Lúkas 16:23 - Nomaande

²³ cɛ ŋá cɔbá haála ehé biwéewé áŋa, cɛ lɔ́kɔ́máka muuyé buéŋí hɔ́á ; ci ŋé bééti eése, cɛ ŋá lɛcá Abɛ́laham haaca, Lasáal ɔfiánɛ́nánɔ́ a mááyɛ́ mɔɔyɔ́.

Lúkas 16:23 Iomraidhean Croise

Matío 11:23

Mbá banɔ́ baacɔ bá Kabɛlnawum, nu ŋe nú kéti anyía nu ká nɔ́ báátáka, nuɔ́ kɔɔ́háma ɔ Ɔmuaná e ? Eéʼeé, Bandɔ́mɛsɛ́ káá banɔ́ lóosiki, nuɔ́ kɔɔ́háma haála ehé biwéewé áŋa, anyía mbɔ́kɔ bikéki bɛ́ bɛsana abɛ́ Bandɔ́mɛsɛ́ ŋaa kɛ́láka náánɔ́ á bɛ́kɛ́láka a bálɛ́ka cɛ *Sɔ́tɔm, keyé bálɛ́ka eécí a yánáŋa ɔ ɔkɔɔ́háma aámbáya.

Matío 18:9

Híáná tɔ́na, mbɔ́kɔ a asana na nyiɔ́wɔ nyiíse ɔ naŋa oó kúfétékéne o olumitinine, nyiínyi tasá, é nyiínyi oombóko haaca na kuɔŋɔ́. Yááŋa ambányɛ yɛ́ asana nɔ́ɔ́wɔ anyía óo woofíne a taaká ci olíhe nyiíse nyɛ́mɔtɛ́ ɔ ɔhɔla anyía ɔ́ɔ bá na cɔ́ɔ́wɔ eése ekime, mbá bá ɔ waahɛ́na a nɔɔfia nú oocó noómi ewú ú ti ŋé nyíme ta buɔ́sɛ́.

Matío 23:33

Banɔ́ mɔɔ́hɔ eeme, bɔnyɛ ɛhɛ́nyɛ, énu menyúkúne bɔmbányɛ anyía nu tɛ anɔ́ bá nú ɔsámbáka bɔ́nɔ́sɛa cɛ Bandɔ́mɛsɛ́.

Matío 5:22

Mbá yaŋɔ́, ɛ ŋaá mɛ banɔ́ laana ɛsɛ́ : Bé kéé kélísíki ɔɔcɔ okime ewú ó lóbísíkínyi uuyé onyíinyí ; okime awɔ́ ɔ́ yɔɔ́mbɔ́na uuyé onyíinyí anyía yaála yɛ́ bɔkɔ, bé kéé wuúci kélísíki eé buúse bú Hitúlé a hiáŋá. Ɔɔcɔ okime ewú é wuúci ɔɔ́mbɔ́na anyía ɛnyama cɛ bɔkɔ, bé kéé wuúci aahɛna a nɔɔfia nú oocó.

Matío 5:29

Mbɔ́kɔ a asana na nyíɔ́wɔ nyiíse ɔ naŋa oó kúfétékéne o olumitinine, nyiínyi tasá, é nyiínyi oombóko haaca na kuɔŋɔ́. Yááŋa ambányɛ nɔ́ɔ́wɔ anyía búɔ́wɔ bɔláŋá bɔ́ cɛɛ́tɔ é nyíme ɔ ɔhɔla anyía bɔ́ yɔ́ɔ waahɛ́na kuɔŋɔ́ okimekime a nɔɔfia nú oocó.

Matío 8:29

Aáná bé ŋe bú túme ɔbɔmɔ okelú ɔ ɔmuaná, bá kɔ́ɔnaka báyɛ : « Ɔɔ́nɔ́ u Bandɔ́mɛsɛ́ é, asana a yaátɛ́ yááŋa na basɔ́ na kuɔŋɔ́ e ? Ɔ ŋɔɔ́ faáya aaha anyía ɔ́ kɔɔ́ basɔ́ iínjíékíne muuyé ekúlú tɛ́ka na ɔnyɛmana e ? »

Lúkas 16:24

Aáná ci ŋoó bókíté cɛsɛ : “Ééʼ, Taatá Abɛ́laham, mɛ bɛ́cáma mahana ; tɔ́ma Lasáal wé yubé hííyé hɛnɔɔ́nɔ́ e menyífé noómi, mbá wé mi sióŋónyísi okelú ; anyía ɛ ŋá mɛ lɔ́kɔ́ma ɔkála buéŋí aáhá o oocó ooci.”

Lúkas 16:28

anyía ya mɛ́ŋa ne benyíinyí a banɔ́mɔcɔ́ bátáánɔ, wé keé beébe laakɛna anyía bá tɛ kɛ́la háyɛ ɛ́ ŋa mɛ́ kɛláka ; ananyía keyé bá ká ka bɔ́ faáya tɔ́na aaha aá haála hé muuyé eehe.”

Lúkas 8:28

Ɛŋakɛlá ɔɔcɔ oócí áa lɛca Yésus, u ŋá aánjálɛ́ta, u ŋé wuúci túmíne eŋéndu, u ŋɔ́ bɔmɛ́ta ɔsɛ : « Yésus, Ɔɔ́nɔ́ u Bandɔ́mɛsɛ́ a wáŋa Waáŋá, asana ayɛ́ yaátɛ́ yááŋa na yaŋɔ́ na kuɔŋɔ́ e ? Cɔ́kɔ́lɛ, eti mi íínjíé muuyé. »

1 Kɔlɛ́ɛntɛ 15:55

Owé eé, nyíɔ́wɔ nyɛyáka nyiényí aná e ? Owé eé, nyíɔ́wɔ nyɛkɔŋɔ́ nyiényí aná e ?

2 Bíel 2:4

Yááŋa anyía Bandɔ́mɛsɛ́ tɛ ɔ́mɔ́ nyɛ́anɛnɛna te *bililé bɛ́ masɔ́ma a bɛ́ ŋaá kɛ́láka bɔɔbɛ́; mbá u ŋeé biíbi aahákɛ́na bɛɔ́tɔ́kɔ́kɔ́nɔ́ a Talatáala, ɛ́cɛ anyía nɔɔfia nú tiímé, haála ehé ibíne áŋa hú fííʼ ; hɔ́á bɛ́ ŋaá táta nyíáyɛ́ nyɛbɔsɔna nyɛ́ bɛsana.

Nyɛnambɔnɛna nyɛ́ bɛsana 20:10

Aáná a asana na Musɔ́mɛ́na a mɔ́ ŋaá bá mué beébe néŋéke, bé ŋeé muúmu nyɛ́kɛ́tɛ́na a nɔɔfia nú oocó ú indusí noómi, haála ahá na múálá ne *muhémúnyi bɛsana mɔ bɛfala á bɔ́áŋa noómi. Bá ká bɔ́ bɛ́nyíáka mɔɔhɔ muéŋí ne nebutúé na nabuɔ́sɛ́ bikúlú bikime.