Lúkas 11:4 - Nomaande

⁴ Basɔ́ nyɛ́ánɛ́nɛ́na maasɔ maabɛ́, háyɛ basɔ́ bɛ́muátá tu naŋa tuásɔ nyɛ́anakɛnɛna tɔ́na baacɔ abá ŋa basɔ́ kɛla bɔɔbɛ́. Eti lumitine anyía tuásɔ́ kúákɔ́na a mɔɔ́kɛ́tánána noómi. »

Lúkas 11:4 Iomraidhean Croise

Matío 18:35

Ɛ́ɛhɛ́ ɛ ŋa mɛ́ banɔ́ laána anyía ciamɛ Síkíne cɛ Ɔmuaná káá banɔ́ kɛlaka bɔkɔ búmɔtɛ́, mbɔ́kɔ ɔɔcɔ okime aá banɔ́ tɛ ŋáa nyɛ́ánɛnɛna na ɔtɛ́má okime uuyé onyíinyí. »

Matío 26:41

Énu limíne bɔɔ́sɔ, ánɔ bɛ́cɔ́kɔ́lɔ́kɛ́na Bandɔ́mɛsɛ́ anyía muɔ́kɛ́tánana tɛ banɔ́ hámɛ́na. Ɔɔcɔ áŋa na ɔtɛ́má ɛ ɛcálɛ cɛ ɔkɛlaka bɔmbányɛ, mbá yuúhé tɛ́ka. »

Lúkas 11:5

Yésus ŋá háná beébe laána ɔsɛ : « Túá kɔɔna anyía ɔ ɔ́ŋa na ɔlɔ́ɔwɔ, wɔ́ɔ cɔba e úúyé ooki nebutúé, wó wuúci laana anyía : “Aláamɛ, mi folí bɛnyɛ́ma bɛ́ ɔnyíá,

Lúkas 13:4

Ta anyía, nu ŋa nɔ́ bɛ́táá asana yɛ́ baacɔ eebe buunyi na bátátɔ́ ebé ciíbe cɛ ɔmuaná cɛ andányɛ́ a asásɛ́ yí Siloé ŋeé beébe kuákɔ́nákɛ́na, cío beébe ɔɔ́kɔ́sɔ́kɔ. Yáakɛlá a nyíánɔ́ nyɛlɛca, bá ŋa bɔ́ kɛ́láka bɔɔbɛ́ ɔ ɔhɔla baacɔ bekime bé Yelúsalɛm a bɔ́mɔtɛ́ e ?

Lúkas 22:46

Mbá ɔsɛ náábɔ́ : « Anyíatɛ́ nu ŋa nɔ́ hɛ́ta e ? Ánɔ háányúá, ánɔ bɛ́cɔ́kɔ́lɔ́kɛ́na Bandɔ́mɛsɛ́ anyía mɔɔ́kɛ́tánána tɛ banɔ́ fáayɛna. »

Lúkas 8:13

Eeme a má ŋa kuákɔ́na a akɔnja ɔ ɔmuaná áŋa háyɛ baacɔ eebe a bá ŋa bɔ́ lɔ́kɔ́máká Bɛsana bɛ́ Bandɔ́mɛsɛ́, bó biíbi káha ne obíléne, mbá biíbi ta ɔwɔɔ́nɛ́na náábɔ́ anyía bɛkaŋá tɛ ɔ́mɔɔ́ bá. Bé ŋe bú lúmítíníne e ekéti yí ekúlú ; mbá ekúlú ayɛ́ mɔkɔkɔnana é beébe hámɛ́na, bɔ́ hálɔ́mɔ́kɔ́na né elime.

Sáaŋ 17:15

Ɛ tɛ ŋá mɛ́ ɔ́ɔ bɛ́cɔ́kɔ́lɛ́na anyía óo beébe aáŋíá ɔ ɔmɛsɛ́ ooci, mbá ɛ ŋa mɛ́ ɔ bɛ́cɔ́kɔ́lɛ́na anyía óo beébe tétényíki, Ɔŋána ti beébe bítíse.

1 Kɔlɛ́ɛntɛ 10:13

Énu menyí anyía muɔ́kɛ́tánana mukime amɔ́ nu ŋa nɔ́ ɔɔ́ndɛ́mána, baacɔ bekime naŋa bébú muúmu ɔɔ́ndɛ́mákána. Aá Bandɔ́mɛsɛ́, wuúci, u ŋé nyióyísínyi úúyé ɔtáŋa ; aáná u ti ké yóókóto anyía Sátan á banɔ́ ɔɔ́kɛ́tákɛ́na ɔ ɔhɔla máánɔ́ makɛ́nda. Ekúlú ayɛ́ u ŋaá banɔ́ ɔɔ́kɛ́tɛ́na, Bandɔ́mɛsɛ́ káá banɔ́ íinjie makɛ́nda ne me oweéhíkínyínyi, ne me o muúmu yáka.

Kolóso 3:13

Énu eéhíkínyínyi, nu nyɛánákánána bɛsana ekúlú ayɛ́ sɔ́ɔ́kɔ́ á kɛ́la sɔ́ɔ́kɔ́ bɔkɔ a bɔɔbɛ́ ; ánɔ nyɛánákánána na ambányɛ yɛ́ ɔtɛ́má ekime háyɛ Yésus tɔ́na ŋaá banɔ́ nyɛánákɛ́nɛ́na na ambányɛ yɛ́ ɔtɛ́má ekime.

2 Tɛsaloníke 3:3

Otéŋí a Waáŋá ŋo nyióyísínyi cááyɛ́ esúŋe bikúlú bikime. Wuúci u káá banɔ́ kíndísíki, yɔ́ banɔ́ tétényíki anyía Sátan tɛ banɔ́ kɛlá bɔkɔ a bɔɔbɛ́.

2 Timoté 4:18

I ŋe mí menyi anyía Otéŋí a Waáŋá kéé mi kétúnyíki tɔ́na a bɛɛbɛ́ bɛ́ bɛsana bikime ; u kéé mi tétényíki, yó kó mi oofinyi ɔ Ɔmuaná eeyé e Butéŋí. Wuúci túásɔ́ nyɛmána tu owiínjíékíne nuúmi bikúlú bikime. *Híáná yááŋa.

Sáak 2:13

Mbɔ́kɔ ɔɔcɔ tɛ ŋá bɛ́cáma bɔsɔ́ɔ́kɔ́ mahana, Bandɔ́mɛsɛ́ tí ké wuúci bɛ́cáma mahana ekúlú eyí u kéé wuúci kélísíki. Mbá, mbɔ́kɔ ɔɔcɔ ŋa bɛ́cáma bɔsɔ́ɔ́kɔ́ mahana, u tɛ ɔ́mɔ́ nyɛ́mana wu olíkíméke nyɛkála.

Nyɛnambɔnɛna nyɛ́ bɛsana 2:10

Eti líkíme muuyé amɔ́ wɔ́ cɔba ɔ ɔlɔ́kɔ́máka hí aámbáya. Ɛ́náka, Musɔ́mɛ́na múɔ́ cɔ́ba ɔ ɔkɛla anyía bá hákɛ́na bɔ́mɔtɛ́ baacɔ bé úúnú ɔlɔŋɔ eé ciíbe cɛ ɛcaná ɔ ɔ banɔ́ ɔɔ́kɛ́tákɛ́na ; aáná nu ká nɔ́ ɔɔ́ndɛ́mákánána indekese e ci kéé líhéke mɔɔ́sɛ́ mɔɔ́hátá. Tétényíki úúwe olumitinine ɔ ɔkɔɔ́háma o owé ; aáná i ké mí o wiínjie atamba yí olíhe ú ekúlú ekime.

Nyɛnambɔnɛna nyɛ́ bɛsana 3:10

A asana eyí o ŋoó weéhíkínyínyí otétényi bíámɛ bɛsana, yaátɛ́ asana yaŋɔ́ tɔ́na i ké mi o tétényíki ekúlú ayɛ́ baacɔ bekime bá ɔmɛsɛ́ okime ká bɔ́ lɔ́kɔ́máka muuyé a mɔ́ á nyɛmána mu o beébe hámɔ́kɔ́nɛ́na.