Lúkas 12:19 - Nomaande

¹⁹ Míɔ laana úúmi ɔtɛ́má anyía kuɔŋɔ́ uúmi ɔtɛ́má, ɔ ɔ́ŋa na bɛnyɛ́ma bɛ́ ɔnyíáka biéŋí a tuɔŋɔ tuéŋí ; hélúméke, nyíáka, muákɛ́na, bílénéke.”

Lúkas 12:19 Iomraidhean Croise

Lúkas 12:18

Mbá ɔsɛ : “Ɛ́hɛ́ɛ, aana ɛ́ ŋa mɛ́ cɔba ɔ ɔkɛla : Ɛ ŋa mɛ́ kataka túámɛ tɔɔ́la, mío hiiteke bɛfalɛ́fɛ́na bɛ́ hɔ́á. Míɔ falɛfaka a tuáŋá a túá hɔ́la eetu, míɔ hákɛ́na ne cíími ɛmbásɛ́kɛ na bɔnɔ́mɛ bú etémbí.

Lúkas 16:19

Mbá Yésus tɔ́na ɔsɛ : « Ɔɔcɔ a wɔmɔtɛ́ ŋaá bá a bunɔŋɔ a bɔ́mɔtɛ́, wuúci na bɔnɔ́mɛ buéŋí ; u ŋaá bá waá láŋabaka bɔmbányɛ bɛlaŋa bɛ́ mɔɔnyɛ́ meéŋí, u bándáka manáka mɔɔ́sɛ́ mekime.

Lúkas 21:34

« Énu bíkékényíki anyía cíínú ɛtɛ́má tɛ kasá, cíó bíínjie na a maŋanda ne o ohíólo meluku, cɛ́ bɛ́ákákɛ́na bɛsana bɛ́ ɔmɛsɛ́ ; keyé buɔ́sɛ́ etéebú káá banɔ́ béletenyi.

1 Kɔlɛ́ɛntɛ 15:32

Ɛ ŋa mɛ́ nuáka aaha ɛ Ɛfɛ́ɛsɛ na baacɔ i iŋetí cɛ ɛnyama cí biciké. Mbɔ́kɔ hú a nyɛbɛ́táá nyɛ́ baacɔ ɛ ŋa mɛ́ kɛláka aáná, aátɛ́ ɛ ŋaá mɛ hɔ́má aná, mbɔ́kɔ biwéewé tɛ ŋá háányua e ? Ɛ ŋaá mɛ banɔ́ túmíne yáaŋa ɛnjaba eeci a cɛ ŋa kɔɔna cɛsɛ : « Túá nyíáka, túá múákɛ́na anyía nɔɔyá tu ké sú wéekúne ! »

Filibí 3:19

Nyíábɔ́ nyibíóndísínyi áŋa bunyímé ; bá ŋa bɔ́ bɛ́táá hú túábɔ́ tɔɔna, bé tuútu nyemiki i iŋetí cɛ ciabɔ́ bandɔ́mɛsɛ́; aáná bɔkɔ a bɔ́ á nyɛ́mana o beébe iinjie aatɔ́ ɔlama, eé buúbu eébú bá ŋa bɔ́ háya núábɔ́ nuúmi noómi, bá bɛ́tááka hú bɛsana bɛ́ ɔmɛsɛ́ ooci.

1 Timoté 5:6

Asana ɔ́mɔtɛ́, esíké eyí olíhe ú ɔmɛsɛ́ a yánáŋa o obíléníne áŋa ewéénú, ta yɛ́ cáŋa á bá anyía yɛ́ ŋa húánáná yɔɔ́sɔ.

1 Timoté 6:17

Láákɛ́na ɛnɔ́mɛ cɛ́ baacɔ anyía cí ti bíbéétíki, cɛ́ tɛ hákɛ́na mɔŋɔlɛ́ a bɔnɔ́mɛ, anyía búáŋa bú ɔsɔla. Mbá cɛ́á hákɛ́na mɔŋɔlɛ́ ná Bandɔ́mɛsɛ́ bímuócí anyía ú ŋaá basɔ́ iínjie bɛnyɛ́ma bikime biéŋí anyía tuésú biíbi bílénékíne.

2 Timoté 3:4

Bé ké búle ebú túé bɔsɔ́ɔ́kɔ́, beébe hú tulóbi ne tulóbi, ɛtɛ́má inyíóyókónú na bumálá hú mbiɔ́kɛ, bé lénéke osoomo ú ɔmɛsɛ́ ooci ɔ ɔhɔla Bandɔ́mɛsɛ́.

Sáak 5:5

Nu ŋe nú líhéké ɔ ɔmɛsɛ́ na a bɔnɔ́mɛ na a ambányɛ yí olíhe noómi, nu bílénéke, nu bɛ́lɔ́fáka bɛmbányɛ bɛ́ bɛnyɛ́ma bɛ́ ɔnyíá, nu tɔ́lɔ́kɔ háyɛ bitúké bɛ́ ɔwɔɔ́nɔ́kɔ a maŋanda.

1 Bíel 4:3

Yááŋa anyía, nú me nú húliki yáánɔ́ ekúlú yeéŋí o olíhe háyɛ be-ti-menyí Bandɔ́mɛsɛ́. Nu ŋa nɔ́ bá nuanɔ́ kɛ́laka bɛsana a bɛɛbɛ́ a bɛ́ ŋaá bá bɛ́ á banɔ́ hámɔ́kɔ́nɛ́na ɛ ɛtɛ́má : Na ɔmúána meluku, na aabɛ́ yɛ́ ɔnyíá, ne ohíólo meluku, ne onyemi bɛbɔ́kɔ́bɔ́kɔ bí bunyímé.

Nyɛnambɔnɛna nyɛ́ bɛsana 18:7

Bálɛ́ka eécí ŋaá bá cié bíbéétíki na bumálá buáyá, ekúlú ayɛ́ cɛ ŋaá bá cié líhéke bɔmbányɛ e nuúmi noómi. Ɛ́ɛhɛ́ bá ŋa nyɛmána bé o ciíci iínjíékíne muuyé muéŋí. Cɛ ŋa kɔɔna cɛsɛ : “Ciasɔ́ bálɛ́ka áŋa háyɛ otéŋí e woónjú ; cɛ tɛ á bá esíké aáná, ci ti kéé menyi mahana ta buɔ́sɛ́.”