Lúkas 18:12 - Nomaande

¹² I ŋe mí bíkíilie ɔnyíá mɔɔ́sɛ́ méfendí ɔ sɔ́ndɛ ɛ́mɔtɛ́, a tuafa túɔ́hátá tɔ́ búámɛ bɔnɔ́mɛ bukime, i ŋe mí o wiínjie nuafa númɔtɛ́.”

Lúkas 18:12 Iomraidhean Croise

Matío 5:20

Yááŋa anyía ɛ ŋaá mɛ banɔ́ láana ɛsɛ́ : Mbɔ́kɔ nu ti ŋé nú bíínjie ɔ ɔlátɛ́na bɛsana abɛ́ Bandɔ́mɛsɛ́ ŋeé léne anyía bá látákɛ́na ɔ ɔhɔla ne *beékúnyi bikotí na *Bafalisiɛ́ŋ, nu tɛ anɔ́ bá bá ɔbámɔ́kɔ́na ɔ ɔmbana ú baacɔ abá Bandɔ́mɛsɛ́ ŋe téŋínyi.

Matío 6:1

« Énu bíkékényíki anyía buólí abɔ́ nu ŋa nɔ́ nyíɔnɔ Bandɔ́mɛsɛ́ tɛ bámɔ́kɔ́nɛ́na háyɛ obítóŋínyi e eése cá baacɔ. Mbɔ́kɔ aáná yááŋa, cianɔ́ Síkíne cɛ Ɔmuaná tɛ ká banɔ́ námaka.

Matío 6:16

« Ekúlú ekime eyí nú ŋe nú bíkíilie ɔnyíá, nuti sulúbúéke i iŋetí cɛ baacɔ bá tɔbɛ́mbɛ túfendí ; bé ŋe bú súŋe meése anyía bébú tóŋgínyi bɔmbányɛ baacɔ anyía bé me bú bíkíilieke ɔnyíá. Aá taaká ɛ ŋa mɛ́ banɔ́ laana anyía bíábɔ́ bɛnamá eébí bé ŋe bú hiíte aáná.

Matío 6:5

« Ekúlú ekime ayɛ́ nu ŋa nɔ́ bɛ́cɔ́kɔ́lɛ́na, nɔtɛ hɔ́áka baacɔ bá tɔbɛ́mbɛ túfendí, beébe bá naŋa bébú lénéke ɔbɛ́cɔ́kɔ́lɛ́na Bandɔ́mɛsɛ́ ɛndánáka na a *bɛndaŋía bɛ́ ɔbɛ́cɔ́kɔ́lɛ́na bí *Besuif na a maabána me ihényí anyía baacɔ é beébe lɛcáka. Ɛ ŋa mɛ́ banɔ́ láana aá taaká anyía bíábɔ́ bɛnamá eébí bé ŋe bú híite aáná.

Matío 9:14

Baákɔ́nɛ́na bá Sáaŋ Batis ŋe bú bíkósíti né Yésus, mbá báyɛ nááyá : « Anyíatɛ́ na basɔ́ na *Bafalisiɛ́ŋ tú naŋa tuésú bíkíilieke ɔnyíá bɛnyɛ́ma, mbá bɔ́ɔ́wɔ *baákɔ́nɛ́na tɛ kɛla aáná e ? »

Lúkas 11:42

Mahana ná banɔ́ Bafalisiɛ́ŋ, anyía nu ŋe nú iínjie Bandɔ́mɛsɛ́ nuafa númɔtɛ́ nɔ́ tuafa túɔ́hátá tú tuhútíhúti háyɛ ne bicéŋí, ne ikótóko, na anamánamá cé tuhútíhúti tukime tú bisíéné, mbá nuɔ́ bɛ́hɔ́yáka na ɔkɛla baacɔ bɛtálɛ́mánánɔ́ bɛ́ bɛsana, ne oléne Bandɔ́mɛsɛ́. Bɛsana eébí nuánɔ́ nyɛ́mana nu ɔkɛlaka, nɔtɛ bɛ́hɔ́ya a bɛ́mɔtɛ́ bí etémbí.

Lúkas 17:10

Híáná ta banɔ́ tɔ́na ekúlú ayɛ́ núánɔ́ kɛ́laka bɔkɔ bukime abɔ́ bá banɔ́ láana anyía núánɔ́ kɛ́laka, ánɔ kɔɔ́na anyía : “Tua sɔ́ŋa hú bɔnyiɔnɔ ; tú ma sɔ́ nyíɔkɔ hú buólí a bɔ́ á nyɛ́maná na basɔ́.” »

Lóom 3:27

Yaátɛ́ asana ɔɔcɔ tɛ ɔ́mɔ nyɛ́mána wu obílémbíki wuúci bɛ́muátá. Yááŋa anyía tɛ́ cáŋa a nyɛlátɛ́na anyɛ́ tú ŋa sɔ́ látɛ́na bikotí, yiíyi Bandɔ́mɛsɛ́ ŋá kɛ́lá anyía basɔ́, túásɔ́ bámɔ́kɔ́na bɛtálɛ́mánánɔ́ bɛ́ baacɔ eeyé eé buúse ; mbá u ŋaá kɛ́lá aáná a asana na mɔŋɔlɛ́ amá tu ŋa sɔ́ háyá né Yésus Kilís.

1 Kɔlɛ́ɛntɛ 1:29

ɔ ɔkɛla anyía ta ɔɔcɔ ti bíbééti eeyé eé buúse.

Kalasi 1:14

Baacɔ bé híími hɛɛya ŋa bɔ́ bá bábɔ́ látákɛ́na abɛ́kɛ́lɛ́na cé olumitinine ú Besuif eécé, mbá yaŋɔ́ ɛ ŋaá mɛ bá yémi beébe hɔlaka o o biíbi látɛ́na ; i ŋeé mi bíínjíé e nyiwééné a nyɛlátɛ́na nyɛ́ abɛ́kɛ́lɛ́na cá babaabá, mío beébe hɔlaka.

Ɛfɛ́ɛsɛ 2:9

tɛ́ cáŋa a asana na yáánɔ́ ambányɛ yɛ́ nyɛbɛ́kɛ́lɛ́na anyía ɔɔcɔ ti bíbéétíki.

1 Timoté 4:8

Obíínjie o onyíényi cɛɛ́tɔ anyía ciá kɛndaka ŋɔ yɔɔ́lɔ nyɛnamá ; mbá nyibíínjie anyɛ́ ɔɔcɔ ŋe bíínjie o olíhe háyɛ Bandɔ́mɛsɛ́ ŋeé léne ŋɔ yɔɔ́lɔ buéŋí ɔ ɔhɔla, anyía ɔɔcɔ oócí kéé líhéke bɔmbányɛ o olíhe ú aámbáya, yó líhéke tɔ́na bɔmbányɛ ɔɔ́ yɔɔ́sɔɔ́sɔ yí olíhe yí ekúlú ekime.