Lúkas 11:34 - Nomaande

³⁴ Cɔ́ɔ́wɔ eése áŋa háyɛ lámba cɛ cɛɛ́tɔ ; ekúlú ekime ayɛ́ cɔ́ɔ́wɔ eése áŋa ambányɛ, ciɔwɔ cɛɛ́tɔ áŋa e eese noómi. Mbɔ́kɔ cɔ́ɔ́wɔ eése tɛ á bá ambányɛ, ciɔwɔ cɛɛ́tɔ ikime áŋa i ibíne noómi.

Lúkas 11:34 Iomraidhean Croise

Malɛ́kus 4:12

Búáŋa aáná anyía : “Bábɔ́ lɛ́cakana, mbá bá tɛ hɔlá ɔlɛcana ; bábɔ́ lɔ́kɔ́ma, mbá bá tɛ hɔlá ɔlɔ́kɔ́ma, anyía keyé bá ká bɔ́ bɛ́kɔ́ŋɔ́nákɛ́na ɛtɛ́má, Bandɔ́mɛsɛ́ yó beébe nyɛanakɛnɛna máábɔ́ maabɛ́.” »

Malɛ́kus 7:22

na ɔ ɔkanda tusɔmɔ, na a hiɔkɔ ɔ ɔtɛ́má, na a nyɛŋána, ne e munéŋéne, na a aabɛ́ yí olíhe, na a yaáká yí eése, ne e muótóno, ne o obíbééti, na a buála.

Malɛ́kus 8:18

Nua nɔ́ŋa ne eése mbá nu tɛ lɛ́cana, banɔ́ ne eetú mbá nu tɛ lɔ́kɔ́ma. Nú ma nɔ́ bɛ́hɔ́yáka ayɛ́ʼ ?

Lúkas 11:35

Yaátɛ́ asana bíkékényíki anyía eese a yáaŋa nɔ́ɔ́wɔ tɛ bɛ́cáŋa ibíne.

Buólí 13:11

Aámbáya eeci, lɔ́kɔ́ma ! Otéŋí a Waáŋá yɔ́ cɔba wé yóo súbéke, wɔ́ɔ cɔba ɔ ɔkua indímé, a tɛ háná lɛca eese yɛ́ ɔɔ́cɔ́ ɔ ɔkɔɔ́háma e ekúlú a yɛ́mɔtɛ́. » Hí ahɛ́ u ŋaá táŋáka aáná, eése ce Elimas ŋá kuá ibíne, indímé nyi wuúci bíhúéne eényí ; u ŋé túme ɔmɔmɔ bɛháŋá bikime, anyía wɔ́ bɔ́ŋɔ ɔɔcɔ wu o wuúci tímbie ɔ ɔɔbɔ́.

Buólí 2:46

Ekúlú ekime bá ŋa bɔ́ bá bábɔ́ bɛ́bándákána mɔɔ́sɛ́ mekime eé *Ciíbe cɛ Bandɔ́mɛsɛ́ e nyimónjóló noómi, bé nyíékínyi haála hɔ́mɔtɛ́ a maabɔ́ meébe, bé biíbi nyíáka ne obíléne ne nulénéne ɔ ɔtɛ́má.

Buólí 26:18

Ɛ ŋa mɛ́ ɔ tɔ́ma hɔ́á o okoó beébe húúnéke eése, wó beébe hémúkúnyi i ibíne noómi anyía bébú oófókíne e eese noómi ; wó beébe aáŋíáka e butéŋí bɔ́ Sátan, mbá e beébe hákɛ́na e *Butéŋí bɔ́ Bandɔ́mɛsɛ́. Mbɔ́kɔ bá ŋa bɔ́ hákɛ́na mɔŋɔlɛ́ náámɛ, Bandɔ́mɛsɛ́ kéé beébe nyɛanakɛnɛna máábɔ́ maabɛ́, yó beébe limisikinyi ɛ ɛkatɛ́katɛ́ cɛ bááyɛ́ baacɔ abá u ŋɔ lɔ́tɔ́kɔ.” »

2 Kɔlɛ́ɛntɛ 1:12

Asana a yɛ́ ŋaá basɔ́ iínjie bɔɔcɔ e túásɔ́ tɔcɔɔ́cɔ́ tɔ́ ɛtɛ́má noómi áŋa anyía nyíásɔ́ nyɛbɛ́kɛ́lɛ́na tɛ á bá ne bicocí, nyɛ́áŋa taaká. Tu ŋe sú nyíóyísíkínyi bɛsana abɛ́ tu ŋa sɔ́ táŋa háyɛ Bandɔ́mɛsɛ́ ŋeé léne, te eenú eé buúse tu ŋa sɔ́ bɛ́kɛ́lɛ́na aáná. Tu tɛ ɔ́mɔ́ sɔ́ bɛ́kɛ́lɛ́na ne injiŋé cɛ baacɔ, mbá yaála yí nuubo yɛ́ Bandɔ́mɛsɛ́ ŋaá basɔ́ kíndísíkí ɔ ɔkɛla aáná.

2 Kɔlɛ́ɛntɛ 11:3

Ta híáná, ɛ ŋaá mɛ bɛ́ákɛ́na buéŋí anyía, háyɛ ciɔ́hɔ ŋeé néŋéké *Ɛfa na mááyɛ́ menjiŋé, baacɔ tɔ́na tɛ banɔ́ néŋéke ɔ ɔkɔɔ́háma ayɛ́ nua nɔ́ŋa nú ɔbɛ́áhákɛ́na e eciké, nu tɛ háná látɛ́na taaká ci ohónyí [e wufúúménénú] ú Kilís.

2 Kɔlɛ́ɛntɛ 4:4

A asana na baacɔ eébé a bá tɛ ŋá bɔ́ lɔ́kɔ́ma bɔmbányɛ Ambányɛ yɛ́ Ɛsɔ́ma, yááŋa anyía Sátan, bandɔ́mɛsɛ́ cɛ ɔmɛsɛ́ ooci, u ne meé beébe cakalaka bíábɔ́ bɛɛtɔ́, anyía bá tɛ́ lɛcá háyɛ Ambányɛ yɛ́ Ɛsɔ́ma yí nuúmi nú *Kilís ŋá nɔ́ma náábɔ́, nú húlúkúne ne Kilís. Waáta Kilís áŋa taaká ci ihúényínyí cɛ Bandɔ́mɛsɛ́ bɛ́muátá.

Ɛfɛ́ɛsɛ 1:17

Ɛ ŋaá mɛ bɛ́cɔ́kɔ́lɛ́na Bandɔ́mɛsɛ́, Síkíne ci nuúmi ewú uusú Otéŋí a Waáŋá Yésus *Kilís ŋaá bá weé nyémiki ; i ŋe mí wuúci bɛ́cɔ́kɔ́lɛ́na anyía wá banɔ́ íínjíé injiŋé, mbá u bítóŋínyi náánɔ́ o o wuúci menyi bɔmbányɛ bɔmbányɛ ;

Ɛfɛ́ɛsɛ 6:5

Banɔ́ bɛɔ́lɛ́, ánɔ lɔ́kɔ́mákɛ́na báánɔ́ baáŋá bá ɔmɛsɛ́, nu beébe kékéke, nu beébe béétíki, énu beébe nyiɔkɛna buólí na ambányɛ yɛ́ ɔtɛ́má ekime bɔkɔ búmɔtɛ́ háyɛ anyía Kilís nú ŋa nɔ́ lɔ́kɔ́mɛ́na.

Kolóso 3:22

Banɔ́, bɛɔ́lɛ́, ánɔ lɔ́kɔ́mákɛ́na báánɔ́ *baáŋá bá ɔmɛsɛ́ a bɛsana bikime ; tɛ́ cáŋa hú ekúlú ayɛ́ bá bɔ́ŋa hoóhi na banɔ́ ɔ banɔ́ nyiósi, anyía nuénú beébe bílénékíne. Mbá énu beébe lɔ́kɔ́mákɛ́na na ambányɛ yɛ́ ɔtɛ́má ekime yí eebe e bé ŋe bú kéke Otéŋí a Waáŋá.