Lúkas 11:19 - Nomaande

¹⁹ Mbɔ́kɔ na makɛ́nda ma Bɛlɛsɛbúl i ŋeé mi hémúnyi bɛɛbɛ́ bí bililé a baacɔ, báánɔ́ baacɔ ŋe bú biíbi hémúnyi na makɛ́nda ma aányɛ́ e ? Beébe bá ká bɔ́ banɔ́ sɔ́mbɔ́tɔ́nɛ́na asana eeye.

Lúkas 11:19 Iomraidhean Croise

Matío 10:25

Bú ŋá nyɛmána yáaŋa anyía *muákɔ́nɛ́na á háma bɔkɔ búmɔtɛ́ háyɛ muayɛ́ muékúnyi ; munyiɔnɔ tɔ́na múɔ háma bɔkɔ búmɔtɛ́ háyɛ ciayɛ́ síkíne ci buólí. Mbɔ́kɔ bé ŋe yíínjie mutéŋínyi ciíbe cɛ baacɔ nyiínyi anyía Bɛlɛsɛbúl, mbá anyána aná na baacɔ bá ciayɛ́ ciíbe cɛ baacɔ e ? »

Matío 4:24

Bá ŋaá bá bé yóómísíki nyíáyɛ́ nyiínyi a bunɔŋɔ bukime bú Silíi, bé wuúci hélékéníne na baacɔ bekime a bá ŋa bɔ́ kɔ́nɔ anamánamá cá ɛkɔnɔ ikime, ne eebe abá bɛɛbɛ́ bí bililé ŋaá bá bíé yébíki, ta bɔkɔnɔ yiílíli, ta bɛsákála. Yésus beébe eéŋúnyísíki bekime.

Lúkas 19:22

Mbá ɔsɛ : “Ɔ ɔ́ŋa aabɛ́ yɛ́ munyiɔnɔ, míɔ cɔba ɔ ɔ kuɔŋɔ́ túméke tɔkɔma ɔ mɔ́ɔ́wɔ mehúnyi ma bɛ́muátá ; ɔ ŋɔɔ́ bá oó menyukune anyía ya mɛ́ŋa na nyɛhatɛ́, i ŋe mí hiíte bɛnyɛ́ma abɛ́ ɛ tɛ ɔ́mɔ bátɛ́na, ɛ sáŋáka abɛ́ ɛ tɛ ɔ́mɔɔ́ wɔɔ́nɔ́.

Lúkas 9:49

Ekúlú eéyé mbá Sáaŋ ɔsɛ : « Taatá, tú ŋa sɔ lɛca ɔɔcɔ a wɔmɔtɛ́ é hémúkúnyi *bɛɛbɛ́ bí bililé oówo eé nyiínyi ; tú ŋé sú wuúci sáŋɔ́nɛ́na ɔkɛla aáná, anyía u tɛ á bá ɔɔcɔ u úúsú ɔlɔŋɔ. »

Buólí 19:13

*Besuif a bɔ́mɔtɛ́ a bá ŋa bɔ́ bá bé húlé ábɔ́ kándaka bɛhaála bɛhaála o ohémúnyi bɛɛbɛ́ bí bililé aá cɛɛ́tɔ cɛ́ baacɔ ŋa bɔ́ bɛ́kánáka ɔbɛ́kɛ́lɛ́na tɔ́na nyiínyi nyí Yésus, bá láakɛna bililé báyɛ : « Ɛ ŋa mɛ́ banɔ́ láana ne esise eé nyiínyi nyí Yésus ewú Bóol ŋe húlinyi baacɔ yááyɛ́ asana anyía, ánɔ hámɔ́kɔ́na aá cɛɛ́tɔ cɛ ɔɔcɔ ooci ! »

Lóom 3:19

Basɔ́ bekime tu ŋe sú ményi bɔmbányɛ anyía bɛsana bikime ebí *bikotí ŋe yéékúnyi ŋaá lɛ́cá hú baacɔ e bé ŋe bú bíékínyi ɔlátɛ́na bikotí. Bú ŋo tóŋínyi anyía ta ɔɔcɔ tɛ bɔ́ŋɔ ohónyí wú ɔbɛ́kála, tɔ́na anyía ɔɔcɔ okime áŋa na nyɛkua eé buúse bɔ́ Bandɔ́mɛsɛ́.