Lúkas 11:9 - Nomaande

⁹ Ɛ́ɛ, ɛ ŋa mɛ́ banɔ́ laana anyía ánɔ kɔ́ŋgɛ́na, bá ká banɔ́ iínjíékíne ; ánɔ aambáka, mbá nu ká nɔ́ bɔ́ŋgɔ́na ; énu kitéke ehenyi, mbá bá káá banɔ́ kúunine.

Lúkas 11:9 Iomraidhean Croise

Matío 21:22

Aáná bɔkɔ bukime abɔ́ nu ká nɔ́ báta Bandɔ́mɛsɛ́ na mɔŋɔlɛ́ mekime, nu ká nɔ́ bá ne buúbu. »

Matío 21:31

A baáná eébé béfendí, sɔ́ɔ́kɔ́ u háányɛ́ u ŋaá kɛ́láka nyiléne nyí síkíne e ? » Mbá báyɛ : « Sɔ́ɔ́kɔ́ u buúse u ŋaá kɛ́láka nyiléne nyí síkíne. » Mbá Yésus ɔsɛ : « Ɛ ŋa mɛ́ banɔ́ láana aá taaká anyía ne *betúé etéési ne bekendí bé beénjú ká bɔ́ cáŋa owoofokine e *Butéŋí bɔ́ Bandɔ́mɛsɛ́ na banɔ́.

Matío 6:29

Ta híáná, ɛ ŋa mɛ́ banɔ́ láana anyía te Otéŋí Sálɔmɔn a nɔhɛka nɔ́ búáyɛ́ bɔnɔ́mɛ noómi tɛ ɔ́mɔ bá na nyɛnamá nyɛ́ bɛmbányɛ bɛ́ bɛlaŋa háyɛ asama yiíyi ɔ́mɔtɛ́.

Malɛ́kus 11:24

A yaátɛ́ asana, ɛ ŋa mɛ́ banɔ́ laana ɛsɛ́ : Bɔkɔ bukime abɔ́ nú ŋa nɔ́ báta Bandɔ́mɛsɛ́, énu bíkéti ɔ ɔtɛ́má anyía nú me nú buúbu bɔ́ŋɔ ; aáná u káá banɔ́ buúbu iínjie.

Malɛ́kus 13:37

Asana eeye ayɛ́ ɛ́ ŋa mɛ́ banɔ́ láana ŋa lɛ́ca baacɔ bekime : Nɔtɛ hɛ́táka hiiné. »

Lúkas 11:10

Yááŋa anyía ɔɔcɔ okime awɔ́ u ŋɔ́ kɔŋɛna, bé kéé yiínjie ; okime awɔ́ u ŋa yáamba kɔ́ɔ́ bɔ́ŋɔ. Bé kéé kúúnine ehenyi né ooci ewú u ŋé kíte.

Sáaŋ 14:13

Aáná ɛ ká mɛ́ kɛlaka bɔkɔ bukime abɔ́ nu ká nɔ́ hɔ́lɛna náámɛ ɔ ɔbata anyía yaŋɔ́ Ɔɔ́nɔ́, yémi tóŋínyi baacɔ buáŋá bɔ́ ciamɛ Síkíne.

Sáaŋ 15:16

Tɛ́ cáŋa banɔ́ nú ŋa nɔ́ mɛ táfá ; mbá yaŋɔ́ ɛ ŋaá mɛ banɔ́ táfáká, míɔ banɔ́ tɔ́mɔ́kɔ́na a masɔ́ma, anyía núá cɔbáka, úúnú olíhe á hááka bɛtámá e bí kéé líhéke. Aáná Síkíne káá banɔ́ íínjie bɔkɔ bukime abɔ́ nu ká nɔ́ kándɛna náámɛ o o wuúci bata.

Sáaŋ 15:7

Mbɔ́kɔ nu ŋa nɔ́ látána e nyimónjóló na yaŋɔ́, úúmi ɔtáŋa wó limine e cíínú ɛtɛ́má, bɔkɔ bukime abɔ́ nu ká nɔ́ báta, nu ké nú buúbu bɔ́ŋɔ.

Sáaŋ 4:10

Yésus ɔsɛ nááyá : « Oó menyukune yaála yí nuubo yɛ́ Bandɔ́mɛsɛ́, e menyukune tɔ́na ooci awɔ́ u ŋɔ́ yɔ́ɔ kɔŋɛna menyífé ma ɔmúá, kuɔŋɔ́ ɔ ɔ́ŋa wu o wuúci kɔŋɛna menyífé, mbá wo wiínjie me hicéme. »

Lóom 2:7

Aáná, a aháŋá na baacɔ e bé ŋe bú bíínjie ɔ ɔkɛla bɛmbányɛ bɛ́ bɛsana, bá aambaka anyía Bandɔ́mɛsɛ́ é beébe iínjie nuúmi, wé beébe bɛ́sɔ́mɔ́kɔ, wé beébe iínjíékíne ɛndɛfɔnɔ́ cɛ cɛɛ́tɔ : Beébe eébé u káá kɛla anyía bébú líhéke yɔɔ́sɔɔ́sɔ yí olíhe yí ekúlú ekime.

2 Kɔlɛ́ɛntɛ 6:2

Yááŋa yɔɔ́ŋɔ́kɔ́nɔ́ anyía : « Ɛ ŋaá mɛ bɛ́kámá úúwe ɔbɛ́cɔ́kɔ́lɛ́na e ekúlú a yɛnyɛmánánɔ́, míɔ kuɔŋɔ́ nohi a buɔ́sɛ́ bɔ́ nyɛkɔmba. » Ánɔ lɛ́ca aná, ekúlú anyɛmánánɔ́ yí cibicibi eeye aámbáya ; aámbáya buɔ́sɛ́ bú okúmbíki baacɔ eebu hɛ́nánɔ.

Ebélé 11:6

Yááŋa anyíaʼo, ta ɔɔcɔ tɛ á bá wu obílénékíne Bandɔ́mɛsɛ́ mbɔ́kɔ u tɛ ŋáá háya mɔŋɔlɛ́ nááyá. Híáná munyemi Bandɔ́mɛsɛ́ mukime á nyɛ́maná mu olumitinine anyía Bandɔ́mɛsɛ́ ŋeé líhe, mu menyukune tɔ́na anyía Bandɔ́mɛsɛ́ ŋa náma baacɔ a bá ŋa bɔ́ áamba o wuúci menyi.

Ebélé 4:16

Yaátɛ́ asana túé búle bíkósi na mɔŋɔlɛ́ hoóhi ná Bandɔ́mɛsɛ́ ewú u ŋe bóosi baacɔ, anyía u káá basɔ́ bɛ́cámáka mahana, mbá u basɔ́ bóósiki ekúlú ekime ayɛ́ tua sɔ́ŋa ne muuyé.

Sáak 1:5

Ta híáná, mbɔ́kɔ ɔɔcɔ tɛ á bá ne injiŋé, wá batá ná Bandɔ́mɛsɛ́. U kéé wuúci íínjie. Bandɔ́mɛsɛ́ naŋa wó bóosiki baacɔ bekime, u tɛ táfána.

Sáak 5:15

Ɔbɛ́cɔ́kɔ́lɛ́na Bandɔ́mɛsɛ́ na mɔŋɔlɛ́ kɔ́ɔ́ yɔ́ɔ́lɛ́ta ɔkɔnɔ́kɔ́nɔ ; Otéŋí a Waáŋá kéé wuúci ééŋúnyísi, yó wuúci nyɛanɛnɛna tɔ́na, mbɔ́kɔ wáŋa ɔkɛlákánɔ́ maabɛ́.

1 Sáaŋ 3:22

U ŋaá basɔ́ iínjie tɔ́na bɔkɔ bukime ebú tu ŋe sú wuúci bata a asana ayɛ́ tu ŋá sɔ́ látɛ́na bíáyɛ́ bikotí, tu kɛlaka bɛsana e bí ŋé wuúci bíléníne.

Nyɛnambɔnɛna nyɛ́ bɛsana 2:24

Mbá aá banɔ́ bé etémbí bekime abá nua nɔ́ŋa aá Tɛatíil, banɔ́ nu tɛ ɔ́mɔ nɔ látɛ́na aabɛ́ yí nyiékúnyi eéyé, banɔ́ te omenyi bɛsana abɛ́ baacɔ ŋa bɔ́ lɔ́ŋɔ anyía bɛsana bí indiitie, bí injibí bɛ́ Sátan, ɛ ŋa mɛ́ banɔ́ láana anyía ɛ tɛ ŋá mɛ́ banɔ́ tuéhínyi bɔlamɔ́ bú etémbí,