Lúkas 13:25 - Nomaande

²⁵ Ekúlú ayɛ́ muútí ooki káá hatɔna ɛndánáka, muɔ́ fáca ehenyi, banɔ́ a nɔháatɛ́, nuó túme okite ehenyi, nu kɔɔnaka nɔsɛ : “Taatá, basɔ́ kuúne !” Mu káá banɔ́ bɛ́káma mɔsɛ : “Ɛ tɛ ŋá mɛ́ banɔ́ ményi buúse bukime, i ti menyi tɔ́na haála ehé nú ŋe nú húle.”

Lúkas 13:25 Iomraidhean Croise

Matío 25:41

E elime eécí u káá láana baacɔ bá aháŋá yí uúyé ɔɔbɔ́ ú meényi ɔsɛ : “Ánɔ hatɔ́kɔ́na eémi eé buúse, ciamɛ Síkíne ŋaá banɔ́ lɔ́mɔ́kɔ ! Énu ko oofókíne o oocó ú ekúlú ekime awɔ́ bá ŋaá tábɔ́nákɛ́ná na Musɔ́mɛ́na na bíáyɛ́ bililé bɛ́ masɔ́ma !

Lúkas 13:27

Mu ká háná banɔ́ laana mɔsɛ : “I ti ŋé mí menyi haála ehé nu ŋe nú húle. Ánɔ hatɔ́na eémi eé buúse, banɔ́ bakɛla maabɛ́ eebe.”

Lúkas 3:8

Mbá ánɔ caŋá kɛ́laka bɛsana e bí ŋo tóŋínyi anyía nú ma nɔ́ bɛ́kákálákɛ́na máánɔ́ maabɛ́, nuɔ́ sɔ́mba tɔ́na ɔkɔlɔ́ eé meéme. Nuti bíkétíki e cíínú ɛtɛ́má anyía nua nɔ́ŋa nú ɔkɔɔna hú anyía : “Abɛ́laham áŋa ciasɔ́ sɔ́kɔ́nɔ́.” Aá taaká ɛ ŋa mɛ́ banɔ́ láana ɛsɛ́ Bandɔ́mɛsɛ́ áŋa wu oceŋisi andányɛ́ eece baáná bá *Abɛ́laham.

Lúkas 6:46

« Anyána nu ŋa nɔ́ mɛ lɔ́ŋɔ anyía “Otéŋí a Waáŋá, Otéŋí a Waáŋá” mbá nu tɛ kɛlá bɛsana abɛ́ ɛ ŋa mɛ́ banɔ́ laána e ?

2 Kɔlɛ́ɛntɛ 6:2

Yááŋa yɔɔ́ŋɔ́kɔ́nɔ́ anyía : « Ɛ ŋaá mɛ bɛ́kámá úúwe ɔbɛ́cɔ́kɔ́lɛ́na e ekúlú a yɛnyɛmánánɔ́, míɔ kuɔŋɔ́ nohi a buɔ́sɛ́ bɔ́ nyɛkɔmba. » Ánɔ lɛ́ca aná, ekúlú anyɛmánánɔ́ yí cibicibi eeye aámbáya ; aámbáya buɔ́sɛ́ bú okúmbíki baacɔ eebu hɛ́nánɔ.

Ebélé 12:17

Nu ŋe nú menyi anyía e elime ci nyitúé, u ŋa yáambaka anyía síkíne é wuúci sayábɛ́na, mbá síkíne te olumitine, ta yɛ́ cáŋa á bá anyía u ŋa lɛ́láka. Asana yɛ́ ɔkɔmbɔtɔna tɛ ɔ́mɔɔ́ háná bá.