Lúkas 16:11 - Nomaande

¹¹ Mbɔ́kɔ nu tɛ ɔ́mɔ́ nɔ́ bɛ́kɛ́lɛ́na bɔmbányɛ aná na buŋaŋa bɔ́ ɔmɛsɛ́ a búáŋa bɔɔbɛ́, ta ɔɔcɔ tɛ káá banɔ́ iínjíe taaká cɛ buŋaŋa.

Lúkas 16:11 Iomraidhean Croise

Matío 6:24

« Ta munyiɔnɔ mumɔtɛ́ tɛ á bá mu ɔnyiɔkɛna síkíne cí buólí ífendí, anyía keyé u ké búle é léne eeci, u lénéke ecinyíé ɔ ɔhɔla ; ta anyía keyé u ké búle á bábɛ́na síkíne eeci, u lɔ́kɔ́mákɛ́na ecinyíé. Nu tɛ anɔ́ bá nú ɔhákɛ́nɛ́na bɔkɔ búmɔtɛ́ na Bandɔ́mɛsɛ́ na bɔnɔ́mɛ bɔ́ ɔmɛsɛ́ ooci.

Lúkas 12:33

« Énu túéke bíánɔ́ bɛnyɛ́ma, mbá nu iínjíékíne mɔɔnyɛ́ eémé ná basɔ́kásɔ́ka. Ánɔ bámɔ́kɔ́na na bɛmbalá a bɛ́ tɛ ŋɔ́ɔ́ bɔ́lɛa, ánɔ bándáka bɔnɔ́mɛ a Bunɔŋɔ bɔ́ Bandɔ́mɛsɛ́, haála ahá bú tɛ káá mána, beébi tɛ kaáháma o oweébe, nyɛnyía ti buúbu nyíá.

Lúkas 16:12

Mbɔ́kɔ nu tɛ ɔ́mɔ́ nɔ́ bɛ́kɛ́lɛ́na bɔmbányɛ bɛnyɛ́ma bɛ́ bɔsɔ́ɔ́kɔ́, báányɛ́ bá káá banɔ́ iínjíékíne bíánɔ́ bɛnyɛ́ma e ?

Lúkas 16:9

Ɛ ŋa mɛ́ banɔ́ láana isíʼo : Ánɔ tákáka mekendinyi, nɔ bɛ́kɛ́lákɛ́na maŋaŋa ma ɔmɛsɛ́ ooci a mááŋa maabɛ́, anyía ekúlú ayɛ́ ma káá mana, Bandɔ́mɛsɛ́ káá banɔ́ káha bɔmbányɛ aáyá a bunɔŋɔ e bú kéé líhéke ekúlú ekime.

Lúkas 18:22

Ɛ́makɛ́la Yésus á lɔ́kɔ́má aáná, mbá ɔsɛ : « Asana a yɛ́mɔtɛ́ áŋa hɔ́á a yɔ́ nyɛmána wu ɔkɛlaka tɔ́na : Túéke bɛnyɛ́ma bikime abɛ́ ɔ ɔ́ŋa ne biíbi, mbá aafakɛna mɔɔnyɛ́ ná basɔ́kásɔ́ka, aáná ɔ kɔ́ɔ́ bá na bɔnɔ́mɛ a Bunɔŋɔ bɔ́ Bandɔ́mɛsɛ́ ; mbá á faaya, e búle mɛ látɛ́na. »

Ɛfɛ́ɛsɛ 3:8

Yaŋɔ́ ooci awɔ́ ɛ tɛ amɛ́ bá ta bɔkɔ eé buúse bú belumitinine bekime ; ta híáná, Bandɔ́mɛsɛ́ ŋeé mi boósíki, yɔ́ mɛ táfa anyía yémí hulíkínyi baacɔ a bá tɛ ábɔ́ bá Besuif Ambányɛ yɛ́ Ɛsɔ́ma yí injibí a yɛ́ a hɔ́la ; yí ŋeé húle né Kilís.

Sáak 2:5

Benyíinyí bá ɔtɛ́má, yááŋa anyíaʼo, Bandɔ́mɛsɛ́ ŋaá táfáka eebe a bá bɔ́ŋa tɔsɔ́kásɔ́ka eé buúse bɔ́ baacɔ bá ɔmɛsɛ́ ooci anyía bábɔ́ bámɔ́kɔ́nɛ́na ɛnɔ́mɛ o olumitinine eeyé eé buúse, mbá bé oofine eeyé e Butéŋí abɔ́ u ŋaá bɛ́tánɛ́ná baacɔ e bé ŋé bú wuúci léne.

Nyɛnambɔnɛna nyɛ́ bɛsana 3:18

Yaátɛ́ asana i ŋe mí o lébe anyía faáya kɔ ɔɔ́ndɔ́ náámɛ kóolo ecí oocó me fúúmínyi ; aáná ɔ kɔ́ɔ́ bá taaká cɛ ɛnɔ́mɛ cɛ ɔɔcɔ. Kɔ́ ɔɔ́ndɔ́ tɔ́na bɛlaŋa e bifúlúndúndúé, biíbi laŋába aá cɛɛ́tɔ anyía a tɛ háná lɔ́kɔ́ma aatɔ́ ɔlama e úúwu onuti etémbí. Kɔ́ ɔɔ́ndɔ́ tɔ́na bɔkanyɛ́ bú obícébíkínyi e eése anyía ɔ háná ɔ lɛcakana.