Lúkas 14:21 - Nomaande

²¹ A nyíáyɛ́ nyɛkahálɔ́mɔ́na, munyiɔnɔ ŋá laakɛna muútí ooki bɛsana bikime. Aáná hilóbi ŋeé muúmu tímbíé. Mu ŋá laana muayɛ́ munyiɔnɔ mɔsɛ : “Tényí cɔ́ba i ihényí cɛ́ bunɔŋɔ, haála ahá baacɔ áŋa ; hélékénéne na basɔ́kásɔ́ka, na baacɔ bá bɛnamɛ́tɛ́, ne bendíméndíme, na baacɔ e bé ŋe bú síndólo.”

Lúkas 14:21 Iomraidhean Croise

Matío 11:28

Ánɔ faákɔ́na náámɛ, banɔ́ bekime abá nua nɔ́ŋa bɔtɔmbɔ́kɔ́nɔ́, banɔ́ tɔ́na na malamɔ́, ɛ ká mɛ́ banɔ́ iínjíékíne ehélúme.

Matío 11:5

Bendíméndíme ŋa bɔ́ lɛ́cana, baacɔ e bé ŋe bú síndólo kandaka bɔmbányɛ, beénuúnu aáŋɔ́núaka, bɔndɔ́kɔ́ndɔ́kɔ lɔ́kɔ́mákána, biwéewé háányuaka, basɔ́kásɔ́ka lɔ́kɔ́máka Ambányɛ yɛ́ Ɛsɔ́ma.

Matío 15:12

Baákɔ́nɛ́na ŋe bú bíkósíti, mbá báyɛ nááyá : « O ŋoó menyi anyía *Bafalisiɛ́ŋ ŋa bɔ́ lɔ́kɔ́ma bɔɔbɛ́ ɔ ɔtáŋa awɔ́ ɔ́ mɔɔ́ táŋáka e ? »

Matío 18:31

Ɛ́makɛ́la bɔsɔ́ɔ́kɔ́ bɔnyiɔnɔ ábɔ́ lɛ́cáká aáná, cííbu ɛtɛ́má ŋé beébe nuáka buéŋí ; bá ŋgá láákɛ́na úúbú waáŋá u buólí bɛsana bikime a bɛ́ ŋa bɛ́kɛ́láka.

Matío 20:7

Mbá báyɛ nááyá : “Yááŋa anyía ta ɔɔcɔ tɛ ɔ́mɔɔ́ basɔ́ híite e buólí.” Mbá ɔsɛ náábɔ́ : “Banɔ́ tɔ́na, ánɔ kɔ nyiɔ́kɔ eémí e esíéné.”

Lúkas 14:13

Mbá énu menyi anyía ekúlú ayɛ́ ɔ ŋɔɔ́ kɛ́la bɔŋanda, lɔ́ŋɔ́kɔ na basɔ́kásɔ́ka, na baacɔ bá bɛfɛ́kɛ́, ne eebe e bé ŋe síndólo, ne bendíméndíme.

Lúkas 14:20

U ɔkɔɔ́láta tɔ́na ɔsɛ : “Ɛ́ maá mɛ bátɛ́na oónjú ; yaátɛ́ asana ɛ tɛ ámɛ bá wu ɔfaaya.”

Lúkas 14:22

Ekúlú ayɛ́ munyiɔnɔ ŋa kaá hálɔ́mɔ́na, mu ŋé wuúci laána mɔsɛ : “Taatá, háyɛ ɔ́ɔ kɔɔna, bú ma bɛ́kɛ́láka. Ta híáná, bilimíníne a bɛ́mɔtɛ́ yánáŋa etémbí.”

Lúkas 14:24

Ɛ ŋa mɛ́ banɔ́ láana anyía baacɔ abá ɛ́ ŋa mɛ́ cáŋa ɔlɔ́ŋɔ́kɔ, ta ɔmɔtɛ́ eé beébe tɛ kɔ́ɔ́ yɔɔ́kɛ́tɛ́na bíámɛ bɛnyɛ́ma bɛ́ ɔnyíá. »

Lúkas 24:47

Aáná bé kéé húlíkínyi baacɔ bá mɔnɔŋɔ mekime a nyíáyɛ́ nyiínyi anyía bá bɛ́kákálákɛ́na maabɔ́ maabɛ́, mbá bá sɔ́mba ɔkɔlɔ́ eé meéme ; aáná Bandɔ́mɛsɛ́ kéé beébe nyɛ́anakɛnɛna maabɔ́ maabɛ́. Bé kéé húlikinyi baacɔ aáná o otúme eé Yelúsalɛm ɔ ɔcɔba ne buúse.

Lúkas 9:10

Ɛ́makɛ́la baacɔ bá ɛndɔ́ma á ka bɔ́ hálɔ́mɔ́ná, bé ŋé bíkétíkínyi Yésus bɛsana bikime abɛ́ bá ŋa bɔ́ kɛ́láka. Yésus ŋé beébe laána anyía bábɔ́ cɔba haaca na baacɔ, a aháŋá yɛ́ bunɔŋɔ bɔ́ Bɛtɛsɛ́ta.

Sáaŋ 9:39

Yésus ɔsɛ : « Ɛ ŋa mɛ́ faáya ɔ ɔmɛsɛ́ anyía nyɛkála á bá : Ɔ ɔkɛla anyía bendíméndíme á lɛcákána, mbá balɛcana á bɛ́cáŋáka bendíméndíme. »

Ebélé 13:17

Ánɔ lɔ́kɔ́mákɛ́na báánɔ́ bekendisi, nu kɛlaka bɛsana abɛ́ bá ŋa bɔ́ banɔ́ láana. Beébe bá naŋa bábɔ́ banɔ́ tétényíki ; bé ké bú bíkétíkínyi Bandɔ́mɛsɛ́ anyána bá ŋa bɔ́ nyiɔ́kɔ. Mbɔ́kɔ nu ŋe nú beébe lɔ́kɔ́mɛ́na, bá ká bɔ́ nyiɔkɔ ne obíléne, bá tɛ lɔ́kɔ́ma ɔtɛ́má ɔnua. Aáná bú káá banɔ́ ɔɔ́lɔ́kɔ.

Ebélé 2:3

Mbá basɔ́ tua sɔ́ŋa balɔ́kɔ́mákánɔ́ bɛandándá bɛ́ bɛsana a bɛ́ a hɔ́la : Biíbi bɛ́ ŋá basɔ́ nóhi, mbá anyána tua sɔ́ŋa tú ɔsámbáka muuyé a mɔ́ á basɔ́ nyɛmána, mbɔ́kɔ tu ŋa sɔ́ nɔ́kɔ *bikotí, tu ti biíbi lɔ́kɔ́mɛ́na e ? Otéŋí a Waáŋá bɛ́muátá ú ŋa cáŋacáŋa ohuliki bɛsana a bɛ́ ŋa basɔ́ nóhi. Baacɔ a bá ŋa bɔ́ lɔ́kɔ́máka bɛsana eébí ŋa bɔ́ hákɛ́na ɛmbasɔ́ anyía bíáŋa taaká cɛ́ bɛsana.

Sáak 2:5

Benyíinyí bá ɔtɛ́má, yááŋa anyíaʼo, Bandɔ́mɛsɛ́ ŋaá táfáka eebe a bá bɔ́ŋa tɔsɔ́kásɔ́ka eé buúse bɔ́ baacɔ bá ɔmɛsɛ́ ooci anyía bábɔ́ bámɔ́kɔ́nɛ́na ɛnɔ́mɛ o olumitinine eeyé eé buúse, mbá bé oofine eeyé e Butéŋí abɔ́ u ŋaá bɛ́tánɛ́ná baacɔ e bé ŋé bú wuúci léne.

Nyɛnambɔnɛna nyɛ́ bɛsana 19:15

Nɔsala nɔ́ ɔhána a nɔ́ ŋa tɛa bɛháŋá bikime ŋaá bá núá hámɔ́kɔ́na a nyíáyɛ́ nyuúté ; ne buléfényi eébú wá nyɛmána wu ɔyákáka mɔnɔŋɔ mekime ma ɔmɛsɛ́, u meéme téŋgínyi ne butéŋí bú biléŋúléŋú, yó nyióyísínyi hilóbi hɛ́ Bandɔ́mɛsɛ́ Alámakɛ́nda ekúlú eyí u kéé beébe eéndéke háyɛ ibíle.

Nyɛnambɔnɛna nyɛ́ bɛsana 22:17

Ne *Efúúménénú yí Elilé ne oónjú e wukenyí ŋa bɔ́ kɔɔna báyɛ : « Faáya ! » Ɔɔcɔ okime awɔ́ u ŋa lɔ́kɔ́ma asana eeye a kɔɔna tɔ́na ɔsɛ : « Faáya ! » Ɔɔcɔ okime ewú nyimóti ŋaá nuana, á faaya ; ɔɔcɔ okime awɔ́ u ŋa yaamba ɔmúá menyífé e me ŋe yiínjíéne olíhe, é keé meéme hiite etémbí ne etémbí.