Lúkas 11:39 - Nomaande

³⁹ Ɛ́makɛ́la Otéŋí a Waáŋá é menyi aáná, mbá ɔsɛ nááyá : « Na kuɔŋɔ́ na bɔlɔ́ɔwɔ Bafalisiɛ́ŋ, nu ŋe nú fúúmínyi elime cɛ na amúánɛ́ná na anyíáná, mbá cíínú ɛtɛ́má áŋa inyíóyókónú ne ibíkéti cí ne buébi na nyɛŋána.

Lúkas 11:39 Iomraidhean Croise

Matío 15:19

Yááŋa anyía, ɔ ɔtɛ́má ú ɔɔcɔ noómi bɛɛbɛ́ bí ibíkéti ŋé húle. Biíbi bí ŋeé wuúci tɔ́ma na a muɔ́nɔ́nɔ, na ɔ ɔkanda tusɔmɔ, na ɔ ɔkɛla bɛsana bɛ́ ɛnjɔkɔ́nɔ́nɔ, ne e buébi, na ɔ ɔháyɛ́na baacɔ ɛmbasɔ́ cɛ́ bɛfala ne e muótóno.

Matío 7:15

« Énu bíkékényíki *behémúnyi bɛsana bá bɛfala. Bá ŋa bɔ́ faaya náánɔ́ ne meleŋébínyí ma ɛtɔ́mbá aá cɛɛ́tɔ, yiíyi anyía ɛ ɛtɛ́má noómi bá ŋa bɔ́ sáama háyɛ mɔmɔ́ndá.

Lúkas 16:15

Mbá Yésus ɔsɛ náábɔ́ : « Nu ŋa nɔ́ áamba anyía baacɔ á banɔ́ hiíteke háyɛ bɛtálɛ́mánánɔ́ bɛ́ baacɔ ; mbá Bandɔ́mɛsɛ́ ŋe ményi cíínú ɛtɛ́má. Yááŋa anyía bɔkɔ abɔ́ baacɔ ŋa bɔ́ lɛ́ca háyɛ bɔmbányɛ ɔ ɔhɔla, Bandɔ́mɛsɛ́ ŋeé buúbu lɛca háyɛ bɔɔbɛ́ ɔ ɔhɔla.

Lúkas 7:13

Ekúlú eyí Otéŋí a Waáŋá Yésus ŋeé yiíyi lɛca yá lɛ́laka, u ŋé yiíyi bɛ́cáma mahana ; u ŋé yiíyi laána ɔsɛ : « Atɛ lɛláka ! »

Lúkas 7:19

u ŋé beébe tɔ́ma né Otéŋí a Waáŋá Yésus o okoó wuúci batá anyía : « Mbá ɔ ɔ́ŋa Ooci awɔ́ á nyɛ́mana wu ɔfaaya ayɛ́ʼ tu ŋá sɔ́ nyɛ́mána tu ɔtátáka u etémbí e ? »

Sáaŋ 12:6

U ŋaá bá u tɛ á kɔ́ɔ́na aáná anyía u ŋaá bá waá bɛ́ákákɛ́na a asana yɛ́ basɔ́kásɔ́ka, mbá anyía u ŋaá bá weébi. Háyɛ u ŋaá bá mutétényi hikóló, u ŋaá bá waá nyíáka nyɛnamá aá mɔɔnyɛ́ amá bá ŋaá bá bá hákɛ́na noómi.

Sáaŋ 13:2

Yésus ŋaá bá ɔ ɔnyíá ú nanyiɔ́fɔ́ na bááyɛ́ *baákɔ́nɛ́na, ɛ́cɛ Musɔ́mɛ́na ne meé yoósíkínyi Yútas Iskaliót, ɔɔ́nɔ́ u Símon, o ofiimbie Yésus.

Buólí 5:3

Aáná Bíel ŋeé wuúci batá ɔsɛ : « Ananías, anyána *Sátan áŋa wu onyíóyo ɔɔ́wɔ ɔ ɔtɛ́má a nyɛnamá enyí o ŋoó néŋe *Efúúménénú yí Elilé, mbá a namba mɔɔnyɛ́ a mɔ́mɔtɛ́ me ekéti yí iisí eyí ó moó túé e ?

Kalasi 1:14

Baacɔ bé híími hɛɛya ŋa bɔ́ bá bábɔ́ látákɛ́na abɛ́kɛ́lɛ́na cé olumitinine ú Besuif eécé, mbá yaŋɔ́ ɛ ŋaá mɛ bá yémi beébe hɔlaka o o biíbi látɛ́na ; i ŋeé mi bíínjíé e nyiwééné a nyɛlátɛ́na nyɛ́ abɛ́kɛ́lɛ́na cá babaabá, mío beébe hɔlaka.

2 Timoté 3:5

Bé ké búle abɔ́ hɔ́á baacɔ a bá ŋa bɔ́ látɛ́na abɛ́kɛ́lɛ́na cé olumitinine, mbá bé ti lumitíne anyía makɛ́nda ma Bandɔ́mɛsɛ́ áŋa ma ɔkɛla anyía bébú líhéke háyɛ ú ŋé léne. Ɛ ŋa mɛ́ ɔ laana anyía limine haaca na baacɔ eébé.

Tite 1:15

Bɔkɔ bukime áŋa bufúúménénú a baacɔ a bá bɔ́ŋa befúúménénú. Ta bɔkɔ a búmɔtɛ́ tɛ á bá bufúúménénú a baacɔ a bá tɛ abɔ́ bá befúúménénú ; na ciabɔ́ injiŋé ne hííbú hɛcɔɔ́cɔ́ hɛ́ ɔtɛ́má ŋeé beébe nyɛkɛtɛna hú ɔ ɔkɛla bɛɛbɛ́ bɛ́ bɛsana, bá tɛ lɔ́kɔ́ma aatɔ́ ɔlama.

Sáak 4:8

Énu bíkósíki ná Bandɔ́mɛsɛ́, aáná u kéé bíkósíti tɔ́na náánɔ́. Banɔ́ bakɛla maabɛ́ abá nua nɔ́ŋa ne ibíkéti ífendí, ánɔ bɛ́súáka aabá, cí é fúúméne ; ánɔ aáŋíáka maabɛ́ e ciínú ɛtɛ́má noómi.