Lúkas 18:7 - Nomaande

⁷ Mbá anyána na Bandɔ́mɛsɛ́ ú tɛ káá sɔ́mbɔ́tɔ́kɔ́nɛ́na bɛsana a baacɔ bɔlɔtɔ́kɔ́nɔ́, beébe bé ŋe bú wuúci bɛ́cɔ́kɔ́lɛ́na na nabuɔ́sɛ́ ne nebutúé ; anyána u ti kéé beébe ɔ́ɔ́lɔ e ?

Lúkas 18:7 Iomraidhean Croise

Matío 24:22

Mbɔ́kɔ Bandɔ́mɛsɛ́ tɛ́ á sɔ́mba mekúti mɔɔ́sɛ́ etéemé, keyé ta ɔɔcɔ ɔmɔtɛ́ tɛ ɔ́mɔɔ́ bá wu ɔnɔhɔ. Mbá u ŋaá sɔ́mba mekúti mɔɔ́sɛ́ eémé a asana na bááyɛ́ baacɔ abá u ŋɔ lɔ́tɔ́kɔ.

Matío 24:24

Yááŋa anyía ne bemesíi bá bɛfala ne *behémúnyi bɛsana bá bɛfala ká bɔ́ hámɔ́kɔ́na, bé tóŋgínyi tubílícínyínyí, bá kɛ́laka bɛandándá bí *bikéki bɛ́ bɛsana, anyía bébú néŋéke te eebe abá Bandɔ́mɛsɛ́ ŋɔ lɔ́tɔ́kɔ, ɔ́kɔ yááŋa yɛ́ ɔbá aáná.

Matío 7:11

Hú banɔ́ abá nua nɔ́ŋa bɛɛbɛ́ bɛ́ baacɔ, nu ŋe nú menyi owiínjie báánɔ́ baáná bɛmbányɛ bɛ́ bɛnyɛ́ma. Mbá anyána aná na cianɔ́ Síkíne cɛ Ɔmuaná e ? U kéé yiínjíékíne bɛmbányɛ bɛ́ bɛnyɛ́ma ɔ ɔhɔla a baacɔ e bé ŋe bú wuúci kɔŋɛna.

Lúkas 11:13

Hú banɔ́ abá nua nɔ́ŋa bɛɛbɛ́ bɛ́ baacɔ, nu ŋe nú ményi owiínjie báánɔ́ baáná bɛmbányɛ bɛ́ bɛnyɛ́ma, mbá anyána aná na ciasɔ́ Síkíne cɛ Ɔmuaná e ? U kéé yiínjie *Efúúménénú yí Elilé a baacɔ e bé ŋe bú wuúci kɔŋɛna. »

Lúkas 2:37

Aáná u ŋɔɔ́ lɔ́bɔ́ esíké, wa yáaŋa aámbáya na tuɔŋɔ etíne ényíse ne imbuke ínyíse ; u ŋaá bá ekúlú ekime eé Ciíbe cɛ Bandɔ́mɛsɛ́, u bíkíilieke ɔnyíá o onyemi Bandɔ́mɛsɛ́, u wuúci bɛ́cɔ́kɔ́lɔ́kɛ́na ne nebutúé na nabuɔ́sɛ́.

Lúkas 21:28

Ekúlú ayɛ́ bɛsana eébí kéé túme ɔbɛ́kɛ́la, énu hetúkúnyi bɛɛtɔ́, núá lɛcáka ɔ ɔmuaná anyía nyíánɔ́ nyɛkɔmba a yáaŋa hoóhi. »

Lóom 8:33

Aányɛ́ wáŋa wu ɔsɔ́mɛ́na aná baacɔ abá Bandɔ́mɛsɛ́ ŋaá táfáká e ? Yááŋa anyía wuúci bɛ́muátá u ŋaá kɛ́láka anyía bá bámɔ́kɔ́na bɛtálɛ́mánánɔ́ bɛ́ baacɔ eeyé eé buúse.

Kolóso 3:12

Yaátɛ́ asana, ánɔ hákɛ́na ɛtɛ́má e nuubo noómi, a bɔmbányɛ noómi, o obílóosi noómi, e nyisioŋono nyɛ́ ɔtɛ́má noómi, ne oweéhínyínyi noómi, ananyía Bandɔ́mɛsɛ́ ŋaá banɔ́ lénéké, yɔ́ banɔ́ táfáka anyía núánɔ́ bámɔ́kɔ́nɛ́na bááyɛ́ baacɔ.

1 Tɛsaloníke 3:10

Ne nebutúé na nabuɔ́sɛ́ tu ŋe sú wuúci bɛ́cɔ́kɔ́lɛ́na, tu tɛ tɔmbɔ, anyía wé lumítíne anyía tú ka sɔ́ banɔ́ téŋíti basɔ́ bɛ́muátá, túɔ́ banɔ́ eékúnyíki bɛsana ebí nu ti ŋé nú menyi a asana ne úúnú olumitinine.

2 Tɛsaloníke 1:6

Ɛ́ɛ, Bandɔ́mɛsɛ́ áŋa ɔtálɛ́mánánɔ́ ; u kéé hélúmúkúnyínyi muuyé a baacɔ a bá ŋa bɔ́ banɔ́ iínjíékíne muuyé.

1 Timoté 5:5

Esíké a yááŋa ɔlɔbɔ́nɔ́ taaká esíké, yiíyi tɛ́ka na ɔɔcɔ wu o wuúci sókóbíki, esíké eéyé áŋa ɔháyánɔ́ mɔŋɔlɛ́ ná Bandɔ́mɛsɛ́ ; u ŋeé wuúci bɛ́cɔ́kɔ́lɛ́na mɔɔ́sɛ́ mekime ne nebutúé na nabuɔ́sɛ́ anyía wé wuúci ɔɔ́lɛ́ta.

2 Timoté 1:3

I ŋeé mi iínjie Bandɔ́mɛsɛ́ bitéŋíti ɔɔ́wɔ a asana. I ŋeé mi wuúci nyiɔnɔ ne híími hɛcɔɔ́cɔ́ e hifúúménénú a hɛ́áŋa ɔ ɔtɛ́má háyɛ cíími sɔ́kɔ́nɔ́ ŋe bú wuúci nyiɔ́kɛ́na. Ekúlú ekime eyí í ŋe mí wuúci bɛ́cɔ́kɔ́lɛ́na, ɛ ŋɔ mɛ́ ɔ bɛ́táá ne nebutúé na nabuɔ́sɛ́.

2 Timoté 2:10

Aáná i ŋe mí eéhínyínyi bɔkɔ bukime eébú, anyía baacɔ abá Bandɔ́mɛsɛ́ ŋaá táfáka ábɔ́ bɔ́ŋɔ bɔmbányɛ, ananyía bábɔ́ bá tɔ́na na nyɛnɔhɔ e nyimónjóló ne Yésus Kilís ɔlata ne nuúmi nú ekúlú ekime.

Tite 1:1

Yaŋɔ́ Bóol, munyiɔnɔ mɔ *Bandɔ́mɛsɛ́, ɛ ŋɔ mɛ́ ɔ wɔɔ́ŋɛ́na nufule eenu. Ya mɛ́ŋa *ɔɔcɔ u ɛndɔ́ma u *Yésus *Kilís. Ɛ ŋaá mɛ ɔ́ɔ́lɔ baacɔ abá Bandɔ́mɛsɛ́ ŋɔɔ lɔ́tɔ́kɔ́, anyía bé lumítékíníne mbá bé menyi taaká cɛ́ bɛsana. Bɛsana eébí ŋo tóŋínyi anyána bébú líhéke háyɛ bú ŋe bíléníne Bandɔ́mɛsɛ́,

1 Bíel 1:1

Yaŋɔ́ Bíel, *ɔɔcɔ u ɛndɔ́ma u *Yésus *Kilís, yaŋɔ́ ɛ ŋaá mɛ banɔ́ ɔ́ɔ́ŋɛ́na nufule eenu, banɔ́ eebe abá *Bandɔ́mɛsɛ́ ŋaá táfáka feeké. Bá ŋaá banɔ́ sélísíki, aámbáya nua nɔ́ŋa biliminyi e bikéti bí iisí bí butéŋí bú Lóom. Bɛ́áŋa anyía na Bɔ́ŋ, na Kalasi, na Kabatɔs, na Asi, ne Bitini.

2 Bíel 3:9

Yááŋa anyía u ti ŋe yéényísi onyíóyísínyi ciayɛ́ ɛndána háyɛ baacɔ ɔ bɔ́mɔtɛ́ ŋá bɔ́ bɛ́táá ; mbá u ŋaá banɔ́ eéhínyínyi bu eéhínyínyi, ananyía u ti ŋé léne anyía ɔɔcɔ ɔmɔtɛ́ é nyíme. U ŋeé léne yáaŋa anyía baacɔ bekime ɔ́ bɔ́ŋgɔ́na ohónyí wú ɔbɛ́kákálákɛ́na máábɔ́ maabɛ́, mbá bá sɔ́mba ɔkɔlɔ́ eé meéme.

Nyɛnambɔnɛna nyɛ́ bɛsana 18:20

Énu bílénéke buéŋí, banɔ́ biliminyi bɛ́ Ɔmuaná, a asana ayɛ́ bálɛ́ka ma lɔ́sálɔ́sa ; énu bílénéke buéŋí banɔ́ belumitinine, na banɔ́ baacɔ bá ɛndɔ́ma, na banɔ́ *behémúnyi bɛsana áyá, anyía Bandɔ́mɛsɛ́ me ciíci kelísíki a asana na bɔɔbɛ́ abɔ́ cɛ́ ŋaá banɔ́ kɛ́laka.

Nyɛnambɔnɛna nyɛ́ bɛsana 6:10

Bé ŋe bú bókíté okelú ɔ ɔmuaná, báyɛ : « Kuɔŋɔ́, Otéŋí a Waáŋá, ɔ ɔ́ŋa ofúúménénú, kuɔŋɔ́ ɔtálɛ́mánánɔ́ ! Ɔ ɔkɔɔ́háma nyíényí ɔ kɔ́ tátáka nyɛkála anyía óo bífúnéke baacɔ bá ɔmɛsɛ́ a bá ŋa bɔ́ cáŋgɛ́na cíísú ilíhe e ? »

Nyɛnambɔnɛna nyɛ́ bɛsana 7:15

Yaátɛ́ asana, ɛ naŋa bábɔ́ tálɛ́mákɛ́na eé buúse bɔ́ nɔkɔná nɔ́ Bandɔ́mɛsɛ́ ; bé wuúci nyemiki ne nebutúé na nabuɔ́sɛ́ aá cíáyɛ́ Ciíbe. Ooci a wáŋa limine a nɔkɔná kéé beébe lindieke.