Lúkas 13:11 - Nomaande

¹¹ Oónjú a wɔmɔtɛ́ ŋaá bá hɔ́á, u kɔnɔkɔ ; tuɔŋɔ a yáaŋa buunyi na tɔ́tátɔ́ ayɛ́ *aabɛ́ yí elilé ŋeé wuúci kúnyímísi elime. Ohónyí wú ɔtálɛ́mɛ́na ɛndánáka tɛ ɔ́mɔɔ́ bá.

Lúkas 13:11 Iomraidhean Croise

Matío 4:23

Yésus ŋaá bá u húle á kándaka i iisí cɛ Kalilé ikime ; wé éékúnyíki a *bɛndaŋía bɛ́ ɔbɛ́cɔ́kɔ́lɛ́na bí *Besuif bí iisí ikime eécí, u hulikinyi baacɔ Ambányɛ yɛ́ Ɛsɔ́ma yí *Butéŋí bɔ́ Ɔmuaná, we ééŋúnyísíki tɔ́na baacɔ ne cííbú ɛkɔnɔ ikime na bíábɔ́ bɛfɛ́kɛ́ bikime.

Malɛ́kus 9:21

Yésus ŋa batá síkíne cɛ ɔɔ́nɔmbɔ́ ɔsɛ : « O otúme nyíényí wá báka aáná e ? » Mbá síkíne ɔsɛ : « O otúme a búáyɛ́ bunɔ́sɛ́.

Lúkas 13:12

Ekúlú eyí Yésus ŋaa lɛ́cá oónjú oócí, u ŋé wuúci lɔ́ŋɛ́ta mbá ɔsɛ : « Meemé, úúwu ɔkɔnɔ ma mana. »

Lúkas 13:16

Mbá ne oónjú ooci awɔ́ Sátan na mɔɔ́ yɔɔ́tɔ́kɔ́kɔ ɔ ɔkɔnɔ hɛ́nánɔ tuɔŋɔ a yáaŋa buunyi na tɔ́tátɔ́, wuúci u hɛnyɛ́nɔ́ hɛ́ *Abɛ́laham tɔ́na, anyána ɛ́ tɛ ámɛ bá wu o wuúci kátáka tukolí tú uúyé ɔkɔnɔ buɔ́sɛ́ bú ehélúme e ? »

Lúkas 21:28

Ekúlú ayɛ́ bɛsana eébí kéé túme ɔbɛ́kɛ́la, énu hetúkúnyi bɛɛtɔ́, núá lɛcáka ɔ ɔmuaná anyía nyíánɔ́ nyɛkɔmba a yáaŋa hoóhi. »

Lúkas 8:2

Beénjú a bɔ́mɔtɛ́ ŋaá bá ne wuúci tɔ́na, u ŋé hémúkúnyi *bɛɛbɛ́ bí bililé náábɔ́, u ŋeé beébe eéŋúnyísíkí ɛkɔnɔ a cɛ́mɔtɛ́ : Eé beénjú eébé Malíi, itónyi cɛ Makatala, ŋaá bá hɔ́á, wuúci oócí Yésus ŋɔɔ sɔ́mɔ́kɔ bɛɛbɛ́ bí bililé bítíndétú nɔ́mɔ aáyá a cɛɛ́tɔ.

Lúkas 8:27

Ayɛ́ Yésus ŋaá hámá ɔ ɔkɔkɔ́, ebíényi yɛ́ bálɛ́ka ŋá faáya ɔ ɔfaaya nááyá, yɛ́ ŋaá bá na *bɛɛbɛ́ bí bililé. O otúme buáyá yɛ́ ŋaá bá onuti etémbí, yí tí limíne eé ciíbe, mbá e biinyie.

Lúkas 8:43

Oónjú a wɔmɔtɛ́ ŋaá bá aáhá, manɔ́ŋɔ́ ŋaá bá meé wuúci hámɔ́kɔ́ná tuɔŋɔ a yáaŋa túɔ́hátá ne túfendí. [U ŋa mána ɔbɛ́cáŋgɛna bɔnɔ́mɛ bukime ɔ ɔkɔtɛtɛna baándánána, mbá ta mumɔtɛ́ ti ómoó wuúci eéŋúnyísi.]

Buólí 3:2

Ɔɔcɔ a wɔmɔtɛ́ ŋaá bá aáhá eé buúse bú ehenyi yí nyiofine nyɛ́ nɔháatɛ́ nú Ciíbe cɛ Bandɔ́mɛsɛ́. Bá ŋaá bá bɔ́ lɔ́ŋɔ́kɔ ehenyi eéyé anyía « Ambányɛ́kɛ́ yí ehenyi ». Ɔɔcɔ oócí ŋeé bíbíéné asákála. Mɔɔ́sɛ́ mekime bá ŋaá bá bé keé wuúci limísíkínyi hɔ́á anyía wá lɛ́báka mɔɔnyɛ́ ná baacɔ a bá ŋa bɔ́ bá bébú óófókíne bá hámɔ́kɔ́na eé Ciíbe cɛ Bandɔ́mɛsɛ́.

Buólí 4:22

Ɔɔcɔ ooci awɔ́ u ŋa yaáŋɔ́núá ekéki yɛ́ nyɛáŋɔ́nua ŋaá bá ɛ́cɛ ú ma hɔ́la tuɔŋɔ etíne éfendí.