa sɔ́ɔ́kɔ́ e ? »

Lúkas 15:2

Na *Bafalisiɛ́ŋ ne *beékúnyi bikotí ŋa bɔ́ lɔ́kɔ́má bɔɔbɛ́, bé bícúcúléke báyɛ : « Ɔɔcɔ ooci ŋaá káha bɔmbányɛ bakɛla maabɛ́, u nyíékínyi ne beébe ! »

Lúkas 16:15

Mbá Yésus ɔsɛ náábɔ́ : « Nu ŋa nɔ́ áamba anyía baacɔ á banɔ́ hiíteke háyɛ bɛtálɛ́mánánɔ́ bɛ́ baacɔ ; mbá Bandɔ́mɛsɛ́ ŋe ményi cíínú ɛtɛ́má. Yááŋa anyía bɔkɔ abɔ́ baacɔ ŋa bɔ́ lɛ́ca háyɛ bɔmbányɛ ɔ ɔhɔla, Bandɔ́mɛsɛ́ ŋeé buúbu lɛca háyɛ bɔɔbɛ́ ɔ ɔhɔla.

Lúkas 18:11

Ɔɔcɔ u Bafalisiɛ́ŋ ŋaá tálɛ́mɛ́na ɛndánáka náányia, u bɛ́cɔ́kɔ́lɔ́kɛ́na ɔsɛ : “Kuɔŋɔ́ Bandɔ́mɛsɛ́, i ŋe mí o wiínjie bitéŋíti anyía ɛ tɛ ámɛ bá háyɛ baacɔ a bɔ́mɔtɛ́ e bé ŋe bú eebe, bá tɛ ábɔ́ bá bɛtálɛ́mánánɔ́ bɛ́ baacɔ, bá kándáka tusɔmɔ ; ɛ tɛ ámɛ bá háyɛ mutúé etéési eemu.

Lúkas 19:7

Ekúlú ayɛ́ baacɔ ŋa bɔ́ lɛ́cá asana eéyé, bekime ŋé túme ɔtáŋa ɛmbásɛmbásɛ, báyɛ : « Ú maá cɔ́ba ɔ ɔkɔfíanɛna o ooki ú aabɛ́ yɛ́ ɔɔcɔ. »

Lúkas 7:39

Ɛ́makɛ́la ɔɔcɔ u Bafalisiɛ́ŋ awɔ́ u ŋɔ lɔ́ŋɔ́kɔ́ Yésus á lɛ́cá aáná, u ŋé bíketi e uúye ɔtɛ́má ɔsɛ : « Hmm, mbɔ́kɔ ɔɔcɔ ooci á bá taaká *muhémúnyi bɛsana mɔ Bandɔ́mɛsɛ́, keyé ú me menyi aányɛ́ wáŋa nyɛnamá nyí oónjú e nyí me wuúci bítíse ; yó ményi anyía mɔkɛla maabɛ́ e muénjú muáŋa. »

Sáaŋ 8:48

*Besuif ŋa bɔ́ bɛ́kámá Yésus báyɛ : « Tɛ́ka ɔ́ mɔɔ́ lɛca anyía tua sɔ́ŋa aá taaká ekúlú ayɛ́ tu ŋa sɔ́ kɔ́ɔna anyía ɔ ɔ́ŋa u Samalí, tu kɔɔnaka tɔ́na anyía ɔ ɔ́ŋa na aabɛ́ yí elilé e ? »

Sáaŋ 9:28

Aáná bé ŋe bú túme o wuúci ɔɔ́mbɔ́na, báyɛ : « Kuɔŋɔ́ ɔ ɔ́ŋa *muákɔ́nɛ́na mu ɔɔcɔ oócí ! Basɔ́, tua sɔ́ŋa baákɔ́nɛ́na bé *Moyís.

Sáaŋ 9:34

Mbá báyɛ nááyá : « O ŋoó bíbíéne kuɔŋɔ́ okime aá bɔɔbɛ́ noómi ; nyiékúnyi nyɛ yaátɛ́ ɔ ɔ́ŋa wu ɔ basɔ́ éékúnyíki e ? » Nyíábɔ́ nyi wuúci ɔ́ɔ́ŋɔ́kɛ́na eényí.

Buólí 22:21

Mbá Otéŋí a Waáŋá ɔsɛ : “Buaka, cɔbá yáaŋa, anyía ɛ ká mɛ́ ɔ tɔ́ma haaca né eebe a bá tɛ ábɔ́ bá *Besuif.” »

Lóom 10:3

Yááŋa anyía bé tí ómó bú ményi bɔmbányɛ bɔmbányɛ ohónyí awɔ́ Bandɔ́mɛsɛ́ ŋe híite baacɔ háyɛ bɛtálɛ́mánánɔ́ bɛ́ baacɔ eeyé eé buúse ; ɛ́ɛhɛ́ bá ŋa bɔ́ bɔlɔkɔ úúbú ohónyí ú bɛ́muátá, bá ŋá bɛ́sáŋɔ́na ohónyí awɔ́ Bandɔ́mɛsɛ́ ŋé hiíte baacɔ háyɛ bɛtálɛ́mánánɔ́ eeyé eé buúse.

Lóom 14:10

Mbá kuɔŋɔ́ aná, anyíatɛ́ o ŋoó kélísi sɔ́ɔ́kɔ́, e wuúci bábákɛ́na e ? Yaŋɔ́ ɛsɛ, basɔ́ bekime tu ká sɔ́ tálɛ́mákɛ́na eé buúse bɔ́ Bandɔ́mɛsɛ́ a nyɛkála e ? Tɛ́ka, yááŋa aatɔ́ ɔlama e ?

Lóom 14:3

Ɛ́ɛhɛ́ sɔ́ɔ́kɔ́ ewú u ŋee bíkéti anyía wáŋa wu ɔnyíáka bɛnyɛ́ma bikime tɛ ɔ́mɔ́ nyɛ́mana wu okényéméke sɔ́ɔ́kɔ́ awɔ́ u tɛ ŋá kɛ́la aáná ; sɔ́ɔ́kɔ́ awɔ́ u tɛ ŋá nyíá bɛnyɛ́ma hú anyía ɔyá maá yá tɛ ɔ́mɔ nyɛmána wu okélísíki sɔ́ɔ́kɔ́ awɔ́ u tɛ ŋá táfa bɛnyɛ́ma bɛ́ ɔnyíá, anyía Bandɔ́mɛsɛ́ áŋa o wuúci káhánɔ́ tɔ́na.

Lóom 7:9

Buáyá, ta yɛ́ cáŋa á bá anyía ɛ ŋaá mɛ bá yemi líheke ; mbá ekúlú eyí i ŋe mí menyi anyía bá ŋá nyɛ́mana bá ɔlátákɛ́na bikotí, ekúlú eéyé ɔtɛ́má ŋeé túmé ɔ mɛ hámɛ́na wú ɔkɛlaka bɛɛbɛ́ bɛ́ bɛsana.