Lúkas 12:41 - Nomaande

⁴¹ Mbá Bíel ɔsɛ : « Otéŋí a Waáŋá, náásɔ́ bímuócí ɔ́ ŋɔɔ́ basɔ́ túmíne ɛnjaba eécí ayɛ́ʼ na ná baacɔ bekime e ? »

Lúkas 12:41 Iomraidhean Croise

Malɛ́kus 13:37

Asana eeye ayɛ́ ɛ́ ŋa mɛ́ banɔ́ láana ŋa lɛ́ca baacɔ bekime : Nɔtɛ hɛ́táka hiiné. »

Malɛ́kus 14:37

U ŋgá hálɔ́mɔ́na haála ahá baákɔ́nɛ́na eébé bátátɔ́ ŋaá bá, u ŋé beébe kuána e hiiné, mbá ɔsɛ né Bíel : « Símon, ɔ ɔ́ŋa e hiiné e ? Ɛ́cɛ anyía ɔ tɛ ɔ́mɔ bá wu olimine wɔɔ́sɔ onjéŋí ɔ́mɔtɛ́ e ?

Lúkas 12:47

Mbɔ́kɔ munyiɔnɔ ŋe ményi aátɛ́ muútí ooki ŋa yáamba anyía muá kɛláka mbá mu tɛ kɛlá, bé kéé muúmu súbéke buéŋí,

Lúkas 12:48

mbá mbɔ́kɔ munyiɔnɔ ti ŋée menyi aátɛ́ muútí ooki ŋa yáamba anyía muá kɛláka mbá mu kɛlaka bɛsana abɛ́ bá nyɛmána bé o muúmu súbéke, bé kéé muúmu súbéke butíkítíki. Ɔɔcɔ awɔ́ Bandɔ́mɛsɛ́ eé yíinjíe buéŋí u kéé wuúci bataka tɔ́na buéŋí ; ooci awɔ́ Bandɔ́mɛsɛ́ eé yíinjíe bɛnyɛ́ma biéŋí bí otétényíki, u kéé wuúci bataka bɛnyɛ́ma biéŋí ɔ ɔhɔla. »

1 Bíel 4:7

Nyɛmana nyɛ́ ɔmɛsɛ́ a yáaŋa hoóhi. Ánɔ bámɔ́kɔ́na aná ne injiŋé a bɛɛtɔ́, nɔtɛ hɛ́táka hiiné ananyía nu ŋa nɔ́ nyɛ́mána nu o búle bɛ́cɔ́kɔ́lɛ́na Bandɔ́mɛsɛ́.

1 Bíel 5:8

Cíínú injiŋé tɛ banɔ́ nyímúkúne a bɛɛtɔ́ ; nɔtɛ hɛ́táka hiiné anyía muanɔ́ munuusi, ɛ́cɛ Musɔ́mɛ́na baacɔ, ŋe húlé á naŋála, u banɔ́ tékítéki háyɛ iŋgoyó e cí ŋé húme cɛ aambaka bɔkɔ bɔ́ ɔlahɔnaka.