Aáná bitúte bɛ́ baacɔ ŋa fáákɔ́na nááyá. Bí ŋe hélékénéne baacɔ e bé ŋe bú síndólo, ne bendíméndíme, na baacɔ bá bɛfɛ́kɛ́, ne múkúmúku, na bɔkɔnɔ́kɔ́nɔ bé etémbí beéŋí. Bí ŋe beébe télímíkínyí eeyé eé buúse, u ŋé beébe eéŋúnyísíki.
Énu iínjíékíne bu iínjíékíne basɔ́kásɔ́ka bɛnyɛ́ma a bɛ́áŋa na a bíánɔ́ bɛmúáná na a bíánɔ́ bɛnyíáná noómi, aáná nu ké búle anɔ́ lɛ́ca bɔkɔ bukime bufúúménénú.
Mbá ɔsɛ ná ɔɔcɔ ewú u ŋeé wuúci lɔ́ŋɔ́kɔ : « Ekúlú ayɛ́ ɔ ŋɔɔ́ kɛ́la bɔŋanda ta nabuɔ́sɛ́, te nebutúé, atɛ lɔ́ŋɔ́kɔ bɔlɔ́ɔwɔ, ta bɔnɔ́ɔnyia, ta yɔ́ɔ́wɔ yiíbe, ta bɔ́ɔ́wɔ benúséyé a bá bɔ́ŋa baŋaŋa ; ananyía keyé bá ká bɔ́ ɔ lɔ́ŋɔ́kɔ tɔ́na, bɔ́ kuɔŋɔ́ kɛ́láka háyɛ o ŋoó beébe kɛláka.
Bíel ŋá cɔba ɔ ɔcɔba ɔlɔŋɔ na baacɔ eébé. Ahɛ́ u ŋgaá hámá, bé ŋé wuúci báátána e ekéti yɛ́ ɔnɔŋɔ yí ciíbe. Bisíké bí beénjú bikime ŋe bú bíkósíti nááyá, bɛ́ lɛ́laka. Bí wuúci tóŋgínyi na bɛháŋá namuaná, na bɛlaŋa bí nyiike abɛ́ Tɔlɔ́kas ŋaá bá waá látaka ekúlú ayɛ́ u ŋaá bá wa yánáŋa wɔɔ́sɔ.
Mukendisi belumitinine ŋá nyɛmána wu olíhéke bɔmbányɛ, tɛ́ka na tɔkɔma na baacɔ ; muúmu mɔbátɛ́nánɔ́ hú oónjú ɔmɔtɛ́, mu ti bíínjie ɔ ɔmúána meluku, muúmu ne injiŋé a aatɔ́, muúmu na bɔɔcɔ, muúmu na nɔkasa, mu menyukune oweékúnyi baacɔ bɛsana.
Mbá mu ŋá nyɛmána mu ɔkáháka bɔmbányɛ baacɔ e uúyé ooki, mu lénéke ɔkɛla bɛmbányɛ bɛ́ bɛsana ; muúmu ne injiŋé a aatɔ́, muúmu atálɛ́mánánɔ́ yɛ́ ɔɔcɔ, muúmu mufúúménénú eé buúse bɔ́ Bandɔ́mɛsɛ́, ne oweéhínyínyi ɔ ɔtɛ́má, mu bítétényíki bɛsana.
Onyíinyí, ɛ ŋaá mɛ bá háyɛ nyitíne nyí bilúŋe, ɔtɛ́má yɔ́ mɛ kua a tɔɔna noómi a asana ne nyiléne enyí o ŋoó léne bɔsɔ́ɔ́kɔ́ belumitinine, e beébe kíndísíki ɛtɛ́má.
Nɔtɛ bɛ́hɔ́ya ɔkáha bɔmbányɛ bekenyí e cíínú iiki. A nyɛkɛlaka eényí, baacɔ a bɔ́mɔtɛ́ ŋa bɔ́ káháká bɔmbányɛ bekenyí a bá ŋa bɔ́ bá bililé bɛ́ masɔ́ma bɛ́ Bandɔ́mɛsɛ́, mbá beébe te omenyi.