Lúkas 16:10 - Nomaande

¹⁰ Mbɔ́kɔ ɔɔcɔ ŋa bɛ́kɛ́lɛ́na bɔmbányɛ a tɔsanasáná, wáŋa wu ɔbɛ́kɛ́lákɛ́na tɔ́na bɔmbányɛ a bɛandándá bɛ́ bɛsana ; mbá mbɔ́kɔ ɔɔcɔ ŋa bɛ́kɛ́lɛ́na bɔɔbɛ́ a tɔsanasáná, wáŋa wu ɔbɛ́kɛ́lákɛ́na tɔ́na bɔɔbɛ́ a bɛandándá bɛ́ bɛsana.

Lúkas 16:10 Iomraidhean Croise

Matío 24:45

« Munyiɔnɔ a muáŋa ne injiŋé, u nyíóyísíkínyi bɛsana, áŋa munyiɔnɔ eemu emú uuyé waáŋá ŋe wuúci télímínyi ne o otétényi ciíbe ne o owiínjie bɔnyiɔnɔ bé etémbí bɛnyɛ́ma bɛ́ ɔnyíá hí e bikúlú a bɛ́ á nyɛ́mana.

Matío 25:21

Uuyé waáŋá ɔsɛ : “Ɛ́hɛ́ɛ, bɔmbányɛ ! Ɔ ɔ́ŋa ambányɛ yɛ́ munyiɔnɔ mɔ mɔŋɔlɛ́. Ahá ó moó mi tóŋínyi anyía ɔ ɔ́ŋa ɔɔcɔ u mɔŋɔlɛ́ a tɔnyɛ́mányɛ́ma, i ŋe mí o télímíkínyi mutéŋínyi mɔ bɛnyɛ́ma biéŋí. Bílénéke aaha na yaŋɔ́ʼo.”

Matío 25:23

Mbá waáŋá ɔsɛ : “Ɛ́hɛ́ɛ, bɔmbányɛ ! Ɔ ɔ́ŋa ambányɛ yɛ́ munyiɔnɔ mɔ mɔŋɔlɛ́. Ahá ó moó mi tóŋínyi anyía ɔ ɔ́ŋa ɔɔcɔ u mɔŋɔlɛ́ a tɔnyɛ́mányɛ́ma, i ŋe mí o télímíkínyi mutéŋínyi mɔ bɛnyɛ́ma biéŋí. Bílénéke aaha na yaŋɔ́ʼo.”

Lúkas 19:17

Mbá ɔsɛ nááyá : “Ɛ́hɛ́ɛ, bɔmbányɛ ! Ɔ ɔ́ŋa ambányɛ yɛ́ munyiɔnɔ, anyía ó moó tétényíki bɔmbányɛ tɔnyɛ́mányɛ́ma, í me mí o bééti kɔ́mɛ́na cɛ bálɛ́ka cíɔ́hátá.”

Sáaŋ 12:6

U ŋaá bá u tɛ á kɔ́ɔ́na aáná anyía u ŋaá bá waá bɛ́ákákɛ́na a asana yɛ́ basɔ́kásɔ́ka, mbá anyía u ŋaá bá weébi. Háyɛ u ŋaá bá mutétényi hikóló, u ŋaá bá waá nyíáka nyɛnamá aá mɔɔnyɛ́ amá bá ŋaá bá bá hákɛ́na noómi.

Sáaŋ 13:2

Yésus ŋaá bá ɔ ɔnyíá ú nanyiɔ́fɔ́ na bááyɛ́ *baákɔ́nɛ́na, ɛ́cɛ Musɔ́mɛ́na ne meé yoósíkínyi Yútas Iskaliót, ɔɔ́nɔ́ u Símon, o ofiimbie Yésus.

Sáaŋ 13:27

Hú e nyihiite enyí Yútas ŋeé hiíte abákɛ yí eléti eéyé, *Sátan nyiofine o owoofine eényí e úúyé ɔtɛ́má. Mbá Yésus ɔsɛ nááyá : « Bɔsɔ́ma abɔ́ ɔ nyɛmana wu ɔkɛlaka, buúbu kɛláka fiaŋɔ ! »

Ebélé 3:2

U ŋeé bíínjíé buéŋí eé buólí abɔ́ Bandɔ́mɛsɛ́ ŋeé wuúci iínjíé háyɛ *Moyís ŋeé bíínjíé ɔ ɔnyiɔ ɛ ɛkatɛ́katɛ́ cɛ baacɔ bá Bandɔ́mɛsɛ́ bekime.