Lúkas 16:2 - Nomaande

² Ci ŋé muúmu lɔ́ŋɔ́kɔ, mbá cɛsɛ : “Ɛ ŋá mɛ lɔ́kɔ́máka bɛɛbɛ́ bɛ́ bɛsana oówo e nyiínyi, mi tóŋgínyi háyɛ ɔ́ ŋɔɔ́ bɛ́kɛ́lɛ́na na búámɛ bɔnɔ́mɛ, anyía ɔ tɛ kɔ́ háná ɔbá múámɛ muafa bɔnɔ́mɛ.”

Lúkas 16:2 Iomraidhean Croise

Matío 12:36

Ɛ ŋa mɛ́ banɔ́ láana ɛsɛ́ ɔ buɔ́sɛ́ bɔ́ nyɛkála, ɔɔcɔ okime káá bɛ́káláka e mehúnyi ma buála mekime emé u ŋeé hémúkúnyi a nyíáyɛ́ nyuúté.

Matío 20:8

Nanyiɔ́fɔ́, muútí esíéné ŋá laana múáyɛ́ mutákɛ́na bɔnɔ́mɛ ɔsɛ : “Lɔ́ŋɔ́kɔ bɔnyiɔnɔ bekime, beébe namáka hú náányɛ́ bɛnamá bɛ́ buɔ́sɛ́ bú buólí. Túmíne ɔnama bɔsɔ́ɔ́kɔ́ e bébú bíóndísínyi okutimine buólí, mbá e bíondísínyi ɔnama bɔsɔ́ɔ́kɔ́ a bábɔ́ cáŋa okutimine.”

Lúkas 12:20

Mbá Bandɔ́mɛsɛ́ ɔsɛ : “Yaála yɛ́ ɔɔcɔ, buutú bɔ́ hɛ́nánɔ eebu ɔ ŋɔɔ́ faŋiaka ofule. Mbá aányɛ́ u káá bá na bɛnyɛ́ma abɛ́ ɔ́ mɔɔ́ bátɛ́ákɛ́na e ?” »

Lúkas 12:42

Mbá Otéŋí ɔsɛ : « Muafa bɛnyɛ́ma o ooki a muáŋa ne injiŋé, mu nyióyísíkínyi bɛsana áŋa muafa eemu emú uuyé waáŋá káá háya ne o otétényi ciíbe ne owiínjie bɔnyiɔnɔ bé etémbí bɛnyɛ́ma bɛ́ ɔnyíá bɛ́ buɔ́sɛ́ bukime.

Lúkas 16:1

Búmɔtɛ́ buɔ́sɛ́, Yésus ŋaá laána bááyɛ́ *baákɔ́nɛ́na ɔsɛ : « Ɛnɔ́mɛ cɛ ɔɔcɔ a cɛmɔtɛ́ ŋaá bá na muafa bɔnɔ́mɛ ; baacɔ ŋé keé ciíci laána báyɛ muafa bɔnɔ́mɛ eémú ŋa cáŋɛna búáyɛ́ bɔnɔ́mɛ.

Lúkas 16:3

Mbá muafa bɔnɔ́mɛ eémú ŋé túme obíkéti e uúye ɔtɛ́má mɔsɛ : “Anyána míɔ cɔba ɔ ɔkɛlaka, háyɛ ciamɛ́ síkíne yɔ́ cɔ́ba ɔ ɔ mɛ aáŋíá e buólí e ? Ɛ tɛ ámɛ bá na makɛ́nda ma ɔnyiɔkɔ bisíéné ; yaŋɔ́ na aatɔ́ ɔlama o húlé lɛba.

Lóom 14:12

Ɛ́ɛhɛ́ ɔɔcɔ okime aá basɔ́ kóó tóŋgínyi aná Bandɔ́mɛsɛ́ úúyé olíhe ewú u ŋeé líhéke wuúci bɛ́muátá.

1 Kɔlɛ́ɛntɛ 1:11

Banɔ́, báámɛ benyíinyí, yááŋa anyíaʼo : Baacɔ bá hɛnyɛ́nɔ́ hí Kolowé ŋa ka bɔ́ mɛ́ laakɛ́na anyía tukókó má kúákɔna aanɔ́ ɛ ɛkatɛ́katɛ́.

1 Kɔlɛ́ɛntɛ 4:2

Aáná, bɔkɔ abɔ́ baacɔ ŋa bɔ́ táta anyía munyiɔnɔ a kɛláka áŋa hú anyía we bíínjie o onyíóyísínyi búáyɛ́ buólí.

1 Kɔlɛ́ɛntɛ 4:5

Ɛ́ɛhɛ́ aná, nɔtɛ cáŋa ɔkákálɛ́na ɔɔcɔ ta asana ɔ́mɔtɛ́ ekúlú tɛ́ka na ɔnyɛmana ɔ ɔkɔɔ́háma e ekúlú eyí Otéŋí a Waáŋá ká ka hálɔ́mɔ́na. Wuúci u kóó tóŋínyi a miányɛ́ bɛsana bikime, na a bɛ́áŋa i ibíne, na a bɛ́áŋa i ibíkéti cɛ́ ɛtɛ́má noómi. Aáná Bandɔ́mɛsɛ́ kéé lémbíki ɔɔcɔ okime hú naányɛ́ a nyɛnamá e nyí é wuúci nyɛmana.

2 Kɔlɛ́ɛntɛ 5:10

Yááŋa anyía basɔ́ bekime, tu ŋá sɔ́ nyɛ́mána tú ɔkɔtálɛ́mákɛ́na eé buúse bú *Kilís anyía waá basɔ́ kélísíki. Aáná u káá námaka ɔɔcɔ okime a mááyɛ́ mekilíkínyí ma bɛ́muátá, ta a mambányɛ, ta a maabɛ́.

1 Timoté 4:14

Atɛ bábɛ́na yaála yí nuubo yɛ́ Bandɔ́mɛsɛ́, yiíyi yɛ́ ŋa lɛcana ne ekúlú eyí *behémúnyi bɛsana bá Bandɔ́mɛsɛ́ ŋa bɔ́ kɔ́ɔnaka yɔ́ɔ́wɔ asana ne ekúlú eyí bekendisi hiɔ́bɔ hí belumitinine ŋa bɔ́ ɔ táláka aabá a aatɔ́ ɔ ɔ kuɔŋɔ́ sáyabɛna.

1 Timoté 5:24

Maabɛ́ ma baacɔ a bɔ́mɔtɛ́ ŋa lɛ́cana a miányɛ́ te bé ti ŋée beébe kélísi ; mbá baacɔ a bɔ́mɔtɛ́, bá ŋa nyɛmána bá ɔ cáŋa beébe kélísíki, e elime eécí bá ŋa lɛca anyía bá ŋá bɔ́ kɛ́láka bɔɔbɛ́.

1 Bíel 4:10

Bandɔ́mɛsɛ́ ŋoó boo buéŋí. U ŋoó bóosi ɔɔcɔ okime, hú naányɛ́ háyɛ u ŋeé léne oboosi. Háyɛ bɛmbányɛ bí bekendisi yaála yí nuubo yɛ́ Bandɔ́mɛsɛ́, ánɔ ɔɔ́lɔ́kɔ bɔsɔ́ɔ́kɔ́ na yaála yí nuubo eéyí.

1 Bíel 4:5

Mbá, asana ɔ́mɔtɛ́, bá ká bɔ́ bɛ́kámáka a bɛɛbɛ́ bɛ́ bɛsana eébí buɔ́sɛ́ a búmɔtɛ́ eé buúse bɔ́ Bandɔ́mɛsɛ́, anyía wáŋa hoóhi na ɔsɔ́mbɔ́tɔ́kɔ́nɛ́na na bɔɔ́sɔ ne bewéékúnénú bɛsana.

Nyɛnambɔnɛna nyɛ́ bɛsana 20:12

Ɛ ŋá lɛcá bɛlɔ́ŋɔ́ bikime e bí ŋe wéékúne, na bɛ́ *baáŋá na bɛ́ banásɛ́ áyá ; bɛ́ ma tálɛ́mákɛ́na eé buúse bɔ́ nɔkɔná. Bé ŋeé húúnéké tufule ; bé ŋeé húúné tɔ́na númɔtɛ́ nufule, nú ŋaá bá nufule nú olíhe. Bé ŋe kélísíki bɛlɔ́ŋɔ́ bikime a máábɔ́ mekilíkínyí háyɛ búáŋa buɔ́ŋɔ́kɔ́nɔ́ e tufule eétú.