Lúkas 12:4 - Nomaande

⁴ « Baláamɛ, ɛ ŋa mɛ́ banɔ́ láana anyía nuti líkíméke baacɔ a bá ŋa bɔ́ ɔ́ɔ́nɔ hú cɛɛ́tɔ bímuócí ; ekúlú eyí bé me bú ciíci ɔɔ́nɔ́kɔ, bá tɛ ábɔ́ bá tɔ́na na makɛ́nda má ɔ háná kɛ́la ta bɔkɔ.

Lúkas 12:4 Iomraidhean Croise

Matío 10:28

Nuti líkíméke baacɔ a bá ŋa bɔ́ ɔ́ɔ́nɔ hú cɛɛ́tɔ bímuócí, mbá beébe tɛ́ka na makɛ́nda ma ɔwɔɔ́nɔ hɛtányɛ́ ; mbá énu líkíméke yáaŋa Bandɔ́mɛsɛ́ ; wuúci wáŋa wu ɔwɔɔ́nɔ́kɔ na cɛɛ́tɔ na hɛtányɛ́ bikime bífendí a nɔɔfia nú oocó.

Sáaŋ 15:13

Nyɛnamá nyí etémbí nyí olénéke bɔsɔ́ɔ́kɔ́ tɛ á bá a nyɛ́ á hɔ́la nyí owééne a asana yɛ́ bíɔ́wɔ bikendinyi.

Buólí 20:24

Mbá, aá yaŋɔ́ ɛ tɛ ŋá mɛ́ lɛca uumi olíhe háyɛ yaandándá yɛ́ bɔkɔ mbɔ́kɔ i ŋé mi wé ; bɔkɔ ebú bú ŋeé mi bíléníne áŋa anyía yámɛ cɔbá ne buúse o onyíóyísínyi búámɛ bɔsɔ́ma háyɛ yɛ́ ŋaá bɛ́amba, mbá i kuenyinyi ɔnyiɔ buólí abɔ́ Otéŋí a Waáŋá Yésus ŋeé mi iínjíé. Búáŋa anyía yémí hulíkínyi baacɔ Ambányɛ yɛ́ Ɛsɔ́ma yɛ́ yaála yí nuubo yɛ́ Bandɔ́mɛsɛ́.

Buólí 4:13

Baacɔ bé Hitúlé a hiáŋá ŋe bú kéké buéŋí, anyía bá ŋa bɔ́ lɛ́cá anyía ne Bíel na Sáaŋ ŋa bɔ́ bá bébú beébe bɛ́kámáka, bé ti líkíme, bá lɛca tɔ́na anyía bá ŋa bɔ́ bá baacɔ a bá tɛ ɔ́mɔ bɔ́ kɛ́la sukúlu ; nyíábɔ́ nyimenyi eényí anyía baacɔ eébé ŋa bɔ́ bá buáyá ɔ ɔlɔŋɔ ú Yésus.

Filibí 1:28

Nɔtɛ bɛ́nyíánáka anyía báánɔ́ beliŋine á banɔ́ bémbíki. Aáná bé ké bú ményi anyía bá bɔ́áŋa benyíménú ; mbá banɔ́ bɔnɔhɔ́kɔ́nɔ́. Nyɛkɛla eényí ŋeé húle ná Bandɔ́mɛsɛ́,

Sáak 2:23

Aáná yááŋa yɔɔ́ŋɔ́kɔ́nɔ́ anyía : « Abɛ́laham ŋaá háya mɔŋɔlɛ́ ná Bandɔ́mɛsɛ́, ɛ́ɛhɛ́ Bandɔ́mɛsɛ́ ŋeé wuúci hiíte háyɛ atálɛ́mánánɔ́ yɛ́ ɔɔcɔ eeyé eé buúse, yó wuúci lɔ́ŋɛ́ta anyía yááyɛ́ ekendinyi. »

1 Bíel 3:14

Mbɔ́kɔ yɛ́ ŋáá háma anyía núánɔ́ lɔ́kɔ́máka muuyé asana na yáánɔ́ ambányɛ yɛ́ nyɛbɛ́kɛ́lɛ́na, yááŋa ambányɛ yɛ́ asana. Buátɛ́ bɔkɔ, nuti líkíméke baacɔ ; cíínú injiŋé tí nyimukune.

Nyɛnambɔnɛna nyɛ́ bɛsana 2:10

Eti líkíme muuyé amɔ́ wɔ́ cɔba ɔ ɔlɔ́kɔ́máka hí aámbáya. Ɛ́náka, Musɔ́mɛ́na múɔ́ cɔ́ba ɔ ɔkɛla anyía bá hákɛ́na bɔ́mɔtɛ́ baacɔ bé úúnú ɔlɔŋɔ eé ciíbe cɛ ɛcaná ɔ ɔ banɔ́ ɔɔ́kɛ́tákɛ́na ; aáná nu ká nɔ́ ɔɔ́ndɛ́mákánána indekese e ci kéé líhéke mɔɔ́sɛ́ mɔɔ́hátá. Tétényíki úúwe olumitinine ɔ ɔkɔɔ́háma o owé ; aáná i ké mí o wiínjie atamba yí olíhe ú ekúlú ekime.