Lúkas 16:15 - Nomaande

¹⁵ Mbá Yésus ɔsɛ náábɔ́ : « Nu ŋa nɔ́ áamba anyía baacɔ á banɔ́ hiíteke háyɛ bɛtálɛ́mánánɔ́ bɛ́ baacɔ ; mbá Bandɔ́mɛsɛ́ ŋe ményi cíínú ɛtɛ́má. Yááŋa anyía bɔkɔ abɔ́ baacɔ ŋa bɔ́ lɛ́ca háyɛ bɔmbányɛ ɔ ɔhɔla, Bandɔ́mɛsɛ́ ŋeé buúbu lɛca háyɛ bɔɔbɛ́ ɔ ɔhɔla.

Lúkas 16:15 Iomraidhean Croise

Matío 23:5

A bɛsana bikime abɛ́ bá ŋa bɔ́ kɛla, bá ŋa bɔ́ áamba anyía baacɔ é beébe lɛcáka ; aáná bé ŋe bú bísúŋe bɛandándá bɛ́ bɛkáŋá bí bikélékéti bí tufule tɔ́ Bandɔ́mɛsɛ́, na a tɔbɔlɔ na a aabá ; bé ŋe bú céhisi *tubéŋú tɔ́ bíábɔ́ bɛlaŋa bɛ́ ɔbɛ́cɔ́kɔ́lɛ́na.

Matío 6:16

« Ekúlú ekime eyí nú ŋe nú bíkíilie ɔnyíá, nuti sulúbúéke i iŋetí cɛ baacɔ bá tɔbɛ́mbɛ túfendí ; bé ŋe bú súŋe meése anyía bébú tóŋgínyi bɔmbányɛ baacɔ anyía bé me bú bíkíilieke ɔnyíá. Aá taaká ɛ ŋa mɛ́ banɔ́ laana anyía bíábɔ́ bɛnamá eébí bé ŋe bú hiíte aáná.

Matío 6:2

Ekúlú eyí o ŋoó wiínjie ɔsɔ́kásɔ́ka bɔkɔ o o wuúci ɔɔ́lɛ́ta, atɛ cáŋa súbéke hikóló i iŋetí cɛ baacɔ bá tɔbɛ́mbɛ túfendí anyía baacɔ bekime é menyí. Bá náŋa bábɔ́ kɛ́laka aáná na a *bɛndaŋía bɛ́ ɔbɛ́cɔ́kɔ́lɛ́na bí *Besuif noómi ne i ihényí anyía baacɔ é beébe íínjíékíne nuúmi. Ɛ ŋa mɛ́ banɔ́ láana aá taaká ɛsɛ́, bíábɔ́ bɛnamá eébí bé ŋe bú híite aáná.

Matío 6:5

« Ekúlú ekime ayɛ́ nu ŋa nɔ́ bɛ́cɔ́kɔ́lɛ́na, nɔtɛ hɔ́áka baacɔ bá tɔbɛ́mbɛ túfendí, beébe bá naŋa bébú lénéke ɔbɛ́cɔ́kɔ́lɛ́na Bandɔ́mɛsɛ́ ɛndánáka na a *bɛndaŋía bɛ́ ɔbɛ́cɔ́kɔ́lɛ́na bí *Besuif na a maabána me ihényí anyía baacɔ é beébe lɛcáka. Ɛ ŋa mɛ́ banɔ́ láana aá taaká anyía bíábɔ́ bɛnamá eébí bé ŋe bú híite aáná.

Lúkas 10:29

Mbá muékúnyi bikotí eémú ŋaá bá máa yáambaka otóŋínyi anyía muáŋa atálɛ́mánánɔ́ yɛ́ ɔɔcɔ ; aáná mu ŋá batá Yésus mɔsɛ : « Aányɛ́ wáŋa sɔ́ɔ́kɔ́ e ? »

Lúkas 11:39

Ɛ́makɛ́la Otéŋí a Waáŋá é menyi aáná, mbá ɔsɛ nááyá : « Na kuɔŋɔ́ na bɔlɔ́ɔwɔ Bafalisiɛ́ŋ, nu ŋe nú fúúmínyi elime cɛ na amúánɛ́ná na anyíáná, mbá cíínú ɛtɛ́má áŋa inyíóyókónú ne ibíkéti cí ne buébi na nyɛŋána.

Lúkas 18:11

Ɔɔcɔ u Bafalisiɛ́ŋ ŋaá tálɛ́mɛ́na ɛndánáka náányia, u bɛ́cɔ́kɔ́lɔ́kɛ́na ɔsɛ : “Kuɔŋɔ́ Bandɔ́mɛsɛ́, i ŋe mí o wiínjie bitéŋíti anyía ɛ tɛ ámɛ bá háyɛ baacɔ a bɔ́mɔtɛ́ e bé ŋe bú eebe, bá tɛ ábɔ́ bá bɛtálɛ́mánánɔ́ bɛ́ baacɔ, bá kándáka tusɔmɔ ; ɛ tɛ ámɛ bá háyɛ mutúé etéési eemu.

Lúkas 18:14

Ɛ ŋa mɛ́ banɔ́ láana anyía ɔɔcɔ oócí ŋaá hámá eé Ciíbe cɛ Bandɔ́mɛsɛ́ ɛ́cɛ wa yáaŋa atálɛ́mánánɔ́ yɛ́ ɔɔcɔ eé buúse bɔ́ Bandɔ́mɛsɛ́, mbá yɛ́ tɛ ɔ́mɔ bá aáná ná ɔɔcɔ u Bafalisiɛ́ŋ. Yááŋa anyía ɔɔcɔ okime ewú u ŋe bíbééti, Bandɔ́mɛsɛ́ kéé wuúci loosi, ɔɔcɔ okime ewú u ŋé bílóosi, Bandɔ́mɛsɛ́ kéé wuúci bééti. »

Lúkas 18:21

Mbá ɔɔcɔ ɔsɛ : « Ya mɛ́ŋa ɔlátákɛ́nánɔ́ bikotí eébí bikime o otúme aámɛ a bunɔ́sɛ́. »

Lúkas 18:9

Baacɔ a bɔ́mɔtɛ́ ŋa bɔ́ bá bébú bíkétíki anyía bá bɔ́ŋa bɛtálɛ́mánánɔ́ bɛ́ baacɔ, bá lɛ́caka anyía bɔsɔ́ɔ́kɔ́ tɛ ábɔ́ bá ta bɔkɔ ; Yésus ŋé beébe túmíne ɛnjaba eeci, ɔsɛ :

Lúkas 20:20

Ɛ́ɛhɛ́ bé ŋe bú túmé o wuúci tékítéki ; bá ŋá tɔ́mɔ́kɔ́na tuféfí a tɔ́ ŋaá bá túé bíhíiteke háyɛ bɛtálɛ́mánánɔ́ bɛ́ baacɔ ɔ ɔbɛ́tɔ́ɔ́lɛ́na Yésus, bó wuúci kúfítínyi na ɛmbataka a cɛ́mɔtɛ́. Bá ŋa bɔ́ bá bábɔ́ áambaka ohónyí wú o wuúci iínjie ná kɔ́mɛ́na, wé wuúci hatɛ́na, bé wuúci kélísíki.

Lúkas 20:47

Bá ŋa bɔ́ hɔ́ɔnɔ bisíké bí beénjú bíábɔ́ bɛnyɛ́ma, bé céhisiki ɔbɛ́cɔ́kɔ́lɛ́na anyía baacɔ ébú beébe kékéke. Bandɔ́mɛsɛ́ kéé beébe kélísíki na nyɛŋána ɔ ɔhɔla nyɛnamá enyí u kéé kélísíki bɔsɔ́ɔ́kɔ́ bé etémbí. »

Sáaŋ 2:25

U ŋaá bá u tɛ caŋa á yáámba anyía bé wuúci laakɛ́na olíhe ú baacɔ, anyía u ŋaá bá weé ményukune bɔkɔ bukime a búáŋa e cííbú ɛtɛ́má noómi.

Sáaŋ 21:17

U ŋá batɔ́tɔ́na e bikúlú bɛ́tátɔ́, ɔsɛ : « Símon, ɔɔ́nɔ́ u Sáaŋ, o ŋoó mi léne e ? » Bíel yɔ́ lɔ́kɔ́ma ɔtɛ́má ɔnua anyía Yésus meé wuúci bata ɛmbataka e bikúlú bɛ́tátɔ́ ɔsɛ : « O ŋoó mi léne e ? » Mbá ɔsɛ : « Otéŋí a Waáŋá, o ŋoó menyi bɛsana bikime ; o ŋoó menyi anyía i ŋe mí o léne. » Mbá Yésus ɔsɛ : « Sókóbíki cíími ɛtɔ́mbá.

Buólí 1:18

(Ɔɔcɔ oócí ŋa kɛ́láka aabɛ́ yɛ́ asana, bé ŋé wuúci náma mɔɔnyɛ́ ; u ŋe meéme ɔɔ́ndɛ́na esíéné. E esíéné eéyé ú ŋga kúákɔ́na ne buúse, buŋime ŋɔ́ bɔɔlia, túáyɛ́ tɔɔna ŋá hámɔ́kɔ́na, u ŋé wé.

Buólí 1:24

Bá ŋá bɛ́cɔ́kɔ́lɔ́kɛ́na Bandɔ́mɛsɛ́ báyɛ : « Otéŋí a Waáŋá, kuɔŋɔ́ o ŋoó menyi ɛtɛ́má cɛ́ baacɔ bekime ; ɔ́ɔ basɔ́ tóŋínyi bɔmbányɛ aányɛ́ ɔ́ mɔɔ́ táfa e bífendí bɛ́ baacɔ eebe,

Buólí 15:8

Aáná Bandɔ́mɛsɛ́, Mumenyi ɛtɛ́má cɛ́ baacɔ, ŋeé tóŋínyi anyía ú me beébe káha, ɛ́ɛhɛ́ ú me beébe iínjie tɔ́na *Efúúménénú yí Elilé háyɛ ú ŋaá basɔ́ iínjíé.

Lóom 3:20

Yaátɛ́ asana yááŋa anyía Bandɔ́mɛsɛ́ tɛ káá kɛla anyía ta ɔɔcɔ ɔmɔtɛ́ á bá ɔtálɛ́mánánɔ́ eeyé eé buúse a nyɛlátɛ́na anyɛ́ u ŋa látɛ́na bikotí. Yááŋa anyía bikotí ŋo tóŋínyi bú tóŋínyi baacɔ anyía bé menyukune maabɔ́ maabɛ́.

Lóom 8:27

Aáná Bandɔ́mɛsɛ́, Mubúlúne ɛtɛ́má cɛ́ baacɔ, ŋé ményi tɔ́na aátɛ́ Elilé ŋa yaámba ɔbata, anyía Elilé ŋa bɛ́cɔ́kɔ́lɛ́nɛ́na baacɔ bá Bandɔ́mɛsɛ́ a nyɛnamá enyí bú ŋeé wuúci bíléníne.

1 Kɔlɛ́ɛntɛ 4:5

Ɛ́ɛhɛ́ aná, nɔtɛ cáŋa ɔkákálɛ́na ɔɔcɔ ta asana ɔ́mɔtɛ́ ekúlú tɛ́ka na ɔnyɛmana ɔ ɔkɔɔ́háma e ekúlú eyí Otéŋí a Waáŋá ká ka hálɔ́mɔ́na. Wuúci u kóó tóŋínyi a miányɛ́ bɛsana bikime, na a bɛ́áŋa i ibíne, na a bɛ́áŋa i ibíkéti cɛ́ ɛtɛ́má noómi. Aáná Bandɔ́mɛsɛ́ kéé lémbíki ɔɔcɔ okime hú naányɛ́ a nyɛnamá e nyí é wuúci nyɛmana.

1 Bíel 3:4

Mbá ánɔ aambáka nyɛnɔ́kɔ́ nyɛ́ ɔtɛ́má ; nyiínyi nyɛ́ tɛ ŋá mána, anyía nyí ŋeé húle e cíínú ɛtɛ́má noómi a cɛ́áŋa mbuumu, ciíci isiotóto. Nyɛnɔ́kɔ́ eényí tɛ ŋá cáŋía ta buɔ́sɛ́, nyɛ́áŋa ambányɛ yɛ́ bɔkɔ e yí ŋeé bíléníne Bandɔ́mɛsɛ́ ɔ ɔhɔla bɔkɔ bukime.

1 Bíel 5:5

Híáná tɔ́na, banɔ́, na bɛnɔ́kɔ́ na babɔ́la, ánɔ lɔ́kɔ́mákɛ́na *bekendisi belumitinine a cáánɔ́ oóndímínyínyi cá mɔɔ́sɛ́ mekime, nu bílóósíki, nɔ nyiɔkɛna bɔsɔ́ɔ́kɔ́ anyía yááŋa yɔɔ́ŋɔ́kɔ́nɔ́ anyía : « Bandɔ́mɛsɛ́ tɛ á bá elime na baacɔ e bé ŋe bú bíbééti. Mbá u ŋoó bóosi baacɔ e bé ŋe bú bílóósi eeyé eé buúse. »

Nyɛnambɔnɛna nyɛ́ bɛsana 2:23

Ɛ ká mɛ́ mana ɔwɔɔ́nɔ́kɔ hú táákɔ bááyɛ́ baáná ananyía tuɔ́bɔ tú belumitinine tukime e menyukune anyía yaŋɔ́ i ŋeé mi búlúne na ɛbɛ́táá, na bɛsana a bɛ́ ŋa hámɛ́na baacɔ ɛ ɛtɛ́má noómi. Ɛ ká mɛ́ namaka ɔɔcɔ okime a nyɛnamá nyɛ́ maayɛ́ monyiókínyí.