Lúkas 12:15 - Nomaande

¹⁵ Aáná u ŋeé beébe laána bekime ɔsɛ : « Énu bíkékényíki, nɔtɛ bámɔ́kɔ́nɛ́na na ɔtɛ́má a bɔnɔ́mɛ ; anyía tɛ́ cáŋa bɔnɔ́mɛ buéŋí abɔ́ ɔɔcɔ áŋa ne buúbu, bú káá kɛla anyía weé líhéke buéŋí. »

Lúkas 12:15 Iomraidhean Croise

Malɛ́kus 7:22

na ɔ ɔkanda tusɔmɔ, na a hiɔkɔ ɔ ɔtɛ́má, na a nyɛŋána, ne e munéŋéne, na a aabɛ́ yí olíhe, na a yaáká yí eése, ne e muótóno, ne o obíbééti, na a buála.

Lúkas 12:16

Yésus ŋeé beébe túmíne ɛnjaba eeci ɔsɛ : « Ɛnɔ́mɛ cɛ ɔɔcɔ a cɛmɔtɛ́ ŋaá bándáka bɛyɔyɛ́ biéŋí a ciayɛ́ iisí.

Lúkas 16:14

*Bafalisiɛ́ŋ ŋa bɔ́ bá bábɔ́ lɔ́kɔ́máka bɛsana eébí bikime, bé wuúci ɔɔ́mbɔ́náka anyía bá ŋa bɔ́ bá bébú lénéke mɔɔnyɛ́.

Lúkas 21:34

« Énu bíkékényíki anyía cíínú ɛtɛ́má tɛ kasá, cíó bíínjie na a maŋanda ne o ohíólo meluku, cɛ́ bɛ́ákákɛ́na bɛsana bɛ́ ɔmɛsɛ́ ; keyé buɔ́sɛ́ etéebú káá banɔ́ béletenyi.

Lúkas 8:14

Eeme a má ŋa kuákɔ́na aá haála ahá tɔlandɔna naŋa túá lɔaka áŋa háyɛ baacɔ eebe a bá ŋa bɔ́ lɔ́kɔ́máká Bɛsana bɛ́ Bandɔ́mɛsɛ́, ɔ ɔcɔba ne buúse, ibíkéti ciéŋí ŋeé nyíóyo a bíábɔ́ bɛɛtɔ́, bɔnɔ́mɛ bɔ́ ɔmɛsɛ́ ŋe beébe hatɛ́ákɛ́na, bɔmbányɛ bú olíhe ŋé beébe nɔnjɛ́na ; buátɛ́ bɔkɔ bé ti ómo bú héyísi bɛtámá a bíɔ́nɛ́nánɔ́.

1 Kɔlɛ́ɛntɛ 6:10

te beébi, te beléne bɔnɔ́mɛ, te behíólo meluku, ta bɔɔ́mbɔ́na bɔsɔ́ɔ́kɔ́ mbá te bicónjólóŋó bɛ́ baacɔ tɛ́ ká bɔ́ bɔ́ŋɔ ehélé haála ahá Bandɔ́mɛsɛ́ ŋé téŋínyi.

Kolóso 3:5

Yaátɛ́ asana ánɔ aáŋíáka ɛtɛ́má a bɛsana a bɛɛbɛ́ bɛ́ ɔmɛsɛ́ abɛ́ nú ŋa nɔ́ kɛ́la. Ibiébi bíáŋa anyía ɛnjɔkɔ́nɔ́nɔ, ɔkɛla bɛsana bɛ́ mɔnyɔ́kɔ́lɔ́, ɔbá na hiɔkɔ ɔtɛ́má, na bɛɛbɛ́ bí ibíkéti, na yaáká yí eése ; yiíyi yááŋa nyinyemi nyɛ́ bɛbɔ́kɔ́bɔ́kɔ.

2 Timoté 3:2

yááŋa anyía baacɔ ká bɔ́ bá ne buhibé, bé lénéke mɔɔnyɛ́ buéŋí, bá kɛ́láka bumálá, bé bíbéétíki, bé fénékíne Bandɔ́mɛsɛ́, bá kɛ́lákɛ́na bíábɔ́ bibíényi aatɔ́ ɔnata ; bá ká bɔ́ bá na tɔŋákɔ, bé ti kéké bɔkɔ bú okotí.

Ebélé 13:5

Nɔtɛ bámɔ́kɔ́na na ɔtɛ́má ɔɔ́ mɔɔnyɛ́ ; mbá énu bílénékíne nyɛnamá anyɛ́ nua nɔ́ŋa ne nyiínyi, anyía Bandɔ́mɛsɛ́ ŋa kɔ́ɔna ɔsɛ : « I ti kó mi o síke ta buɔ́sɛ́, ɛ tɛ ɔ bɛ́yuáta ta buɔ́sɛ́. »

2 Bíel 2:14

Cííbú ɛtɛ́má ŋeé beébe hámɛ́na hú ɔ ɔfianana beénjú ; ɔkɛla bɔɔbɛ́ beébe bílénékíne ekúlú ekime. Bé ŋe bú bísúéne baacɔ a bá bɔ́ŋa na ɛtɛ́má ɛcɔ́ɔ́cɔ́, mɔɔnyɛ́ beébe hámɔ́kɔ́nɛ́na ɛ ɛtɛ́má buéŋí. Ɛ́ɛhɛ́ Bandɔ́mɛsɛ́ ne meé beébe lɔmɔkɔ.

2 Bíel 2:3

A asana ayɛ́ mɔɔnyɛ́ ŋaá hámɛ́na buéŋí ɔ ɔtɛ́má beékúnyi eébé, bá ká bɔ́ banɔ́ néŋéke na anamánamá cá bɛsana ɔ ɔ banɔ́ nyíákɛ́na. Mbá Bandɔ́mɛsɛ́ na maá bɔ́sɔ́na yáábɔ́ asana feeké ; wuúci yɔ́ cɔ́ba o o beébe menyisiki, tɛ́ka ne efule.