Lúkas 14:1 - Nomaande

¹ Búmɔtɛ́ *buɔ́sɛ́ bú ehélúme bú *Besuif, Yésus ŋa cɔ́bá ɔ ɔkɔɔ́nyíá o ooki u mutéŋínyi *Bafalisiɛ́ŋ a mɔmɔtɛ́ e mú ŋeé wuúci lɔ́ŋɔ́kɔ́. Baacɔ a bá ŋa bɔ́ bá hɔ́á ŋaá bá bé wuúci tékitéki.

Lúkas 14:1 Iomraidhean Croise

Matío 12:12

Énu menyi anyía ɔɔcɔ ŋa hɔ́la ɛtɔ́mbá buéŋí ! Yááŋa anyíaʼo, yáásɔ́ okotí ŋe yiínjie baacɔ makɛ́nda ma ɔkɛlaka bɔmbányɛ buɔ́sɛ́ bú ehélúme. »

Malɛ́kus 3:2

Baacɔ ŋa bɔ́ bá bábɔ́ áambaka ɔsɔ́mɛ́na Yésus. Buátɛ́ bɔkɔ bá ŋa bɔ́ bá bébú wuúci bísíémúkúnyi mbɔ́kɔ wáŋa wu oweéŋúnyísi ɔɔcɔ *buɔ́sɛ́ bú ehélúme.

Lúkas 11:37

Ekúlú eyí Yésus ŋa máná ɔtáŋa, ɔɔcɔ u *Bafalisiɛ́ŋ a wɔmɔtɛ́ ŋeé wuúci lɔ́ŋɔ́kɔ́ ɔ ɔkɔɔ́nyíá nááyá. Yésus ŋa hátɔna u ŋa cɔ́ba, u ŋó oofine e úúyé ooki, bé ŋe túmé onyíényi.

Lúkas 14:2

Ɔɔcɔ ŋaá bá aáhá u kɔnɔkɔ nyiheŋú.

Lúkas 17:20

Ekúlú ayɛ́ *Bafalisiɛ́ŋ ŋa bátá Yésus anyía : « Nyíényí Bandɔ́mɛsɛ́ kéé téŋgínyi baacɔ e », u ŋé beébe bɛ́káma ɔsɛ : « *Butéŋí bɔ́ Bandɔ́mɛsɛ́ tɛ káá fáaya baacɔ buúbu lɛcaka.

Lúkas 20:20

Ɛ́ɛhɛ́ bé ŋe bú túmé o wuúci tékítéki ; bá ŋá tɔ́mɔ́kɔ́na tuféfí a tɔ́ ŋaá bá túé bíhíiteke háyɛ bɛtálɛ́mánánɔ́ bɛ́ baacɔ ɔ ɔbɛ́tɔ́ɔ́lɛ́na Yésus, bó wuúci kúfítínyi na ɛmbataka a cɛ́mɔtɛ́. Bá ŋa bɔ́ bá bábɔ́ áambaka ohónyí wú o wuúci iínjie ná kɔ́mɛ́na, wé wuúci hatɛ́na, bé wuúci kélísíki.

Lúkas 6:7

Ne *beékúnyi bikotí na *Bafalisiɛ́ŋ ŋa bɔ́ bá bábɔ́ áambaka ohónyí wú ɔsɔ́mɛ́na Yésus. Buátɛ́ bɔkɔ bá ŋa bɔ́ bá bébú wuúci bísíémúkúnyi mbɔ́kɔ wáŋa wu oweéŋúnyísi ɔɔcɔ buɔ́sɛ́ bú ehélúme.

Sáaŋ 3:1

Ɔɔcɔ ŋaá bá ɔɔ́ hiɔ́bɔ hɛ́ *Bafalisiɛ́ŋ, nyiínyi ɛ́cɛ Nikotɛ́mɛ ; u ŋaá bá tɔ́na ɔmɔtɛ́ u betéŋínyi *Besuif.

Buólí 5:34

Mbá ɔɔcɔ ɔmɔtɛ́ ŋaá bá aaha, nyiínyi báyɛ Kamaliɛl. U ŋaá bá ɔɔcɔ u hitúlé hɛ́ Bafalisiɛ́ŋ, wuúci muékúnyi bikotí, baacɔ bekime ŋaá bá bébú wuúci kékéke buéŋí ; ɔɔcɔ ooci ŋa hátɔ́na ɛndánáka ɛ ɛkatɛ́katɛ́ ci Hitúlé a hiáŋá, u ŋá batá bicénji anyía bía caŋá hémúnyi baacɔ bá ɛndɔ́ma a nɔháatɛ́.