Lúkas 18:43 - Nomaande

⁴³ Hí e ekúlú eéyé, u ŋá háná é túme ɔlɛcana, u ŋá látákɛ́na Yésus, u iínjíékine Bandɔ́mɛsɛ́ nuúmi. Ɛ́makɛ́la etúte ekime á lɛcá aáná, yí ŋé túme tɔ́na onyemi Bandɔ́mɛsɛ́.

Lúkas 18:43 Iomraidhean Croise

Matío 11:5

Bendíméndíme ŋa bɔ́ lɛ́cana, baacɔ e bé ŋe bú síndólo kandaka bɔmbányɛ, beénuúnu aáŋɔ́núaka, bɔndɔ́kɔ́ndɔ́kɔ lɔ́kɔ́mákána, biwéewé háányuaka, basɔ́kásɔ́ka lɔ́kɔ́máka Ambányɛ yɛ́ Ɛsɔ́ma.

Matío 21:14

Aáná ne bendíméndíme na baacɔ e bé ŋe bú síndólo ŋe bú bíkósíki nááyá eé Ciíbe cɛ Bandɔ́mɛsɛ́ noómi, u ŋé beébe eéŋúnyísíki.

Matío 9:8

Ɛ́makɛ́la baacɔ ábɔ́ lɛ́cá aáná, bulíkílíki ŋé beébe nyióyíki ɛ ɛtɛ́má hú mbiɔ́kɛ ; bé iínjíékíne Bandɔ́mɛsɛ́ nuúmi a asana na nyɛnamá nyɛ́ makɛ́nda anyɛ́ wáŋa owíínjíékínénú baacɔ.

Lúkas 13:17

Ekúlú ayɛ́ ú ŋaá táŋɛ́ta aáná, baacɔ bekime a bá ŋa bɔ́ bá bébú wuúci nuusiki ŋa bɔ́ lɔ́kɔ́ma aatɔ́ ɔlama ; baacɔ bá nyɛkɔca bekime ŋaá bá bébú bílénéke buéŋí e *bikéki bɛ́ bɛsana bikime abɛ́ ú ŋaá bá waá kɛ́láka.

Lúkas 19:37

Ekúlú ayɛ́ u ŋaá bá wa yáaŋa hoóhi ne Yelúsalɛm ɔ ɔcɔba a hɛlɔɔkɔ hɛ́ nɔkɔndɔ nú Molifié, etúte yɛ́ baákɔ́nɛ́na ekime ŋo nyíóyo ne obíléne, bé ŋé túme onyemi Bandɔ́mɛsɛ́ okelú ɔ ɔmuaná e *bikéki bɛ́ bɛsana abɛ́ bá ŋa bɔ́ lɛ́caka.

Lúkas 4:39

U ŋé bíkósíti nááyá, u ŋá laána nyiike ne esise anyía nyɛ́ á hatɔ́na, nyiike ŋá mana ɔ ɔmana. Hí a yaátɛ́ ekúlú, u ŋá hatɔ́na, u ŋé túme o beébe sókóbi.

Lúkas 5:26

Aáná baacɔ bekime ŋe bú kékéke, bé iínjíékine Bandɔ́mɛsɛ́ nuúmi ne bulíkílíki buéŋí ɛ ɛtɛ́má hú mbiɔ́kɛ, báyɛ : « Hɛ́nánɔ tú ma sɔ́ lɛ́caka bikéki bí bɛsana. »

Lúkas 9:43

Aáná baacɔ bekime ŋe bú kéké makɛ́nda ma Bandɔ́mɛsɛ́. Ayɛ́ baacɔ bekime ŋa bɔ́ bá bá bɔ́ánáŋa o okéke bɛsana bikime ebí Yésus ŋaá bá waá kɛ́laka, mbá ɔsɛ ná baákɔ́nɛ́na :

Buólí 11:18

Ɛŋakɛlá baacɔ eébé ábɔ́ lɔ́kɔ́máka ɔtáŋa oócí, bé ŋé lésíkínyi mbuumu, bé iínjíékíne Bandɔ́mɛsɛ́ nuúmi, báyɛ : « Yááŋa taaká anyía Bandɔ́mɛsɛ́ me yiínjie tɔ́na baacɔ a bá tɛ ábɔ́ bá Besuif ohónyí na wú ɔbɛ́kákálákɛ́na máábɔ́ maabɛ́ na wú ɔbɔ́ŋɔ taaká ci olíhe. »

Buólí 26:18

Ɛ ŋa mɛ́ ɔ tɔ́ma hɔ́á o okoó beébe húúnéke eése, wó beébe hémúkúnyi i ibíne noómi anyía bébú oófókíne e eese noómi ; wó beébe aáŋíáka e butéŋí bɔ́ Sátan, mbá e beébe hákɛ́na e *Butéŋí bɔ́ Bandɔ́mɛsɛ́. Mbɔ́kɔ bá ŋa bɔ́ hákɛ́na mɔŋɔlɛ́ náámɛ, Bandɔ́mɛsɛ́ kéé beébe nyɛanakɛnɛna máábɔ́ maabɛ́, yó beébe limisikinyi ɛ ɛkatɛ́katɛ́ cɛ bááyɛ́ baacɔ abá u ŋɔ lɔ́tɔ́kɔ.” »

Buólí 4:21

Báábɔ́ bekélísi bɛsana ŋa háná ébú beébe sásáka, báyɛ : « Nu ká nɔ́ lɛca mbɔ́kɔ nu ŋá nɔ́ cɔ́ba ne buúse o ohúli asana eéyé. » Aáná bé ŋe bú beébe nyɛána anyía bé súéte, ɛ́cɛ bá ma bɔ́ áaŋa hɛkɔma hí o beébe súbékíne, ananyía bunɔŋɔ bukime ŋaá bá búé yiínjíékíne Bandɔ́mɛsɛ́ nuúmi e *ekéki yɛ́ asana a yɛ́ ŋaá bɛ́kɛ́láká.

Kalasi 1:24

Aáná bá ŋa bɔ́ bá bébú iínjíékíne Bandɔ́mɛsɛ́ nuúmi aámɛ a asana.

1 Bíel 2:9

Mbá, aá banɔ́, nua nɔ́ŋa hɛnyɛ́nɔ́ ahɛ́ Bandɔ́mɛsɛ́ ŋɔɔ́ lɔ́tɔ, banɔ́ beluli nyiínjie e bé ŋe bú lúlinyi Otéŋí a Waáŋá bɛnyɛ́ma. Nua núáŋa tɔ́na efúúménénú yɛ́ bunɔŋɔ a yɛ́ ŋaá bɛ́lɔ́kɔ́mɛ́na Bandɔ́mɛsɛ́. U ŋaá banɔ́ lɔ́tɔ́kɔ́ anyía nuénú húlíkínyi baacɔ bɛmbányɛ́kɛ́ bɛ́ bɛsana abɛ́ u ŋaá kɛlaka, ananyía u ŋaá banɔ́ aáŋíáka o olíhe ú ibíne noómi, yɔ́ banɔ́ hákɛ́na e uúyé olíhe ú eese noómi.