Lúkas 11:41 - Nomaande

⁴¹ Énu iínjíékíne bu iínjíékíne basɔ́kásɔ́ka bɛnyɛ́ma a bɛ́áŋa na a bíánɔ́ bɛmúáná na a bíánɔ́ bɛnyíáná noómi, aáná nu ké búle anɔ́ lɛ́ca bɔkɔ bukime bufúúménénú.

Lúkas 11:41 Iomraidhean Croise

Matío 26:11

Yááŋa anyíaʼo, nua nɔ́ŋa na basɔ́kásɔ́ka aanɔ́ ɛ ɛkatɛ́katɛ́ bikúlú bikime. Mbá yaŋɔ́, ɛ tɛ ámɛ bá aanɔ́ ɛ ɛkatɛ́katɛ́ bikúlú bikime.

Matío 5:42

Ɔɔcɔ ɔ́ yɔ́ɔ kɔŋɛ́na bɔkɔ, wuúci íínjíé ; wɔ́ yɔ́ɔ batá bɔkɔ bú o wuúci foli, eti wuúci oómóko.

Malɛ́kus 7:19

anyía bɔkɔ abɔ́ u ŋaá nyíá ti ŋó yoófine ɔ ɔtɛ́má ú ɔɔcɔ, mbá aáyá a tɔɔna, búɔ́ háma ekúlú eyí wé súéte a afalɔ́. » Ɔ ɔtáŋa oócí, Yésus ŋe yoókísi baacɔ anyía ɔɔcɔ áŋa wu ɔnyíáka bɛnyɛ́ma bɛ́ ɔnyíá bikime.

Lúkas 12:33

« Énu túéke bíánɔ́ bɛnyɛ́ma, mbá nu iínjíékíne mɔɔnyɛ́ eémé ná basɔ́kásɔ́ka. Ánɔ bámɔ́kɔ́na na bɛmbalá a bɛ́ tɛ ŋɔ́ɔ́ bɔ́lɛa, ánɔ bándáka bɔnɔ́mɛ a Bunɔŋɔ bɔ́ Bandɔ́mɛsɛ́, haála ahá bú tɛ káá mána, beébi tɛ kaáháma o oweébe, nyɛnyía ti buúbu nyíá.

Lúkas 16:9

Ɛ ŋa mɛ́ banɔ́ láana isíʼo : Ánɔ tákáka mekendinyi, nɔ bɛ́kɛ́lákɛ́na maŋaŋa ma ɔmɛsɛ́ ooci a mááŋa maabɛ́, anyía ekúlú ayɛ́ ma káá mana, Bandɔ́mɛsɛ́ káá banɔ́ káha bɔmbányɛ aáyá a bunɔŋɔ e bú kéé líhéke ekúlú ekime.

Lúkas 18:22

Ɛ́makɛ́la Yésus á lɔ́kɔ́má aáná, mbá ɔsɛ : « Asana a yɛ́mɔtɛ́ áŋa hɔ́á a yɔ́ nyɛmána wu ɔkɛlaka tɔ́na : Túéke bɛnyɛ́ma bikime abɛ́ ɔ ɔ́ŋa ne biíbi, mbá aafakɛna mɔɔnyɛ́ ná basɔ́kásɔ́ka, aáná ɔ kɔ́ɔ́ bá na bɔnɔ́mɛ a Bunɔŋɔ bɔ́ Bandɔ́mɛsɛ́ ; mbá á faaya, e búle mɛ látɛ́na. »

Lúkas 19:8

E uúye ooki, Sásɛ́ ŋeé bíkósíti né Otéŋí a Waáŋá, mbá ɔsɛ : « Ɔ́ɔ lɛcá, Otéŋí, míɔ cɔba o owiínjíékíne basɔ́kásɔ́ka asaasalɛ yɛ́ búámɛ bɔnɔ́mɛ ; mbɔ́kɔ ya mɛ́ŋa oweébénú bɔkɔ bɔ́ ɔɔcɔ a bɔ́mɔtɛ́, míɔ cɔba o o wuúci helúmúnyínyi bɛnyɛ́ma bínyíse. »

Buólí 10:15

Okelú oócí ŋa háná á lɔ́kɔ́mána, u ŋé wuúci laána ɔ́sɛ : « Bɔkɔ bukime abɔ́ Bandɔ́mɛsɛ́ ŋaá kɔ́ɔ́na anyía búáŋa bufúúménénú, atɛ kɔɔ́na anyía búáŋa bɔkɔ bɔ́ mɔnyɔ́kɔ́lɔ́. »

Buólí 11:29

Baákɔ́nɛ́na bé Yésus ŋa bɔ́ sɔ́mbɔ́tɔ́ná o owiínjíékíne hú naányɛ́ bɔkɔ bukime abɔ́ wáŋa wu ɔbɔ́ŋɔ, anyía bábɔ́ tɔ́mɛ́na benyíinyí bé olumitinine bé Yuté nyiɔ́lɔ.

Buólí 24:17

I ŋe mí hulíki ɔmbana ú tuɔŋɔ weéŋí, míɔ kɔ hálɔ́mɔ́na eé Yelúsalɛm. Ɛ ŋgaá mɛ hálámánáná na bɛnyɛ́ma bɛ́ ɔwaafakɛna baacɔ bá mahana bá búámɛ bunɔŋɔ ne bitúké bɛ́ ɔsɔ́mbákɛ́na Bandɔ́mɛsɛ́ *bɛbɛ́sámbá.

2 Kɔlɛ́ɛntɛ 8:12

Yááŋa anyía, ekúlú ayɛ́ ɔɔcɔ á háŋa owiínjie bɔkɔ na ambányɛ yɛ́ ɔtɛ́má, Bandɔ́mɛsɛ́ ŋaa káha nyíáyɛ́ nyiínjie eényí, u fanakɛna nyɛbɔ́ŋɔ nyɛ́ ɔɔcɔ oócí, mbá tɛ́ cáŋa a bɔkɔ abɔ́ u tɛ á bá ne buúbu.

Ɛfɛ́ɛsɛ 4:28

Ɔɔcɔ okime awɔ́ u náŋa we yeébéke tɛ háná éébe ; mbá wé búle lɛca muuyé ɔ ɔnyiɔ buólí na cááyɛ́ aabá, u hɔ́máka mɔɔnyɛ́. Aáná u káá bá na bɔkɔ bɔ́ ɔwɔɔ́lɔ́kɔ basɔ́kásɔ́ka.

Tite 1:15

Bɔkɔ bukime áŋa bufúúménénú a baacɔ a bá bɔ́ŋa befúúménénú. Ta bɔkɔ a búmɔtɛ́ tɛ á bá bufúúménénú a baacɔ a bá tɛ abɔ́ bá befúúménénú ; na ciabɔ́ injiŋé ne hííbú hɛcɔɔ́cɔ́ hɛ́ ɔtɛ́má ŋeé beébe nyɛkɛtɛna hú ɔ ɔkɛla bɛɛbɛ́ bɛ́ bɛsana, bá tɛ lɔ́kɔ́ma aatɔ́ ɔlama.

Ebélé 13:16

Nɔtɛ bɛ́hɔ́ya ɔkɛla bɔsɔ́ɔ́kɔ́ bɛmbányɛ bɛ́ bɛsana, na ɔwɔɔ́lɔ́nɔ́nɔ, ananyía anamá cá bɛbɛ́sámbá eécé cé ŋé bíléníne Bandɔ́mɛsɛ́.

Ebélé 6:10

Bandɔ́mɛsɛ́ áŋa ɔtálɛ́mánánɔ́ ; buátɛ́ bɔkɔ ú tɛ káá bɛ́hɔ́ya búánɔ́ buólí te nulénéne enú nu ŋe nú wuúci léne. Nuúnu nú ŋa lɛ́cána aá nyiɔ́lɔ anyɛ́ nu ŋa nɔ́ ɔɔ́lɔ́kɔ báánɔ́ benyíinyí bé olumitinine ; nyiɔ́lɔ eényí nua nɔ́ánáŋa ɔ ɔcɔba ne buúse ɔ ɔkɛla.

Sáak 1:27

Taaká ci efúúménénú yí olumitinine eé buúse bɔ́ Bandɔ́mɛsɛ́ awɔ́ ú tɛ á bá ne ehíŋe, ícíoci wáŋa anyía : Na ɔwaamba ohónyí ú otétényíki ne cuuné cɛ́ banásɛ́ ne bisíké bí beénjú e muuyé, ne obíkíilie bɛɛbɛ́ bɛ́ bɛsana bɛ́ ɔmɛsɛ́ ooci o otibítífíle.