Lúkas 13:26 - Nomaande

²⁶ Mbá nu ké nú túme o wuúci láana anyía : “Tú ŋe sú nyíékínyi, tuó muékínyi na kuɔŋɔ́ ; kuɔŋɔ́ ɔ ŋɔɔ́ bá o oweékúnyíki a túásɔ́ tɔháatɛ́.”

Lúkas 13:26 Iomraidhean Croise

Lúkas 13:27

Mu ká háná banɔ́ laana mɔsɛ : “I ti ŋé mí menyi haála ehé nu ŋe nú húle. Ánɔ hatɔ́na eémi eé buúse, banɔ́ bakɛla maabɛ́ eebe.”

Lúkas 3:8

Mbá ánɔ caŋá kɛ́laka bɛsana e bí ŋo tóŋínyi anyía nú ma nɔ́ bɛ́kákálákɛ́na máánɔ́ maabɛ́, nuɔ́ sɔ́mba tɔ́na ɔkɔlɔ́ eé meéme. Nuti bíkétíki e cíínú ɛtɛ́má anyía nua nɔ́ŋa nú ɔkɔɔna hú anyía : “Abɛ́laham áŋa ciasɔ́ sɔ́kɔ́nɔ́.” Aá taaká ɛ ŋa mɛ́ banɔ́ láana ɛsɛ́ Bandɔ́mɛsɛ́ áŋa wu oceŋisi andányɛ́ eece baáná bá *Abɛ́laham.

2 Timoté 3:5

Bé ké búle abɔ́ hɔ́á baacɔ a bá ŋa bɔ́ látɛ́na abɛ́kɛ́lɛ́na cé olumitinine, mbá bé ti lumitíne anyía makɛ́nda ma Bandɔ́mɛsɛ́ áŋa ma ɔkɛla anyía bébú líhéke háyɛ ú ŋé léne. Ɛ ŋa mɛ́ ɔ laana anyía limine haaca na baacɔ eébé.

Tite 1:16

Bé ŋe húlé ábɔ́ bɛ́kɔɔna anyía bé ŋe bú menyi Bandɔ́mɛsɛ́, yiíyi anyía bɛɛbɛ́ bɛ́ bɛsana abɛ́ bá ŋa bɔ́ kɛla ŋo tóŋínyi anyía bé ti ŋé bú wuúci menyi buúse bukime. Bá bɔ́ŋa na aatɔ́ ɔnata, bá kɛ́laka bɛsana e bí ti ŋé bíléníne Bandɔ́mɛsɛ́, beébe tɛ́ka na makɛ́nda ma ɔkɛlaka ta hú asana a yambányɛ ɔ́mɔtɛ́.