Lúkas 16:16 - Nomaande

¹⁶ Bé ŋe yeékúnyíki ne *bikotí bí *Moyís ne eékúnyi cé *behémúnyi bɛsana bá Bandɔ́mɛsɛ́ ɔ ɔkɔɔ́háma a nyɛfaaya nyɛ́ Sáaŋ Batis. O otúme a nyíáyɛ́ nyɛfaaya, bé ŋe húlínyi baacɔ Ambányɛ yɛ́ Ɛsɔ́ma anyía Bandɔ́mɛsɛ́ áŋa Otéŋí a Waáŋá ; buátɛ́ bɔkɔ ɔɔcɔ okime ŋá bɛ́kɛ́ndɛ́na owoofine haála ahá Bandɔ́mɛsɛ́ áŋa.

Lúkas 16:16 Iomraidhean Croise

Matío 10:7

Ánɔ cɔcɔ́báka, nu húlé láakɛna baacɔ nɔsɛ : “Bandɔ́mɛsɛ́ a yáaŋa o otéŋínyi baacɔ.”

Matío 15:11

Tɛ́ cáŋa bɔkɔ abɔ́ ɔɔcɔ ŋá nyíá bú ŋa cáŋɛna úúyé olíhe ; eéʼeé. Mbá buhúnyi a bɔ́ ŋaá háma eeyé e nyuúté, bú húlúkúne e uúye ɔtɛ́má noómi, buúbu eébú bú ŋa cáŋɛna úúyé olíhe. »

Matío 21:32

Yááŋa anyía, Sáaŋ Batis ŋaá fááya náánɔ́, yɔ́ banɔ́ tóŋgínyi atálɛ́mánánɔ́ yí ohónyí, banɔ́ te o wuúci lumitinine ; yiíyi anyía ne betúé etéési ne bekendí bé beénjú ŋe bú lúmítíníne nyíáyɛ́ nyɛkɔɔna. Ta ayɛ́ nú ŋa nɔ́ lɛ́cáká aáná, banɔ́ ta ɔbɛ́kákálɛ́na maanɔ́ maabɛ́, anyía núénú wuúci lúmítíníne. »

Matío 3:2

« Ánɔ bɛ́kákálákɛ́na máánɔ́ maabɛ́, mbá nɔ sɔ́mba ɔkɔlɔ́ eé meéme, anyía Bandɔ́mɛsɛ́ a yáaŋa hoóhi ne otéŋgínyi baacɔ ! »

Matío 4:17

E ekúlú eéyé Yésus ŋeé túme o húle hulinyi baacɔ Ambányɛ yɛ́ Ɛsɔ́ma, u kɔɔnaka ɔsɛ : « Ánɔ bɛ́kákálákɛ́na máánɔ́ maabɛ́, mbá nɔ sɔ́mba ɔkɔlɔ́ eé meéme, anyía Bandɔ́mɛsɛ́ a yáaŋa hoóhi ne otéŋgínyi baacɔ ! »

Matío 4:23

Yésus ŋaá bá u húle á kándaka i iisí cɛ Kalilé ikime ; wé éékúnyíki a *bɛndaŋía bɛ́ ɔbɛ́cɔ́kɔ́lɛ́na bí *Besuif bí iisí ikime eécí, u hulikinyi baacɔ Ambányɛ yɛ́ Ɛsɔ́ma yí *Butéŋí bɔ́ Ɔmuaná, we ééŋúnyísíki tɔ́na baacɔ ne cííbú ɛkɔnɔ ikime na bíábɔ́ bɛfɛ́kɛ́ bikime.

Malɛ́kus 1:14

Yésus ŋeé súété a *Kalilé, u húlé húlikinyi baacɔ Ambányɛ yɛ́ Ɛsɔ́ma yɛ́ Bandɔ́mɛsɛ́. Bá ŋaá bá ɛ́cɛ bá maá hátɛna Sáaŋ, bó wuúci háya eé ciíbe cɛ ɛcaná.

Malɛ́kus 1:45

Mbá ta híáná, ɛ́makɛ́la ɔɔcɔ oócí é súété, nyitúme eényí o húle hulinyi baacɔ bɛhaála bikime asana eéyé. Yaátɛ́ asana Yésus tɛ ɔ́mɔ́ bá wu ɔ háná bítóŋgínyi a miányɛ́ a bálɛ́ka a cɛ́mɔtɛ́ ; mbá u ŋaá bá weé limekine hú a bɛhaála abɛ́ baacɔ tɛ á bá. Baacɔ ŋaá bá bábɔ́ fáakɔna nááyá, bé húlúkúne bɛhaála bikime.

Lúkas 10:11

“Tú me sú bíkiteke ofunú ú búánɔ́ bunɔŋɔ awɔ́ alábákɛ́na a cáásɔ́ akɔlɔ́, anyía nuánɔ lɔ́kɔ́ma aatɔ́ ɔlama. Ta híáná, énu menyi asana eeye bɔmbányɛ anyía : Bandɔ́mɛsɛ́ a yáaŋa hoóhi ne otéŋínyi baacɔ.”

Lúkas 10:9

énu eéŋúnyísíki bɔkɔnɔ́kɔ́nɔ bá buátɛ́ bunɔŋɔ ; mbá nu beébe laakɛna anyía : “Bandɔ́mɛsɛ́ a yáaŋa hoóhi ne otéŋínyi náánɔ́.”

Lúkas 16:29

Mbá Abɛ́laham ɔsɛ : “Bɔnɔ́ɔnyia a bɔ́ŋa ne tufule e tú ŋo tóŋínyi ne *bikotí bí *Moyís ne eékúnyi cé *behémúnyi bɛsana bá Bandɔ́mɛsɛ́, bé tuútu látákɛ́na.”

Lúkas 16:31

Mbá Abɛ́laham ɔsɛ : “Mbɔ́kɔ bá tɛ ŋá bɔ látɛ́na ne bikotí bí Moyís ne eékúnyi cé behémúnyi bɛsana, híáná bá tɛ ká bɔ́ bɛ́kákálɛ́na maabɔ́ maabɛ́, ta ɔɔcɔ á háányua e biwéewé.” »

Lúkas 9:2

U ŋeé beébe tɔ́má ne o okohúlisinyi baacɔ Bɛsana bí *Butéŋí bɔ́ Bandɔ́mɛsɛ́ ne oweéŋúnyísi bɔkɔnɔ́kɔ́nɔ.

Sáaŋ 1:45

Fílib ŋá kaá kuána Nataniɛl ; ɔsɛ nááyá : « Tua sɔáŋa na ɔɔcɔ ewú *Moyís ŋaá táŋáká yááyɛ́ asana e nufule nú bikotí; yááyɛ́ asana behémúnyi bɛsana bá Bandɔ́mɛsɛ́ ŋa bɔ́ bá bábɔ́ kɔ́ɔnaka tɔ́na. Nyíáyɛ́ nyiínyi ɛ́cɛ Yésus, ɔɔ́nɔ́ u Yɔ́sɛb, u bunɔŋɔ bɔ́ Násalɛt. »

Sáaŋ 11:48

Mbɔ́kɔ tu ŋá sɔ́ nyɛána anyía wá cɔbákána nyɛbɛ́kɛ́lɛ́na eényí ne buúse, baacɔ bekime ŋa bɔ́ cɔ́cɔbaka ɔ ɔhákɛ́na mɔŋɔlɛ́ nááyá. Eéyé abaná ambala yí *Lóom ŋa fáakɔna, yá katáka ciasɔ́ *Ciíbe cɛ Bandɔ́mɛsɛ́, yé onyímísi búásɔ́ bunɔŋɔ. »

Sáaŋ 12:19

Bɔ́mɔtɛ́ *Bafalisiɛ́ŋ laakɛna bɔsɔ́ɔ́kɔ́ báyɛ : « Tɛ́ka nu ŋa nɔ́ lɛ́ca anyía ohónyí tɛ a bá tɔ́na náásɔ́ e ? Baacɔ bekime me bú wuúci látáka ! »

Sáaŋ 5:4

anyía ekúlú ekime eyí *elilé yɛ́ bɔsɔ́ma yɛ́ Bandɔ́mɛsɛ́ ŋaá bá yaá sɔ́ɔ́ná, yó wóofine e cenjume o okonyíétínyi menyífé, ɔɔcɔ awɔ́ u ŋaá bá waá cáŋa ɔbɛ́áhɛ́na e menyífé ekúlú eyí mé me bínyíétínyi ŋaá bá wa yááŋɔ́nua, ta waá bá na nyɛnamá nyɛ́ ɔkɔnɔ nyɛ́ yaátɛ́.]

Buólí 3:18

Asana ɔ́mɔtɛ́, asana ayɛ́ Bandɔ́mɛsɛ́ ŋaá kɔ́ɔ́náka buáyá e nyuúté nyɛ́ bááyɛ́ *behémúnyi bɛsana ŋa nyɛmána yí obínyíóyísínyi aáná ; u ŋaá kɔ́ɔ́na ɔsɛ uuyé Ɔlɔtɔ́nɔ́ ŋá nyɛmána wu ɔlɔ́kɔ́máka ɔkála.