Lúkas 16:8 - Nomaande

⁸ Aáná síkíne cɛ muafa bɔnɔ́mɛ ŋeé lémbíki aabɛ́ yɛ́ muafa bɔnɔ́mɛ eéyé, anyía yɛ́ ŋa kɛ́láka menjiŋé. Yááŋa anyía, baacɔ a bá ŋa bɔ́ látɛ́na bɛsana bɛ́ ɔmɛsɛ́ áŋa ne injiŋé beébe ne beébe a bɛsana abɛ́ bá ŋa bɔ́ kɛ́la ɔ ɔhɔla baacɔ a bá ŋa bɔ́ látɛ́na eese e yí ŋé húle ná Bandɔ́mɛsɛ́.

Lúkas 16:8 Iomraidhean Croise

Matío 12:32

Yááŋa anyía Bandɔ́mɛsɛ́ káá nyɛ́ánɛnɛna ɔɔcɔ okime awɔ́ u ŋa táŋɛ́na Ɔɔ́nɔ́ u ɔɔcɔ, mbá u tɛ káá nyɛ́ánɛnɛna ɔɔcɔ awɔ́ u ŋa táŋɛ́na Efúúménénú yí Elilé, ta aámbáya te e bikúlú a bɛ́ ŋa fáakɔna. »

Matío 17:26

Bíel ɔsɛ : « Baacɔ bé etémbí bá naŋa bábɔ́ ɔ́ɔ́ndɔ́kɔ etéési. » Mbá Yésus ɔsɛ : « Ɛ́cɛ anyía bɔnyɛ otéŋí tɛ ŋɔ́ yɔɔ́ndɔ́ etéési e ?

Lúkas 16:10

Mbɔ́kɔ ɔɔcɔ ŋa bɛ́kɛ́lɛ́na bɔmbányɛ a tɔsanasáná, wáŋa wu ɔbɛ́kɛ́lákɛ́na tɔ́na bɔmbányɛ a bɛandándá bɛ́ bɛsana ; mbá mbɔ́kɔ ɔɔcɔ ŋa bɛ́kɛ́lɛ́na bɔɔbɛ́ a tɔsanasáná, wáŋa wu ɔbɛ́kɛ́lákɛ́na tɔ́na bɔɔbɛ́ a bɛandándá bɛ́ bɛsana.

Lúkas 16:4

Ɛ́hɛ́ɛ ! I ŋe mí menyi anyána míɔ cɔba ɔ ɔkɛlaka, anyía baacɔ e búle ábɔ́ mɛ káha bɔmbányɛ a maabɔ́ meébe ekúlú ayɛ́ bá káá mɛ aáŋíá e buólí bɔ́ ɔwaafa bɔnɔ́mɛ.”

Lúkas 16:7

Mbá mɔsɛ ná u ɔláta : “Kuɔŋɔ́ʼo, aátɛ́ ú ŋɔ yɔ́ɔ batá e ?” Mbá ɔsɛ : “Ikute cí iŋeŋé hɔ́ndɛ́tɛ ɛ́táánɔ.” Muafa bɔnɔ́mɛ mɔsɛ né oócí : “Núɔ́wɔ nufule nú buhíné eénú, ɔɔ́ŋɔ́kɔ hɔ́ndɛ́tɛ ínyíse.”

Lúkas 18:6

Otéŋí a Waáŋá ŋó solínyi ɔsɛ : « Ánɔ lɔ́kɔ́ma bɔmbányɛ háyɛ aabɛ́ yɛ́ musɔ́mbɔ́tɔ́na bɛsana eéyí ŋáa kɔɔna.

Lúkas 20:34

Yésus ɔsɛ náábɔ́ : « Na banɔ́mɔcɔ́ ne beénjú bá hɛɛya eehi ŋa bɔ́ bátɛ́na, bɔ́ tɔ́nɔ́kɔ ;

Lúkas 20:35

mbá na banɔ́mɔcɔ́ ne beénjú abá Bandɔ́mɛsɛ́ káá lɛ́caka anyía bá ŋá bɔ́ nyɛmána bá ɔbá na nuafa na a hɛɛya a hɛ́ ŋa fáakɔna na a nyɛhaanyua nyí biwéewé, bó ko límekine a búáyɛ́ Bunɔŋɔ, bá tɛ ká bɔ́ bátɛ́na, bá tɛ́ tɔnɔ.

Sáaŋ 12:36

Ekúlú ekime eyí eese á yánáŋa ɔ ɔnɔma náánɔ́, ánɔ hákɛ́na mɔŋɔlɛ́ eé yiíyi, mbá nɔ́ ká nɔ́ bá baáná bé eese. » Ɛŋakɛlá Yésus ma táŋáka aáná, u ŋé súéte haaca, u ŋgé beébe bɛ́námbɛ́na.

1 Kɔlɛ́ɛntɛ 3:18

Ta ɔɔcɔ ti bínéŋe wuúci bɛ́muátá. Mbɔ́kɔ ɔɔcɔ aanɔ́ ɛ ɛkatɛ́katɛ́ ŋaa bɛ́táá ɔbámɔ́kɔ́na ne injiŋé a nyɛlɛca nyɛ́ baacɔ bá hɛɛya eehi, bɔmbányɛ anyía wá bɛ́cáŋa yaála, ɔ ɔkɛla anyía wá bámɔ́kɔ́na taaká ne injiŋé.

Ɛfɛ́ɛsɛ 5:8

E ekúlú yɛ́ buáyá, nu ŋa nɔ́ bá nuenú líhéke i ibíne noómi ; mbá aámbáya nua nuáŋa o olíhe e eese noómi anyía nua nuáŋa e nyimónjóló ne Kilís. Yaátɛ́ asana énu líhéke aná i iŋetí cɛ baacɔ a bá náŋa bébú líhéke e eese noómi.

Filibí 3:19

Nyíábɔ́ nyibíóndísínyi áŋa bunyímé ; bá ŋa bɔ́ bɛ́táá hú túábɔ́ tɔɔna, bé tuútu nyemiki i iŋetí cɛ ciabɔ́ bandɔ́mɛsɛ́; aáná bɔkɔ a bɔ́ á nyɛ́mana o beébe iinjie aatɔ́ ɔlama, eé buúbu eébú bá ŋa bɔ́ háya núábɔ́ nuúmi noómi, bá bɛ́tááka hú bɛsana bɛ́ ɔmɛsɛ́ ooci.

1 Tɛsaloníke 5:5

Yááŋa anyía nua nɔ́ŋa banɔ́ bekime baáná bé eese yɛ́ nabuɔ́sɛ́ ; tu tɛ asɔ́ bá baáná bé ibíne ci nebutúé.

1 Bíel 2:9

Mbá, aá banɔ́, nua nɔ́ŋa hɛnyɛ́nɔ́ ahɛ́ Bandɔ́mɛsɛ́ ŋɔɔ́ lɔ́tɔ, banɔ́ beluli nyiínjie e bé ŋe bú lúlinyi Otéŋí a Waáŋá bɛnyɛ́ma. Nua núáŋa tɔ́na efúúménénú yɛ́ bunɔŋɔ a yɛ́ ŋaá bɛ́lɔ́kɔ́mɛ́na Bandɔ́mɛsɛ́. U ŋaá banɔ́ lɔ́tɔ́kɔ́ anyía nuénú húlíkínyi baacɔ bɛmbányɛ́kɛ́ bɛ́ bɛsana abɛ́ u ŋaá kɛlaka, ananyía u ŋaá banɔ́ aáŋíáka o olíhe ú ibíne noómi, yɔ́ banɔ́ hákɛ́na e uúyé olíhe ú eese noómi.

1 Sáaŋ 3:10

Ɛ́náʼo, asana e yí ŋe yeélúnyi bɔmbányɛ na baáná bá Bandɔ́mɛsɛ́ na bá *Sátan áŋa anyía ɔɔcɔ okime awɔ́ u tɛ ŋá kɛ́la bɛsana a bɛtálɛ́mánánɔ́, u ti léne tɔ́na uuyé onyíinyí, tɛ á bá ɔɔ́nɔ́ u Bandɔ́mɛsɛ́.