Lúkas 16:9 - Nomaande

⁹ Ɛ ŋa mɛ́ banɔ́ láana isíʼo : Ánɔ tákáka mekendinyi, nɔ bɛ́kɛ́lákɛ́na maŋaŋa ma ɔmɛsɛ́ ooci a mááŋa maabɛ́, anyía ekúlú ayɛ́ ma káá mana, Bandɔ́mɛsɛ́ káá banɔ́ káha bɔmbányɛ aáyá a bunɔŋɔ e bú kéé líhéke ekúlú ekime.

Lúkas 16:9 Iomraidhean Croise

Matío 19:21

Mbá ɔsɛ ná ɔɔcɔ : « Mbɔ́kɔ ɔ ŋɔɔ́ waamba ɔbámɛ́na taaká cɛ ambányɛ yɛ́ ɔɔcɔ ɔ ɔhɔla, cɔbá ké ke túéke buɔ́wɔ bɔnɔ́mɛ bukime, mbá a aafakɛna mɔɔnyɛ́ ná basɔ́kásɔ́ka ; aáná ɔ kɔ́ɔ́ bá na bɔnɔ́mɛ a Bunɔŋɔ bɔ́ Ɔmuaná. Mbá a faaya, e búle mɛ látɛ́na. »

Matío 6:19

« Nɔtɛ bátɛ́ákɛ́na búánɔ́ bɔnɔ́mɛ aaha ɔ ɔmɛsɛ́ ooci, haála ehé ne tufike na nyɛnyía áŋa bí o buúbu caŋgɛna ; ta anyía haála ehé beébi á bɔ́ŋa bá ɔkataka ciíbe, bó buúbu eébéke.

Matío 6:24

« Ta munyiɔnɔ mumɔtɛ́ tɛ á bá mu ɔnyiɔkɛna síkíne cí buólí ífendí, anyía keyé u ké búle é léne eeci, u lénéke ecinyíé ɔ ɔhɔla ; ta anyía keyé u ké búle á bábɛ́na síkíne eeci, u lɔ́kɔ́mákɛ́na ecinyíé. Nu tɛ anɔ́ bá nú ɔhákɛ́nɛ́na bɔkɔ búmɔtɛ́ na Bandɔ́mɛsɛ́ na bɔnɔ́mɛ bɔ́ ɔmɛsɛ́ ooci.

Lúkas 11:41

Énu iínjíékíne bu iínjíékíne basɔ́kásɔ́ka bɛnyɛ́ma a bɛ́áŋa na a bíánɔ́ bɛmúáná na a bíánɔ́ bɛnyíáná noómi, aáná nu ké búle anɔ́ lɛ́ca bɔkɔ bukime bufúúménénú.

Lúkas 12:33

« Énu túéke bíánɔ́ bɛnyɛ́ma, mbá nu iínjíékíne mɔɔnyɛ́ eémé ná basɔ́kásɔ́ka. Ánɔ bámɔ́kɔ́na na bɛmbalá a bɛ́ tɛ ŋɔ́ɔ́ bɔ́lɛa, ánɔ bándáka bɔnɔ́mɛ a Bunɔŋɔ bɔ́ Bandɔ́mɛsɛ́, haála ahá bú tɛ káá mána, beébi tɛ kaáháma o oweébe, nyɛnyía ti buúbu nyíá.

Lúkas 14:14

Mbɔ́kɔ ɔ ŋɔɔ́ kɛláka aáná, Bandɔ́mɛsɛ́ kɔ́ɔ́ yɔ́ɔ sáyábɛ́na, anyía bá tɛ ká bɔ́ bá na bɔkɔ bɔ́ ɔ kuɔŋɔ́ hélúmúnyínyi. Wuúci, u kó yóo hélúmúkunyinyi ekúlú ayɛ́ bɛtálɛ́mánánɔ́ bɛ́ baacɔ ká bɔ́ háanyuaka e biwéewé. »

Lúkas 16:11

Mbɔ́kɔ nu tɛ ɔ́mɔ́ nɔ́ bɛ́kɛ́lɛ́na bɔmbányɛ aná na buŋaŋa bɔ́ ɔmɛsɛ́ a búáŋa bɔɔbɛ́, ta ɔɔcɔ tɛ káá banɔ́ iínjíe taaká cɛ buŋaŋa.

Lúkas 16:13

Ta munyiɔnɔ mumɔtɛ́ tɛ á bá mu ɔnyiɔkɛna síkíne cí moólí mefendí ; anyía mu ké búle é léne a cɛmɔtɛ́, mu lénéke eécí a cɛmɔtɛ́ ɔ ɔhɔla ; ta anyía mu ké búle á bábɛ́na síkíne a cɛmɔtɛ́, mu lɔ́kɔ́mákɛ́na eécí a cɛmɔtɛ́. Nu tɛ anɔ́ bá nu ɔhákɛ́nɛ́na bɔkɔ búmɔtɛ́ na Bandɔ́mɛsɛ́ na bɔnɔ́mɛ bɔ́ ɔmɛsɛ́ ooci. »

Lúkas 16:4

Ɛ́hɛ́ɛ ! I ŋe mí menyi anyána míɔ cɔba ɔ ɔkɛlaka, anyía baacɔ e búle ábɔ́ mɛ káha bɔmbányɛ a maabɔ́ meébe ekúlú ayɛ́ bá káá mɛ aáŋíá e buólí bɔ́ ɔwaafa bɔnɔ́mɛ.”

Buólí 10:31

mbá ɔsɛ : “Kɔɔnɛ́yɛ, Bandɔ́mɛsɛ́ áŋa ɔlɔ́kɔ́mánɔ́ úúwe ɔbɛ́cɔ́kɔ́lɛ́na ; u ŋa bɛ́táá nyiɔ́lɔ anyɛ́ ɔ ŋɔɔ́ wɔɔ́lɔ basɔ́kásɔ́ka.

Buólí 10:4

Kɔɔnɛ́yɛ ŋé yiíyi tála eése, u líkíméke, u ŋé yiíyi batá ɔsɛ : « Aátɛ́ yááŋa e, Otéŋí ? » Elilé yɛ́ bɔsɔ́ma yɛ́ Bandɔ́mɛsɛ́ ŋé wuúci bɛ́káma yɛ́sɛ : « Bandɔ́mɛsɛ́ ŋeé bíléníne ne úúwe ɔbɛ́cɔ́kɔ́lɛ́na na nyiɔ́lɔ anyɛ́ ɔ ŋɔɔ́ wɔɔ́lɔ basɔ́kásɔ́ka ; yaátɛ́ asana u tɛ ŋɔ́ yɔ́ɔ bɛ́hɔ́ya.

2 Kɔlɛ́ɛntɛ 4:17

Yááŋa anyía muuyé mukime amɔ́ tu ŋa sɔ́ lɔ́kɔ́ma aámbáya tɛ á bá ta bɔkɔ ekúlú ayɛ́ tu ŋe sú muúmu keti na yaandándá yí nuúmi yí ekúlú ekime a yɛ́ a hɔ́la, nuúnu tu ká sɔ́ lɛ́cáka.

Súute 1:21

Ánɔ cɔba ne buúse o olimine e nulénéne noómi anɔ́ Bandɔ́mɛsɛ́ ŋaá banɔ́ léne ; nɔ tátáka háyɛ uusú Otéŋí a Waáŋá Yésus Kilís káá basɔ́ bɛ́cáma mahana, yɔ́ basɔ́ iínjie yɔɔ́sɔɔ́sɔ yí olíhe yí ekúlú ekime.