Lúkas 12:42 - Nomaande

⁴² Mbá Otéŋí ɔsɛ : « Muafa bɛnyɛ́ma o ooki a muáŋa ne injiŋé, mu nyióyísíkínyi bɛsana áŋa muafa eemu emú uuyé waáŋá káá háya ne o otétényi ciíbe ne owiínjie bɔnyiɔnɔ bé etémbí bɛnyɛ́ma bɛ́ ɔnyíá bɛ́ buɔ́sɛ́ bukime.

Lúkas 12:42 Iomraidhean Croise

Matío 13:52

Mbá ɔsɛ náábɔ́ : « Ɛ́ɛhɛ́ aná *muékúnyi bikotí mukime a mu a yáaŋa *muákɔ́nɛ́na e Butéŋí bɔ́ Ɔmuaná ŋaá hɔ́á muútí ooki ; muúmu mu ŋa bɛ́kɛ́lɛ́na na bɛnyɛ́ma a bɛɔ́sɔ na bɛnyɛ́ma bɛ́ buáyá bɛ́ búáyɛ́ bɔnɔ́mɛ. »

Matío 20:8

Nanyiɔ́fɔ́, muútí esíéné ŋá laana múáyɛ́ mutákɛ́na bɔnɔ́mɛ ɔsɛ : “Lɔ́ŋɔ́kɔ bɔnyiɔnɔ bekime, beébe namáka hú náányɛ́ bɛnamá bɛ́ buɔ́sɛ́ bú buólí. Túmíne ɔnama bɔsɔ́ɔ́kɔ́ e bébú bíóndísínyi okutimine buólí, mbá e bíondísínyi ɔnama bɔsɔ́ɔ́kɔ́ a bábɔ́ cáŋa okutimine.”

Lúkas 12:43

Bɔmbányɛ ná munyiɔnɔ eémú ekúlú ayɛ́ uuyé waáŋá ká ka hálɔ́mɔ́na, yó muúmu kuana muɔ́ nyíɔkɔ buólí eébú a nyɛnamá eényí.

Lúkas 7:13

Ekúlú eyí Otéŋí a Waáŋá Yésus ŋeé yiíyi lɛca yá lɛ́laka, u ŋé yiíyi bɛ́cáma mahana ; u ŋé yiíyi laána ɔsɛ : « Atɛ lɛláka ! »

Lúkas 7:19

u ŋé beébe tɔ́ma né Otéŋí a Waáŋá Yésus o okoó wuúci batá anyía : « Mbá ɔ ɔ́ŋa Ooci awɔ́ á nyɛ́mana wu ɔfaaya ayɛ́ʼ tu ŋá sɔ́ nyɛ́mána tu ɔtátáka u etémbí e ? »

Buólí 20:28

Yaátɛ́ asana, énu bítétényi banɔ́ bɛ́muátá, nú tétényíki tɔ́na ɛtɔ́mbá ikime ecí Efúúménénú yí Elilé ŋaá banɔ́ iínjíékíne anyía núénú tétényíki. Énu sókóbíki bɔmbányɛ hiɔ́bɔ hí belumitinine hí Otéŋí a Waáŋá ahɛ́ Bandɔ́mɛsɛ́ bɛ́muátá ŋɔ yɔɔ́ndɔ́kɔ na maayɛ́ manɔ́ŋɔ́.

1 Timoté 3:15

Asana ɔ́mɔtɛ́, mbɔ́kɔ i ti ŋé tényí ká mɛ háma, bɛsana abɛ́ ɛ ma mɛ́ ɔ laakɛna kɔ́ yɔ́ɔ wɔɔ́lɔ omenyi anyána baacɔ bá hɛnyɛ́nɔ́ hɛ́ Bandɔ́mɛsɛ́ ábɔ́ nyɛmána bé olíhéke ; hɛnyɛ́nɔ́ eéhí áŋa hiɔ́bɔ hí belumitinine. Bá bɔ́ŋa baacɔ bá Bandɔ́mɛsɛ́, Ooci a wáŋa wɔɔ́sɔ, beébe nukúse e nú me kíndísi taaká cɛ asana.

1 Timoté 5:17

Bekendisi hiɔ́bɔ hí belumitinine a bá ŋa bɔ́ nyiɔ búábɔ́ buólí bɔmbányɛ, hɔlákáhɔ́láka bɔsɔ́ɔ́kɔ́ e bé mé bú bíínjie muuyé ne o ohulinyi baacɔ Ambányɛ yɛ́ Ɛsɔ́ma ne o beébe eékúnyi bɛsana, bá ŋa nyɛmána bé o beébe kékéke bikúlú bífendí ɔ ɔhɔla bɔsɔ́ɔ́kɔ́ bé etémbí.

2 Timoté 4:2

Hulíkínyi baacɔ bɛsana bɛ́ Bandɔ́mɛsɛ́, hɛɛ́nyákɛ́nɛ́na o biíbi huli eé bikúlú bikime, te e bikúlú a bɛmbányɛ te e bikúlú a bɛɛbɛ́. Kɛláka anyía bé biíbi lɔ́kɔ́máka bɔmbányɛ, beébe kákálákɛ́na ekúlú ayɛ́ bá bɔ́ŋa a nyɛnana, beébe kíndísíki ɔ ɔkɛla bɔmbányɛ, é beébe eékúnyíki ne ehúúménénú yɛ́ ɔtɛ́má.

Tite 1:7

Yááŋa anyía *mukendisi belumitinine áŋa munyiɔnɔ Bandɔ́mɛsɛ́ ; yaátɛ́ asana muá nyɛmána mu ɔbá tɛ́ka na hɛkɔma, muúmu tɛ́ka ne enyite, te ne tuliŋéliŋe, muúmu tɛ́ka ta amúána meluku, ta anua bitule ; mu tɛ nyíáná ɔɔcɔ e menjiŋé tɔ́na.

Ebélé 13:17

Ánɔ lɔ́kɔ́mákɛ́na báánɔ́ bekendisi, nu kɛlaka bɛsana abɛ́ bá ŋa bɔ́ banɔ́ láana. Beébe bá naŋa bábɔ́ banɔ́ tétényíki ; bé ké bú bíkétíkínyi Bandɔ́mɛsɛ́ anyána bá ŋa bɔ́ nyiɔ́kɔ. Mbɔ́kɔ nu ŋe nú beébe lɔ́kɔ́mɛ́na, bá ká bɔ́ nyiɔkɔ ne obíléne, bá tɛ lɔ́kɔ́ma ɔtɛ́má ɔnua. Aáná bú káá banɔ́ ɔɔ́lɔ́kɔ.

Ebélé 13:7

Ánɔ bɛ́tááka báánɔ́ bekendisi bá buáyá, beébe bá ŋa bɔ́ banɔ́ húlíkínyi Bɛsana bɛ́ Bandɔ́mɛsɛ́. Nɔtɛ bɛ́hɔ́ya anyána bé ŋe bú líhéke, bó wéékúne o olumitinine noómi; ánɔ háya mɔŋɔlɛ́ ná Bandɔ́mɛsɛ́ bɔkɔ búmɔtɛ́ háyɛ beébe.

Ebélé 3:5

A aháŋá ne Moyís, ú ŋaá bá hú munyiɔnɔ e mubíínjíénú a búáyɛ́ buólí ɛ ɛkatɛ́katɛ́ cɛ baacɔ bá Bandɔ́mɛsɛ́ bekime. Búáyɛ́ buólí ŋaá bá anyía wá laákɛ́na baacɔ bɛsana abɛ́ Bandɔ́mɛsɛ́ ŋa cɔ́ba ɔ ɔkɔɔna.

1 Bíel 4:10

Bandɔ́mɛsɛ́ ŋoó boo buéŋí. U ŋoó bóosi ɔɔcɔ okime, hú naányɛ́ háyɛ u ŋeé léne oboosi. Háyɛ bɛmbányɛ bí bekendisi yaála yí nuubo yɛ́ Bandɔ́mɛsɛ́, ánɔ ɔɔ́lɔ́kɔ bɔsɔ́ɔ́kɔ́ na yaála yí nuubo eéyí.