Lúkas 15:22 - Nomaande

²² Mbá síkíne ŋaá laana bááyɛ́ bɔnyiɔnɔ ɔsɛ : “Énu tényí héléne ambányɛ́kɛ́ yɛ́ bɔlaka, énu wuúci laŋá ; énu wuúci háya tɔ́na na nɔbánda a hɛnɔɔ́nɔ́ na bɛkandɛ́na a akɔlɔ́.

Lúkas 15:22 Iomraidhean Croise

Lúkas 15:21

Mbá ɔɔ́nɔ́ ɔsɛ : “Taatá, ya mɛ́ŋa ɔkɛlákánɔ́ na Bandɔ́mɛsɛ́ na kuɔŋɔ́ bɔɔbɛ́ ; ɛ tɛ ámɛ bá wu ɔ háná bɛ́lɔ́ŋɛ́ta anyía uuwe ɔɔ́nɔ́.”

Lúkas 15:23

Énu héléne ɔɔ́nɔ́ u káwɔ a wɔtɔ́lɔ́kɔ́nɔ́, ánɔ ɔ́ɔ́nɔ ; túé bílénéke, túá nyíáka,

Lóom 13:14

Énu hiíte Otéŋí a Waáŋá Yésus aá cɛɛ́tɔ háyɛ buléfényi ; nɔtɛ bɛ́nyɛ́ána anyía bɛsana bí imehú á banɔ́ hámɔ́kɔ́na ɛ ɛtɛ́má noómi.

Lóom 3:22

Bandɔ́mɛsɛ́ ŋaá kɛ́la anyía baacɔ á bámɔ́kɔ́na bɛtálɛ́mánánɔ́ bɛ́ baacɔ eeyé eé buúse yáaŋa anyía bá ŋa bɔ́ háya mɔŋɔlɛ́ né Yésus *Kilís ; asana eéyé ŋa lɛca baacɔ bekime e bé ŋe bú lumitinine, nyɛálɔ́nána tɛ á bá ɛ ɛkatɛ́katɛ́ cɛ baacɔ.

Lóom 8:15

Yááŋa anyía Bandɔ́mɛsɛ́ tɛ ɔ́mɔ́ banɔ́ iínjie elilé a yɛ́ ŋaá banɔ́ tíŋe bɛɔ́lɛ́, yɛ́ banɔ́ cɔ́bakana tɔ́na e bulíkílíki, mbá u ŋaá banɔ́ iínjie Elilé a yɛ́ ŋaá banɔ́ céŋísi bááyɛ́ baáná bá ɔfana, anyía e Elilé eéyé tu ŋa sɔ́ kɔɔna okelú ɔ ɔmuaná anyía « Ába » ɛ́cɛ anyía « Taatá ! »

Kalasi 3:27

A asana eyí nu ŋe nú bíótókíne, nua nɔ́ŋa e nyimónjóló ne wuúci. Aámbáya nua nuáŋa o olíhe i iŋetí ci Kilís bɛ́muátá.

Ɛfɛ́ɛsɛ 6:15

Nyíánɔ́ nyibíínjie e nyiwééné o ohulinyi baacɔ Ambányɛ yɛ́ Ɛsɔ́ma yí bumbénú á bámɔ́kɔ́na háyɛ bɛkandɛ́na abɛ́ nú ma nɔ́ bɛ́hákɛ́na a akɔlɔ́.

Nyɛnambɔnɛna nyɛ́ bɛsana 19:8

Bé ŋeé yiínjie oónjú oócí makɛ́nda ma ɔlaŋaba ambányɛ́kɛ́ yɛ́ bɔlaka e bufúlúndúndúé hú falándándá, bú manyɛmaka. » Ambányɛ́kɛ́ yɛ́ bɔlaka eébú ŋoó tóŋínyi bɛmbányɛ́kɛ́ bɛ́ abɛ́kɛ́lɛ́na a catálɛ́mánánɔ́ cá baacɔ bá Bandɔ́mɛsɛ́.

Nyɛnambɔnɛna nyɛ́ bɛsana 2:17

Ɔɔcɔ a wáŋa ne eetú cá ɔlɔ́kɔ́máka á lɔ́kɔ́máka aátɛ́ Elilé ŋá laana baacɔ bá tuɔ́bɔ tú belumitinine *Kilís : I ké mí iínjie muyáka mukime bɛnyɛ́ma bɛ́ ɔnyíá abɛ́ bɔ́ ŋɔɔ́ lɔ́ŋɔ anyía máana, biíbi bɛnambánɔ́ ; míɔ háná muúmu iínjie yoomí yɛ́ nyɛndányɛ́ e nyifúlúndúndúé ayɛ́ bɔ́ mɔ yɔɔ́ŋɔ́kɔ yɔɔ́sɔɔ́sɔ yí nyiínyi hɔ́á ; nyiínyi ta ɔɔcɔ ti ŋé menyi, ɛ́ tɛ ŋáa bá hú ooci ewú bé wuúci iínjie.” »

Nyɛnambɔnɛna nyɛ́ bɛsana 3:18

Yaátɛ́ asana i ŋe mí o lébe anyía faáya kɔ ɔɔ́ndɔ́ náámɛ kóolo ecí oocó me fúúmínyi ; aáná ɔ kɔ́ɔ́ bá taaká cɛ ɛnɔ́mɛ cɛ ɔɔcɔ. Kɔ́ ɔɔ́ndɔ́ tɔ́na bɛlaŋa e bifúlúndúndúé, biíbi laŋába aá cɛɛ́tɔ anyía a tɛ háná lɔ́kɔ́ma aatɔ́ ɔlama e úúwu onuti etémbí. Kɔ́ ɔɔ́ndɔ́ tɔ́na bɔkanyɛ́ bú obícébíkínyi e eése anyía ɔ háná ɔ lɛcakana.

Nyɛnambɔnɛna nyɛ́ bɛsana 6:11

Aáná bá ŋa láŋáka baacɔ eébé bekime kaba e cifúlúndúndúé, bé ŋe beébe laana báyɛ : « Énu eéhínyínyi, ánɔ tátɛ́ta butíkítíki anyía ɔmbana ú baacɔ á nyɛmána. Yááŋa anyía bá ŋa nyɛmána bá ɔ cáŋa ɔɔ́nɔ́kɔ na báánɔ́ benyíinyí bé olumitinine na bíámɛ bikendinyi bí buólí háyɛ bá ŋaá banɔ́ ɔ́ɔ́nɔ́kɔ́. »

Nyɛnambɔnɛna nyɛ́ bɛsana 7:9

E elime eécí, ɛ ŋa háná ámɛ́ lɛca yaandándá yɛ́ bɔnɔnja bɔ́ baacɔ, baacɔ beéŋí a nyɛnamá anyɛ́ ta ɔɔcɔ tɛ ɔ́mɔɔ́ bá na makɛ́nda ma ɔfanaka. Bé ŋe bú húlúkúne na ɔ mɔnɔŋɔ mekime, na a tɔnyɛ́nɔ́ tukime, ne e ekúli ekime, na ɛ ɛtáŋa ikime. Bá ŋa bɔ́ tálɛ́mákɛ́na eé buúse na bɔ́ nɔkɔná na bɔ́ Ɔɔ́nɔ́ u Ɛtɔ́mbá. Bekime ŋa bɔ́ bá balaŋábákánɔ́ kaba e cifúlúndúndúé, bekime meé tímbíéke bɛcala a aabá bí o wuúci nyemikinyi.