Lúkas 17:25 - Nomaande

²⁵ Mbá ekúlú ayɛ́ Ɔɔ́nɔ́ u ɔɔcɔ tɛ ŋa kaá hálɔ́mɔ́na, u ŋá nyɛmána wu ɔ cáŋa lɔ́kɔ́máka ɔkála weéŋí, baacɔ bá hɛɛya eehi bó wuúci kíne.

Lúkas 17:25 Iomraidhean Croise

Matío 16:21

O otúme ekúlú eéyé, Yésus ŋeé túme oweékúnyi bááyɛ́ *baákɔ́nɛ́na a miányɛ́ ɔsɛ : « Ɛ ŋa mɛ́ nyɛmána ɔcɔba eé Yelúsalɛm, yá kaá mɛ lɔ́kɔ́máka ɔkála weéŋí awɔ́ na *baáŋá bé *Besuif, ne betéŋínyi *beluli nyiínjie, ne *beékúnyi bikotí ké bú mi kélíki, bɔ́ mɛ ɔ́ɔ́nɔ mbá a matátɔ́ míɔ haanyua o owé. »

Matío 21:42

Mbá ɔsɛ : « Yaŋɔ́ ɛsɛ́ nu na maá nɔ́ fánáka Ciɔɔ́ŋɛ́ cɛ́ Bandɔ́mɛsɛ́ a cɛ́ ŋaá kɔ́ɔna cɛ́sɛ : “Nyɛndányɛ́ anyɛ́ bafalɛfa ciíbe ŋe bú óomboko, nyiínyi nyɛ́ má bɛ́cáŋa nyɛndányɛ́ a nyɛ́ ma bɛ́túáhɛ́na ciíbe. Aáná Otéŋí a Waáŋá ŋa kɛ́láka asana eéyé. Yɛ́ ŋaá basɔ́ kékísi buéŋí.”

Malɛ́kus 10:33

ɔsɛ : « Ɛ́náʼo ! Aámbáya, basɔ́ eebe tua súaŋa ɔ ɔbááta eé Yelúsalɛm ; hɔ́á ne betéŋínyi *beluli nyiínjie ne *beékúnyi bikotí ká bɔ́ kɛ́la anyía bá mɛ́ hatɛ́na, yaŋɔ́ Ɔɔ́nɔ́ u ɔɔcɔ. Bá ká bɔ́ sɔ́mbɔ́tɔ́na anyía bá mɛ ɔ́ɔ́nɔ́, bé ké bú mi fiimbie né be-ti-menyí Bandɔ́mɛsɛ́.

Malɛ́kus 12:10

Yaŋɔ́ ɛsɛ nu na ma nɔ́ fanáka Ciɔɔ́ŋɛ́ cɛ́ Bandɔ́mɛsɛ́ a cɛ́ ŋaa kɔ́ɔna cɛ́sɛ : “Nyɛndányɛ́ anyɛ́ bafalɛfa ciíbe ŋe bú óómbóko, nyiínyi nyɛ́ ma bɛ́cáŋa nyɛndányɛ́ a nyɛ́ ma bɛ́túáhɛ́na ciíbe.

Malɛ́kus 8:31

E elime eécí, Yésus ŋeé túme o beébe eékúnyi, ɔsɛ : « Yɛ́ ŋá nyɛmána anyía Ɔɔ́nɔ́ u ɔɔcɔ á lɔ́kɔ́máka ɔkála buéŋí ; na *baáŋá bé *Besuif, ne betéŋínyi *beluli nyiínjie, ne *beékúnyi bikotí bó wuúci kíne, báyɛ u tɛ ɔ́mɔ nyɛmána wu olíhéke, bó wuúci ɔ́ɔ́nɔ, mbá a matátɔ́, yɔ́ háányua e biwéewé. »

Malɛ́kus 9:31

anyía u ŋaá bá we yéékúnyíki bááyɛ́ *baákɔ́nɛ́na ɔsɛ : « Baacɔ ké bú mi fiimbie, yaŋɔ́ Ɔɔ́nɔ́ u ɔɔcɔ, bɔ́ mɛ ɔ́ɔ́nɔ, mbá e elime cɛ mɔɔ́sɛ́ matátɔ́, ɛ ká mɛ́ haanyua e biwéewé. »

Lúkas 18:31

Yésus ŋé bísúétíne bááyɛ́ *baákɔ́nɛ́na bɔ́ɔ́hátá ne béfendí, mbá ɔsɛ : « Ánɔ lɔ́kɔ́ma bɔmbányɛ ! Tua suáŋa ɔ ɔbááta eé Yelúsalɛm, bɛsana bikime ebí *behémúnyi bɛsana bá Bandɔ́mɛsɛ́ ŋa bɔ́ ɔɔ́ŋɔ́kɔ aámɛ a asana, yaŋɔ́ Ɔɔ́nɔ́ u ɔɔcɔ, káá bɛ́kɛ́láka híáná.

Lúkas 18:33

Ɛkákɛ́la bébú mi súbéke ne mesue, bɔ́ mɛ ɔ́ɔ́nɔ ; mbá a matátɔ́, míɔ haanyua e biwéewé. »

Lúkas 24:46

U ŋé beébe laána ɔsɛ : « Yááŋa yɔɔ́ŋɔ́kɔ́nɔ́ anyía *Mesíi ŋá nyɛmána we owé, yɔ́ háanyua e biwéewé ɔ mɔɔ́sɛ́ matátɔ́.

Lúkas 9:22

mbá ɔsɛ : « Yɛ́ ŋá nyɛmána anyía Ɔɔ́nɔ́ u ɔɔcɔ á lɔ́kɔ́máka ɔkála buéŋí ; na *baáŋá bé *Besuif, ne betéŋínyi *beluli nyiínjie, ne *beékúnyi bikotí bó wuúci kíne, bó wuúci ɔ́ɔ́nɔ, mbá a matátɔ́ yɔ́ háányua o owé. »

Sáaŋ 1:11

U ŋaá faáya aá buayá, buayá búó wuúci kine.

Sáaŋ 12:38

Aáná bɛsana ebí *muhémúnyi bɛsana mɔ Bandɔ́mɛsɛ́, Ɛsayí, ŋaá táŋáka buáyá ŋeé bínyíóyísínyi ; u ŋaá kɔ́ɔ́náka ɔsɛ : « Otéŋí a Waáŋá, aányɛ́ ú ŋeé lúmitinine úúsú ɔtáŋa e ? Ná aányɛ́ Bandɔ́mɛsɛ́ ŋoó tóŋínyi maayɛ́ makɛ́nda e ? »