Lúkas 16:13 - Nomaande

¹³ Ta munyiɔnɔ mumɔtɛ́ tɛ á bá mu ɔnyiɔkɛna síkíne cí moólí mefendí ; anyía mu ké búle é léne a cɛmɔtɛ́, mu lénéke eécí a cɛmɔtɛ́ ɔ ɔhɔla ; ta anyía mu ké búle á bábɛ́na síkíne a cɛmɔtɛ́, mu lɔ́kɔ́mákɛ́na eécí a cɛmɔtɛ́. Nu tɛ anɔ́ bá nu ɔhákɛ́nɛ́na bɔkɔ búmɔtɛ́ na Bandɔ́mɛsɛ́ na bɔnɔ́mɛ bɔ́ ɔmɛsɛ́ ooci. »

Lúkas 16:13 Iomraidhean Croise

Matío 4:10

Mbá Yésus ɔsɛ : « Hatɔ́na eémi eé buúse, *Sátan, anyía Ciɔɔ́ŋɛ́ cɛ́ Bandɔ́mɛsɛ́ ŋa kɔ́ɔna cɛ́sɛ : “Nyémíki Otéŋí a Waáŋá, ciɔwɔ Bandɔ́mɛsɛ́, mbá é wuúci nyiɔkɛna buólí hú wááyá bímuócí.” »

Matío 6:24

« Ta munyiɔnɔ mumɔtɛ́ tɛ á bá mu ɔnyiɔkɛna síkíne cí buólí ífendí, anyía keyé u ké búle é léne eeci, u lénéke ecinyíé ɔ ɔhɔla ; ta anyía keyé u ké búle á bábɛ́na síkíne eeci, u lɔ́kɔ́mákɛ́na ecinyíé. Nu tɛ anɔ́ bá nú ɔhákɛ́nɛ́na bɔkɔ búmɔtɛ́ na Bandɔ́mɛsɛ́ na bɔnɔ́mɛ bɔ́ ɔmɛsɛ́ ooci.

Lúkas 11:23

Ɛ́ɛhɛ́ ɔɔcɔ awɔ́ u tɛ á bá na yaŋɔ́ ŋeé mí nuusi, ɔɔcɔ awɔ́ u tɛ ŋáa bánda na yaŋɔ́ ŋa sása.

Lúkas 14:26

« Mbɔ́kɔ ɔɔcɔ ŋá faáya náámɛ anyía wá bámɔ́kɔ́na muamɛ́ *muákɔ́nɛ́na, u ŋá nyɛmána wu o mi lénéke ɔ ɔhɔla na ciayɛ́ síkíne na ciayɛ́ iinyí, ne uuyé oónyí na bááyɛ́ baáná, na bááyɛ́ benyíinyí na a banɔ́mɔcɔ́ ne e beénjú, u mi lénéke ɔ ɔhɔla te úúyé olíhe ú bɛ́muátá. Mbɔ́kɔ u tɛ ŋáa kɛla aáná, u tɛ á bá wu ɔbámɔ́kɔ́nɛ́na muamɛ́ muákɔ́nɛ́na.

Lúkas 16:12

Mbɔ́kɔ nu tɛ ɔ́mɔ́ nɔ́ bɛ́kɛ́lɛ́na bɔmbányɛ bɛnyɛ́ma bɛ́ bɔsɔ́ɔ́kɔ́, báányɛ́ bá káá banɔ́ iínjíékíne bíánɔ́ bɛnyɛ́ma e ?

Lúkas 16:9

Ɛ ŋa mɛ́ banɔ́ láana isíʼo : Ánɔ tákáka mekendinyi, nɔ bɛ́kɛ́lákɛ́na maŋaŋa ma ɔmɛsɛ́ ooci a mááŋa maabɛ́, anyía ekúlú ayɛ́ ma káá mana, Bandɔ́mɛsɛ́ káá banɔ́ káha bɔmbányɛ aáyá a bunɔŋɔ e bú kéé líhéke ekúlú ekime.

Lúkas 9:50

Mbá Yésus ɔsɛ : « Nuti wuúci sáŋɔ́nɛ́na ɔkɛla aáná. Yááŋa anyía ɔɔcɔ awɔ́ u tɛ ŋáa banɔ́ núúsi áŋa na banɔ́. »

Sáak 4:4

Banɔ́ bakanda tusɔmɔ eebe ! Nu ŋe nú ményi bɔmbányɛ anyía ɔɔcɔ awɔ́ á táka bukendinyi na bɛsana bɛ́ ɔmɛsɛ́ áŋa muliŋine mɔ Bandɔ́mɛsɛ́. Aáná ɔɔcɔ okime awɔ́ u ŋa látɛ́na bɛsana bɛ́ ɔmɛsɛ́ a yáaŋa oliŋine Bandɔ́mɛsɛ́.